Korɛntə dɔlɔɔ 14:31 - Yálá laawoo hɛɓɛ (dc)

³¹ Ká kəlee ka pɛli 'ká Yálá kwəi mɛ̨nį hukulɔ, kɛlaa, ka kɛ moi tɛi tɛi, ya ɓə a gɛ, nu kəlee di kili hɔlɔɓo, di hvaŋą ə lɔ.

Yálá laawoo hɛɓɛ

³¹ Ká kəlee ka pɛli 'ká Yálá kwəi mɛ̨nį hukulɔ, kɛlaa, ka kɛ moi tɛi tɛi, ya ɓə a gɛ, nu kəlee di kili hɔlɔɓo, di hvaŋą ə lɔ.

Bible

³¹ Kpɛ́ni fêi, kákelee ka pɔ̂ri Ɣâla-woo ƃôi tɔnɔ́-tɔnɔ́ a gɛ́ɛ ǹúui kélee dí sɛŋ kɔ́lɔŋ, lii-kpele é kɛ́ ǹúui kélee yêei.

Korɛntə dɔlɔɔ 14:31 Referans Kwoze

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Tɛsalonikə dɔlɔɔ 5:11

Yili mąą mɛ̨nį ɓa, 'ká kɛ ká keeni hvaŋąlɔi a yələ kəlee, káá ká keeni liikpələ, yɛ bələi ká kɛ gɛi la a bɔlɔ.

Tɛsalonikə dɔlɔɔ 4:18

'Ká ká keeni liilaa kani a niɛwoo tii.

Ifisiɛŋ 6:22

Ŋą́ giliɓo, ŋą́ dɔɔ ká pɔɔli, ə gɛ, ɓɛi ku kaa laa, ə ɉukulɔ káá, ɛlɛɛ, ə ká hvaŋąlɔ.

Korɛntə veelɛ 1:4

Ya ɓə a gu liilaa, gu wɔ kwəi pilimąąɠaa kəlee hu, yɛ gɛ, guɔ pɛli, nuąi kwəi pilimąą hu di liilaai, a liilaai guɔ kpinįlee gwa ɉɔlɔɓo Yálá yəi.

Korɛntə dɔlɔɔ 14:35

Akɛ di kaa bɔ di mɛ̨nį ta hukulaa kaa, mąąnɛ̨ɛ̨ di di hilɛni mąąni kɛ bɛlɛ́ laaləi. Mąą hvo nɛ̨ɛ̨li nɛ̨ɛ̨nu hvo bələ ɓo gbɔn ɉu.

Korɛntə dɔlɔɔ 14:19

Kɛlaa, gbɔn ɉu, nɛlɛɛ ɓaa, ŋą́ woo lɔɔli ɓo, nuą di mɛ̨n, ə tɛɛ, woo waa tamąą ɓa, yii di hva mɛ̨n.

Korɛntə dɔlɔɔ 14:3

Kɛlaa, nui a kɛ Yálá kwəi mɛ̨nį hukulɔi, a kɛ ɉukulɔi nuą diɛ, yɛ di tɛ tɔwɔ, yɛ di liɛwoo kɛ, yɛ di hvaŋąlɔ.

Lomaŋ 1:12

Ɛlɛɛ, nwɔ̨nɔ̨, gáá kpɔ bɔ ŋį́ kɛ ka lɔwai, ə gɛ, gu gu kee ni hvaŋą lɔ. Ka wɔ laa na laa ə váŋąlɔ, nwɔ laa na laa ə kaa kpɛli mąn ka hvaŋąlɔ.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Korɛntə dɔlɔɔ 14:30

Ka lɛɛ ɲąąkpɔn tii hu, Yálá a mɛ̨nį ta too pono ɲą nu ta ɓa, nui bələ ə kɛ na, ə naapilɛ.

Korɛntə dɔlɔɔ 14:32

Gilii gaa Yálá kwəi mɛ̨nį hukulɔ mun ma, ɲąąwoo kaa na.

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.

Tɛsalonikə dɔlɔɔ 5:20

'ká hvo Yálá kwəi mɛ̨nį hukulɔ nuą woo hviiɓo;