Korɛntə dɔlɔɔ 14:26 - Yálá laawoo hɛɓɛ (dc)

²⁶ Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Yálá laawoo hɛɓɛ

²⁶ Ną́n nonnii! Lə mɛ̨nį ɓə kan mąąnɛ̨ɛ̨ ká gɛ? 'Ka ká ɲąąkpɔn, nu tɛitɛi a pɛli ə Yálá mąątɛ̨nɛ̨ wələ too, ə mɛlaa mąąkwɛli, a wala kɛti, ə mɛ̨nį ta too pono ɲą mɛlaa diɛ, ə hį́iwooɠaa ɓo, ə pɛli ɉukulɔ a nɛlɛɛ. Gəlee ə kɛ kani a gbɔn gəlee tɛ mɛ̨nį tɔwɔ.

Bible

²⁶ Le ƃe ŋaŋ, ŋánûa? Kà pà kákîe ma, ǹúui da-ni wule káa díla, da-ni sɛŋ lɛ́ɛ kɛ́ ƃo díyêei, da-ni sii-woo da kpɛni ƃóɔ kɛ́ ƃo díyêei nyíi núu fa târe zui, da-ni la-woo su-kula kɛ́ ƃo díyêei. Tɔɔ mɛni kélee é kɛ́ mɛni lɛ́lɛɛ mɛni ma.

Korɛntə dɔlɔɔ 14:26 Referans Kwoze

Ifisiɛŋ 5:19

'Ká kɛ Yálá mąątɛ̨nɛ̨ wooɠaa ɓoi gee ɓa, 'káá Yálá laa tɛ wələɠaa too, da kalan nwələɠaa, 'ká kɛ wələɠaa tooi káá gu Nąmu laa tɛ la, a ká lii kəlee.

Lomaŋ 14:19

Yili ɓə gaa mą, ká gu liilaa hee pələ kwɛli gu kee lɔwai.

Tɛsalonikə dɔlɔɔ 5:11

Yili mąą mɛ̨nį ɓa, 'ká kɛ ká keeni hvaŋąlɔi a yələ kəlee, káá ká keeni liikpələ, yɛ bələi ká kɛ gɛi la a bɔlɔ.

Ifisiɛŋ 4:16

Ɉáálai ɓə gɔlɔ tɔɔ-tɔɔiɠaa kəlee yiliɛ la gee ɓa kpąą, ə lɛɛ gbulɔnaɠaa kəlee heɛi gee ɓa a nwalawalaa, yɛ kɛnɛ̨ la wɛlikɛmąąlaa háálai. Gólói di tɛitɛi da pɛli gɛi, ə ɓo a ɲąąkwɛlɛɛ di lɔwai a wɛlikɛmąąlaa.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Korɛntə veelɛ 13:10

Yili mąą mɛ̨nį ɓə gɛi, ŋį́ mą kɛ kwɛaa la nwɔ̨nɔ̨ gɛ́ ɉɛɓɛ́i ŋɛ̨i tɛɛ la káá, ŋą́ pa kɛa kɛi ká lɔwai, və́ pa ká hon a nwalawalaa yɛ bələi gu Nąmu ə yili mąąlaa tɛɛ la bɔ́, a ká tɛ mɛ̨nį tɔwɔ, hvo kɛ a ká kala mɛ̨nį.

Korɛntə veelɛ 12:19

Kɛlɛi, ɉu aa kwɛa, a kɛ ká kwəi, ku kaa ku kpɔwɔ nwun mąąkɔ̨nwɔ̨i ká ɲɛ̨i ɓa-e? Kpaa-o, Yálá ɲɛ̨i ɓa, Kristə hu ɓə ku kaa pələ ɓoi laa. Yili kəlee hu, nwɛ́likɛmąą nuą, ká hutɔɔ mɛ̨nį ɓə a mɛ̨nį lɛlɛɛ.

Korɛntə dɔlɔɔ 14:40

'ká mɛ̨nį kəlee kɛ a gɛ pələ, puɉu túwɔ́ hvo kɛ ɉu.

Ifisiɛŋ 4:12

bələ ɓə, ə Kristalɛaa heekpəlin na kɛ la, diɛ pɛli Kristə kɔlɔ ɲąąkɔn ɉii,

Korɛntə dɔlɔɔ 14:27

Hį́iwooɠaa ɓo mɛ̨nį a kɛ ɉu, nu hveelɛ ɉaaɓa ə kɛ moi, káá gulɔ ɲą tɛitɛi, ɛlɛɛ, nu ta ə hɔlɔɓo, yɛ ɉukulɔ.

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Lomaŋ 12:7

Akɛ ə́ wɛi ɓaa yɛ tínuą diɛ, 'yili kɛ. Nui nwɛi a kɛ a nuą mąąkwɛliɛ, ə gɛ.

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Korɛntə dɔlɔɔ 14:2

Hvo gaai, nui a kɛi hįiwooɠaa ɓo, hvo moi nuą diɛ, kɛlaa Yálá ɓə gaa moi mą. Gbala ə tɔɔ, nuą di hva kɛ mɛ̨n ɉi; mąą nu kili ɓə a kɛ mɛ̨nįɠaa tɛi na, yɛ mɛ̨nį loɔɠaa ɓo.

Korɛntə dɔlɔɔ 14:15

Ŋą́ gɛ pələ kɛ ləi kani? Ŋą́ Yálá hvɛli a gíli da nwɔ́ mɛ̨nį kɔlɔnŋąą, ŋą́ wələ too a gíli da nwɔ́ mɛ̨nį kɔlɔnŋąą.