Korɛntə dɔlɔɔ 14:25 - Yálá laawoo hɛɓɛ (dc)

²⁵ Mɛ̨nįi nooɔ di kwəi pələ, a kulɔ pono ŋą, a pɛlɛ, ə kwɛli hvilɛn Yálá ɓa, ɛlɛɛ, yɛ noloɓo, yɛ kɛ Yálá kaa kpɔ ká lɔwai a neelee.

Yálá laawoo hɛɓɛ

²⁵ Mɛ̨nįi nooɔ di kwəi pələ, a kulɔ pono ŋą, a pɛlɛ, ə kwɛli hvilɛn Yálá ɓa, ɛlɛɛ, yɛ noloɓo, yɛ kɛ Yálá kaa kpɔ ká lɔwai a neelee.

Bible

²⁵ Gɛ̀ ní, ǹíi su-loo-mɛni-ŋai kélee da pâi kulâi. A kɛ̀ ti, gɛ̀ ní, a pâi pɛlɛ̂i ǹɔii ma e Ɣâla fɛli e m̀o a gɛ́ɛ Ɣâla káa kásama a tɔ̃yâ.

Korɛntə dɔlɔɔ 14:25 Referans Kwoze

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Lukə 17:16

Ə pa ə pɛlɛ Jesus kɔ́wɔ mu, ə ɉɛɠɛɛ ɓo. Ɉulɔnui tii ə kɛ a Samari mun.

Lukə 8:28

Ɓɛlɔwai ɉulɔnui tii ə Jesus kaa la, ə tómą kpɔ kɛnɛ̨, ə too gɔwɔ mu, ə mo kpɔ a nwoo kɛnɛ̨, yɛ mą: «Lə ɓə yɛ ə́ gɛ a ɲą́ą́, Yálá yii gaa yələkɔlɔn ɉu Non? Gáá nɛ̨ɛ̨mąą hvəə yɛ́, hvo náá nɔ̨nwɔ̨ ɓo!»

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Mąątɛ̨nɛ̨ 72:11

Tɔɔɓɛlaa kəlee kaa pai kwɛli hvilɛn ɉii mą, lɔiɠaa kəlee diɛ tí mą.

Dutɛrɔnome 9:18

Ŋą́ too nɔi ɓa Yai-Laa líila, yɛ bələi tɔlɔɔ tɔlɔɔ ŋį́ gɛ la; hvóló pow nąąn kpinį pow nąąn ɲee mu. Və́ kɔ̨nɔ̨n da mįi, və́ gbələ, ka wɔ nɛ̨ŋɛ̨nŋąą mąą mɛ̨nį ɓa. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka kɛi gɛ, kaa nwąną lɔ la.

Zɛnɛse 44:14

Ɉuda da mɛlaani di pənə di pa Ɉosɛfə pɔ, yili heɛnii ɲəi bɛlɛ́n, di kəlee di pɛlɛ nɔi ɓa gɔwɔ mu.

M̀ɛni-lɛɛi 19:4

Galanɉon pow-hveelɛ-kɔw-nąąn tii, ɛlɛɛ, da ɉuwɔ nąąn tii, di pu di kpəlin na, di gwɛli hvilɛn Yálá ɓa, yai heeni dɔɔkpəlin ɉu, ɛlɛɛ, diɛ kɛ mą: «Kánįkookwəi! Amįįną!»

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Ɉaan 4:19

Nąąlɔwai, nɛ̨ɛ̨nui tii ə mo Jesus ɓa yɛ mą: «Ną́n, gáá gaai, ə́ kaa yɛ Yálá kwəi mɛ̨nį hukulɔ mun.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Samuɛlə dɔlɔɔ 9:19

Samuɛlə yɛ Saulə ɓa: «Ɲą́ą́ ɓə a gɛɛkaamun, tɛɛ dɔ́wɔ gwə li ɉaláá kulɔi. Gu kaa pai kɔ̨nɔ̨n mįi gee ɓa háákələi, tínąą yələwala pɔ, ŋą́ ə́ lɛɛ laa ə́ li. Ɛlɛɛ, mɛ̨nįɠaai ə́ kwəi pilɛɛ la, ŋą́ gəlee pulu pənə.