Korɛntə dɔlɔɔ 14:21 - Yálá laawoo hɛɓɛ (dc)

²¹ Bɛ̨ɛ̨i dɔn ɉɛɓɛ́ hu yɛ mą: «Hį́i takpɛliɠaa laawoo ɓə gáá pai bələ ɓoi la nu huwui ŋɛ̨i ɓa, ɛlɛɛ, nwɛ̨ąą laaləi, ə mą kɛ tii, di hvo pai di wəli tɔɔi nwóó ɓa; gu Nąmu woo li!»

Yálá laawoo hɛɓɛ

²¹ Bɛ̨ɛ̨i dɔn ɉɛɓɛ́ hu yɛ mą: «Hį́i takpɛliɠaa laawoo ɓə gáá pai bələ ɓoi la nu huwui ŋɛ̨i ɓa, ɛlɛɛ, nwɛ̨ąą laaləi, ə mą kɛ tii, di hvo pai di wəli tɔɔi nwóó ɓa; gu Nąmu woo li!»

Bible

²¹ Bɔ̃yɛɛ̂i dɔ̂ŋ su, “Kúnuu-namui ǹyɛɛi, ŋa pâi lônoi ǹûai ŋí pɔ sii-woo da kpɛni ƃó-ƃela sârai da ŋɔ̃yâ-ŋa, é máŋ kɛ́ ti dífe pâi díwoli tɔɔ̂i mâ.”

Korɛntə dɔlɔɔ 14:21 Referans Kwoze

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Ɉeremi 5:15

Kaai ɓaa Israɛlə nuą, gáá pai nuą ɲąątɔɔi kaa diɛ həɠə kwɛa la. Da kɛ a nu huwu yii ka yee hva lɔ diɛ. A tɔwɔ-tɔwɔ nu huwuɠaa. Ka hvo kpɛli di lawoo kɔ́lɔn. Di woo hu kpinɛ̨ɛ̨ kaa. Ɲą́ą́ Yai-Laa nwóó li!

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Ɉaan 10:34

Jesus ə di woo pulu pənə yɛ diɛ: «Akɛti, nwoo ŋɛ̨i hvo pɛ̨ɛ̨ li ka wɔ tɔ́n ɉɛɓɛ́i hu, yɛ kɛ diɛ: ‹Ka kaa a alaɠaa?›

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Korɛntə dɔlɔɔ 14:34

nɛ̨ąą da kɛ ɲąąkpɔn ɉu, di di laa pilɛ, pələ ɓoɔ mąą laa hvo di yəi, mąąnɛ̨ɛ̨ di lɛɛ nwoo mulaa kɛ, yɛ bələi dɔ́n nwoo ə mo la.