Korɛntə dɔlɔɔ 13:1 - Yálá laawoo hɛɓɛ (dc)

¹ Ŋą́ ma pɛli hįiwoo kəlee ɓoi, ə mą kɛ malakaɠaa lawoo, akɛ wɛlikɛmąąlaa hvo ɲə́i, gáá lɔ yɛ kwɛlii nwoo kaa ɉu, gɛlɛ tin.

Yálá laawoo hɛɓɛ

¹ Ŋą́ ma pɛli hįiwoo kəlee ɓoi, ə mą kɛ malakaɠaa lawoo, akɛ wɛlikɛmąąlaa hvo ɲə́i, gáá lɔ yɛ kwɛlii nwoo kaa ɉu, gɛlɛ tin.

Bible

¹ À kɛ̀ máŋ ŋà lòno a núu-kpune da Ɣâla-taa-kela-ŋa lá-sii-woo-ŋa, ǹyaŋ wɛli-kɛ-maa fe ńyêei, gɛ̀ ní ŋ́gaa nɔ́ lônoi yɛ̂ɛ taya saa ɣale-woo, kpaa máŋ kóno ɣale-woo.

Korɛntə dɔlɔɔ 13:1 Referans Kwoze

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Piɛrə dɔlɔɔ 4:8

Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Korɛntə dɔlɔɔ 13:8

Wɛlikɛmąąlaa hva kpɛɛ. Yálá kwəi mɛ̨nį hukulaa yaan? Gaa pai kpɛɛi. Hįiwooɠaa diɛn? Di kaa pai kpɛɛi. Mɛ̨nį kɔ́lɔnŋąa yaan? Gaa pai kpɛɛi.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Lomaŋ 14:15

Kɔ̨nɔ̨n yá mįi ə kɛ a ə́ ɓɛlanmun nan ɉɛn, yá mįi, a kɛ tii, hvó hiɛi wɛlikɛmąąlaa hu. 'Gɛ a nɛlɛɛ, ə́ kɔ̨nɔ̨n və, nui Kristə ə haa mąą mɛ̨nį ɓa, nwun na pili.

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Korɛntə dɔlɔɔ 12:8

Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Korɛntə dɔlɔɔ 12:16

Wəli a kɛ diɛ: «Yii və́ a ɲɛ̨i kɔw, və́ a nu nąą ta», akɛti, hva kɛ mɔ̨ɔ̨ a kɔlɔ nąą ta?

Korɛntə veelɛ 12:4

Nui tii di ɉəɠə də li la Yálá-taa, ɛlɛɛ, ə wooɠaa mɛ̨n, nu hva pɛli moi, mąą laa hvo nu yəi, yɛ pɛli moi.

Mąątɛ̨nɛ̨ 150:5

'Ka mąątɛ̨nɛ̨ a lalo woo tɔɔ, 'ka mąątɛ̨nɛ̨ a kpɛŋɛ̨ɲɛ̨n gwɛli!

Markə 16:17

Nuąi da laa nwəlɛɛ lɛlɛɛ la, kpalo mɛ̨nįɠaai di kaa pai kɛi gɛi náá hu, diɛ ka: di kaa pai kɛi ɲinɛnŋąą kpɛi nuą pulu, náá hu, diɛ hį́i woo takpɛliɠaa ɓo.

Korɛntə dɔlɔɔ 12:10

ə kpalo mɛ̨nį kɛɛ mąą laa tɛɛ da pɔ, ə Yálá kwəi mɛ̨nį hukulaa tɛɛ da pɔ, ə dakpɛli nwɛi kɛ a mɛ̨nį hukpɛ kili, da yɛnɛ̨ɛ̨ mɛ̨nįɠaa hu tɔɔ, ə da nwɔɔ kɛ a hį́iwooɠaa ɓoɔ, ə da nwɔɔ kɛ nwɔ̨nɔ̨ a laawoo tɛɛ kɛɛ.

Korɛntə dɔlɔɔ 14:2

Hvo gaai, nui a kɛi hįiwooɠaa ɓo, hvo moi nuą diɛ, kɛlaa Yálá ɓə gaa moi mą. Gbala ə tɔɔ, nuą di hva kɛ mɛ̨n ɉi; mąą nu kili ɓə a kɛ mɛ̨nįɠaa tɛi na, yɛ mɛ̨nį loɔɠaa ɓo.

Korɛntə dɔlɔɔ 14:4

Nui a kɛ hį́iwooɠaa ɓoi, a gbɔwɔ ɓə a dɛ tɔwɔ, kɛlaa, nui a kɛ Yálá kwəi mɛ̨nį kulɔi, a gbɔn tɛ tɔwɔ.

Korɛntə dɔlɔɔ 14:5

Gáá bɔ ká kəlee, káá hį́iwooɠaa ɓo, kɛlaa, yii kpɔ nwɛli kaa mą́ą́, ya ɓaa, 'Káá Yálá kwəi mɛ̨nį hukulɔ nuą diɛ. Nui a Yálá kwəi mɛ̨nį hukulɔ, gɛnɛ̨i dɛɛ, hį́iwooɠaa ɓomun ma, hvo kɛli lɔ kan, mąą nu a kɛli ɉį́iwooɠaa ti mukulaa lɛ, gbɔn yɛ pɛli tɛi la tɔwɔ.

M̀ɛni-lɛɛi 14:2

Ɛlɛɛ, ŋą́ woo ta mɛ̨n yɛ həɠə yələ kwəi, yɛ yálee kɛnɛ̨ huluun din, yɛ tulɔ tuwɔ tin gɛnɛ̨, ɛlɛɛ, nwooi tii ŋą́ mɛ̨n, ə kɛ yɛ hvɛ́li kɛ nuą da di yee pu di wɔɔ gwɛnįnŋaai ɲą, diɛ ɲɔw.