Korɛntə dɔlɔɔ 11:20 - Yálá laawoo hɛɓɛ (dc)

²⁰ Kɛlaa, 'ka ká ɲąąkpɔn, gu Ną́mu nwɔ kɔ̨nɔ̨n hvə ka hee mįi mɛ̨nį ɓa.

Yálá laawoo hɛɓɛ

²⁰ Kɛlaa, 'ka ká ɲąąkpɔn, gu Ną́mu nwɔ kɔ̨nɔ̨n hvə ka hee mįi mɛ̨nį ɓa.

Bible

²⁰ Kà kòyaŋ Kúnuu-namui ŋɔmii-sɛŋ fei ka mii.

Korɛntə dɔlɔɔ 11:20 Referans Kwoze

Korɛntə dɔlɔɔ 11:19

Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Korɛntə dɔlɔɔ 11:21

Mąąhɔlɔɓo, nu tɛitɛi a mąąhulɔ, gɔ̨nɔ̨n ə paa la, ə ɉəɠə, a kɛ kɛa tii, pulu yɛ nu taɠaa kpɔlɔɔn, lɔɔ a daɠaa hon.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Zakari 7:6

Ɓɛlɔwai ka kɛi ka laa mįi la, káá ka kpələ, káá kpįnįi ka mąą mɛ̨nį hvəi ka kɛi ka laa mįi la, káá ka kpələ!»

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Korɛntə dɔlɔɔ 11:17

Yiiɠaa ti kɛ, gwaa yili kaa, və́ ká mąątɛ̨nɛ̨i; ká wɔ ɲąąkpɔnŋaai di hva ka tɛ tɔwɔ, yaamun, a ká kala.

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

Piɛrə veelɛ 2:13

Mɔ̨nɔ̨i ti di kaa naai nuą mɛ̨i, mɔ̨nɔ̨ lɔ ɓə pai kɛi a di hvɛla. Daa kɛi ɓɛlɛkpɛɛ mąą túwɔ́ ɓo a hvóló ŋą, yili ɓə gaa a di liiɓa. Da kɛ ka pɔ laa mįi kɛi lɔwai, yili kaa a nwumɛ̨ mɛ̨nį da kɔ́wɔ túwɔ́ kwɛni. Ə lɛɛ, da kɛi nuą ɓowo, yili ɓə a di kwəinɛ̨ɛ̨.