Korɛntə dɔlɔɔ 11:19 - Yálá laawoo hɛɓɛ (dc)

¹⁹ Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Yálá laawoo hɛɓɛ

¹⁹ Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Bible

¹⁹ kpɛ́ni fêi, fɛ̂ɛ nɔ́ ŋa-kɔlɛ e kɛ́ káloai a gɛ́ɛ diai díkaa a dɔ̃yâ-ƃelai dí díkɔlɔŋ.

Korɛntə dɔlɔɔ 11:19 Referans Kwoze

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Taitɔ 3:10

Nui a kɛ gbɔn ɉu nu ɓɛlaɓoi, niɛwoo kɛ gee mɛ̨i hveelɛ, awala ə́ woo mɛ̨n, ə́ gulɔ gbɔn ɉu.

Gɛlaɠaa 20:30

Ə mą kɛ ka lɔwai, nu taɠaa kaa pai kɛi lɛɛ kɛi, ə gɛ di laa na nuą nwun dinɛn, di di hvilɛn di pulu.

Lukə 17:1

Jesus ə mo nwɔ kalan nɛai diɛ, yɛ diɛ: «Nuą too mɛ̨nį nɛ̨ŋɛ̨n ɉu, yili hva ɉəɠə mą; kɛlaa, nui a mɛlan doo nɛ̨ŋɛ̨n ɉu, nɛ̨ŋɛ̨n naa ɓə.

Dutɛrɔnome 13:3

ɛlɛɛ mɛ̨nį ɲɛ̨i kɛnɛ̨i tii, awala kɛ tii, gbalo mɛ̨nįi tii ə nɛɛ kwɛala yɛ ɉukulɔ, mąą mɛ̨nį yɛ kɛ; mąą nu ə tɔɔ kɛa, yɛ kɛ diɛ: «Gu hvilɛn haliɠaa pulu, gu di mąąwiɛ» diɛi di kaa a hɛnŋąąi ka hvo di kɔ́lɔn.

Maafîu 18:7

Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Gɛlaɠaa 28:22

Kɛlaa, yii ə́ kwəi, ku kaa bɔ ku mɛ̨n ə́ la. Mąąhɔlɔɓo, ə́ wɔɔ kpɔn tii nwɛi, da mąą hɛatoo kɛɛnąą lɔpee gəlee ɓa.»

Gɛlaɠaa 26:5

Di gɔ́lɔn gbɔ a ɉu kwɛa, ɛlɛɛ, da kɛ bɔ, da pɛli di mą́ą́ mɛ̨nį kɛla hvaaɓo, diɛ ŋą́ nwɔ́ yɛnɛ̨ɛ̨ kɛ a nuąi da ku wɔɔ kalan mɛ̨nįi mąą yɛlɛkɛ, nu kəlee ɓa, di wɔɔ pələi mɛ̨i, Farisiɛ̨ laa hu.

Gɛlaɠaa 24:14

Kɛlaa, yii gíli kaa ɉu, ya ka: Gáá ku nąnni di wɔɔ Yálá ŋą kóló ɓa, yɛ bələi Gbaalə nįnɛ̨i ŋɛ̨i a mo la, yai di wɛi, di kaa gaai a: Lɛɛ kpaalə. Mɛ̨nįɠaa kpɔ dɔn ɉɛɓɛ́ hu da yiiɠaai kpɔ Yálá kwəi mɛ̨nį hukulɔ nuą di bɛ̨ɛ̨, náái gəlee la.

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Gɛlaɠaa 15:5

Kɛlaa, galan nɛa taɠaa, di gbɛa kɛ a Farisiɛ̨ɠaa, di həɠə di tɔɔ, diɛ mą: «Hvo kɛli da nu yiiɠaa ti hee kɛ́nɛ̨ ɓa, ɛlɛɛ, di Moisə nwɔ tɔ́n ɉɛɓɛ́ pɔ yíi ɓo.»

Gɛlaɠaa 5:17

Ɉaláá laa həli mun gɛnɛ̨ da ɲee pɔ nuą; diɛ ɓaa: Sadusiɛ̨ɠaa, ɓɛlɔwai di yili kaa la ti, di líí ə holi kpɔ kɛnɛ̨ gɛlaɠaa pɔ.

Lukə 2:35

Gaa pai nuą kwəi mɛ̨nį loɔɠaa kəlee kulɔi ponoŋą. Mari, yɛi ŋɛ̨i ɓaa a nee, lííholi kɛnɛ̨ kaa pai ə́ lii kələn ɉi ə́ kwəi.»

Korɛntə dɔlɔɔ 11:20

Kɛlaa, 'ka ká ɲąąkpɔn, gu Ną́mu nwɔ kɔ̨nɔ̨n hvə ka hee mįi mɛ̨nį ɓa.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.