Korɛntə dɔlɔɔ 10:32 - Yálá laawoo hɛɓɛ (dc)

³² 'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Yálá laawoo hɛɓɛ

³² 'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Bible

³² Káfe Zûu-ŋai líi soli, kpaa máŋ Gurii-ŋai, kpaa máŋ Ɣâla-toli-kpɔŋ,

Korɛntə dɔlɔɔ 10:32 Referans Kwoze

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Lomaŋ 14:13

Ka gu kpəla gu kee ni la ɓoɔ ɓa. Kəlee yaamun, yii mąąnɛ̨ɛ̨ gu gu kiliŋąhiɛ mą ya ɓa: Mąą hvo nɛ̨ɛ̨li gu túwɔ́ pələ hvo nu ta həɠə Yálá pələ mɛ̨i.

Korɛntə veelɛ 6:3

Ku hvo kpɛli bɔ kpɔ tiikpə, ku hvo kɛ a nu kɔ́wɔ tuwɔ kwɛni nui lɔpee ta ɓa, ə gɛ, ku wɔ kólói mąą kulɔi hvo pa kɛ mą.

Korɛntə dɔlɔɔ 8:13

Yili ɓə gɛ, a kɛ ŋą́ kɔ̨nɔ̨n da mįi a kɛ a mɛ́lan lan ɉɛn,, vá kpɔ kɛa huwɔ mįi, ə gɛ, və́ pa mɛ́lan nan.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Timote dɔlɔɔ 3:15

Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Korɛntə dɔlɔɔ 11:22

Pɛ́lɛ́ hvo mɔ̨ɔ̨ ká yəi káá kɔ̨nɔ̨n mįi mu, káá ká kpələ laa? Ɓaa, gbɔn ɓə mɔ̨ɔ̨ ka káá mɛlɛ tooi? Ɛlɛɛ nuąi hɛn və di yəi kaa di nwumɛ̨ la tii? Lə kpɔ ɓə ŋą́ pɛli moi káá, ka túwɔ́ pələ a kɛ tii, mąąnɛ̨ɛ̨ ŋą́ ka mąątɛ̨nɛ̨? Vá kpɔ tai gɛ! Vá ka mąątɛ̨nɛ̨ yili hu.

Timote dɔlɔɔ 3:5

Nui hva pɛli gbɔwɔ pɛlɛ́ ɲąąwooɓoi, a pɛli kani Yálá ŋą kpɔn ɲąąkɔn ɉii ləi?

Filipə 1:10

káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Korɛntə dɔlɔɔ 7:17

Nu kəlee ə túwɔ́ yɛ bələi gu Nąmu ə dí la, yɛ bələi lɔ ə kɛ la Yálá yɛ dəli. Niɛwooi tii ɓə gáá gɛi gbɔn kəlee ɓa.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Korɛntə dɔlɔɔ 15:9

Mąąhɔlɔɓo, ɲą́ą́ ɓə gɛlaɠaa lɔwai a nogolaamun, a ɲą́ą́i mą́ą́ hvo nɛ̨ɛ̨li di hvo kɛ mą́ą́: kɛla; mąąhɔlɔɓo, ŋį́ gbɔn mɔ̨nɔ̨ɓo.

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Galatə 1:13

Mąąhɔlɔɓo, bələi dúwɔ́ pələ ə kɛ la Ɉuifəɠaa di wɔ kalan bələ mɛ̨i, káá ta bələ mɛ̨n. Ká gɔlɔn bələi ŋį́ kɛli gbɔn mɔ̨nɔ̨ɓo la a váŋą; gɛ́ ɉukala pələ kwɛli mą.

Filipə 3:6

Yii hvilɛn na dɔ́n mąąkɔ̨nwɔ̨ mɛ̨nį ɓa, ŋį́ kɛi Kristə nwɔ nu kpului ɓɛlɛkpɛɛ diɛ, yii hvilɛn na dɔ́n ɉan haaɓa, hɔn və kɛ mą́ą́.

Tɛsalonikə dɔlɔɔ 2:14

Yili ɓa tii, ną́n nonnii, Yálá ŋą kpɔnŋaai di kaa Ɉude, Jesus Kristə hu, káá di pɔɔ kɔɔn; hva gaai, káá kpɛlimąn, káá mɔ̨nɔ̨ mįi ká kaayɔwɔɠaa yəi, yɛ bələi diɛi tii di mįi la Ɉuifəɠaa yəi;

Rutə 3:14

Rutə ə lɛɛ laani Boozə kɔ́wɔ la, ə lɛɛ la ɉu, yələ ə ɓɔ. Kɛlaa, ə muhəɠə yələ ɓɔi lɔwai, ə kulɔ, nu ta hvo gbaɠala kaa. Mąąhɔlɔɓo, Boozə hvo kɛ bɔ, nu ta hvo Rutə pa mɛ̨nį laa kili kɔ́lɔn.