Korɛntə dɔlɔɔ 10:1 - Yálá laawoo hɛɓɛ (dc)

¹ Ną́n nonnii, və́ bɔ, və́ ká lɛɛ ká tɛŋíi, gu nąnni kəlee di kɛ dulɔ kpinįn mu, di kəlee di gbaloyá teen,

Yálá laawoo hɛɓɛ

¹ Ną́n nonnii, və́ bɔ, və́ ká lɛɛ ká tɛŋíi, gu nąnni kəlee di kɛ dulɔ kpinįn mu, di kəlee di gbaloyá teen,

Bible

¹ Ŋánûa, ŋa ŋ̀wɛ̂lii ka gɔ́lɔŋ a gɛ́ɛ kúnâŋ-ni kélee dí kɛ̀ ŋele-kɔlɔŋ kolei mu, díkelee dí tɛ́ɛ nyúo-loŋ loai.

Korɛntə dɔlɔɔ 10:1 Referans Kwoze

Lɛɛ gbɔwɔ ɓa 14:29

Yii ɓaa Israɛlə lonnii di wɛi, di ɲá teen, a di kɔ́wɔ mąą kpalaa, ɲá tɔɔ di yee kəlee hu yɛ hįi.

Mąątɛ̨nɛ̨ 105:39

Ə tulɔ kpinįn bɛlɛ nuą mɛ̨i, yɛ di mąą kpɛ, ə nwɔ̨n dɔɔ, yɛ di mɛ̨i pono kpinįi.

Hebreu 11:29

Laa na laa háálai ɓə, Israɛlə lonnii di gboloyá kpɔlu teen na a di kɔ́wɔ mąą kpalaa, ya pa, Eziptə nuąi kɛ bɔ di ɉukɔɔn, ɲá ə di mɛ̨i kpulu.

Korɛntə dɔlɔɔ 14:38

Nui a wala gɔlɔn dii, Yálá yaa kpɛli, hvo mąą nu kɔ́lɔn.

Mąątɛ̨nɛ̨ 78:53

Ə kɛi li a diɛ a nɛlɛɛ, di hvo kɛi ɲɔw, gboloyá ə hiɛ la di yowoɠaa mɛ̨i.

Mąątɛ̨nɛ̨ 66:6

Ə gboloyá mąą pɛ̨nɛ̨ a lɔi kpalan, nuą diɛ yálee təən, a di kɔ́wɔ mąą kpalaa, yili ɓa, 'ká gu mąą hɛli pu.

Nehemi 9:19

Kɛlaa, ə́ wɔ wɛlikɛmąą hu, hvo di lɛɛ laa nɔi pun ɉu, dulɔ kpinįn və həɠə di mɛ̨i hvóló ŋą, ə́ di tənən dɔɔ bələ mɛ̨i, ə mą kɛ nwɔ̨n nən, kwii hąą yɛ di tɛɛ pələ hupono.

Zasua 4:23

Yai-Laa ka wɔ Yálá ə Ɉurdɛn yá kpala ka tɔwɔ, ə gɛ ka deen, yɛ bələi Yai-Laa ə gboloyá kpala la ku tɔwɔ kuɔ deen a ku kɔ́wɔ mąą kpalaa.

Dutɛrɔnome 1:33

A yai tii kɛ ka tɔwɔ bələ pɔ, yɛ ka hviitɔɔi kwɛli. Ə kɛ nwɔ̨n nən ɉu kwiihɛ̨ą, bələi ka kɛi hiɛ ɉu, yɛ ɉu pɔ̨nɔ̨ ka tɔwɔ. Hvóló ŋą, a kɛ tulɔ kpinįn ɉu.

Lonon mo 33:8

Di həɠə Hahirotə tənən ma, di gboloyá teen, di ɉon a nɔi pun ɉu pələ. Di hvóló haaɓa hiɛ kulɔ Etamə nɔi pun ɉu; di pa di tɔɔ Mara.

Lonon mo 14:14

Nɔi ŋɛ̨i ku kaa ɉu, Eziptə nuą daa mɛ̨nį tii hukulɔ diɛ. Daa bələ mɛ̨n diɛ; yɛ́ Yai-Laa, ə́ kaa nuąi ŋɛ̨i lɔwai, ɛlɛɛ, yɛ́ ə́ kpɔɔ lɛ diɛ, kaa ka kee kaa. Di gɔlɔn diɛ; yɛ́ Yai-Laa, yɛ́ ɓə ə́ kaa di mɛ̨i a tulɔ kpinįn, hvóló ŋą yɛ́ ɓo di ɲɛ̨i tɔwɔ, kpinįi, yɛ́ ɓo di mɛ̨i nwɔ̨n nən ɉu.

Lɛɛ gbɔwɔ ɓa 40:34

Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Korɛntə dɔlɔɔ 12:1

Yii hvilɛn na Kilii yəi mɛ̨inɛ̨ɛ̨ɠaa diɛ, ną́n nonnii, və́ bɔ ka hvo lɛɛ ká tɛɠii yili hu.

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Lomaŋ 11:21

Mąąhɔlɔɓo, akɛ Yálá hvo nwɔ hin-nwului gbaɠa mąąwɛli kaa li, hvo pai ə́ mąąwɛli kaai yɛ́ kpɛli.

Ɉaan 4:20

Ɲee ŋɛ̨i ɓa ɓɛ, ku nąnni di kɛi kwɛli hvilɛn naa Yálá ɓa. Kɛlaa, kaa ŋɛ̨i a Ɉuifəɠaa, ka kɛ diɛ: Ɉerusalɛmə daai ɓə mąąnɛ̨ɛ̨ nuą di kwɛli hvilɛn naa Yálá ɓa.»

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.