Korɛntə dɔlɔɔ 1:7 - Yálá laawoo hɛɓɛ (dc)

⁷ Yili ɓa tii, Yálá nwɔ mɛ̨inɛ̨ɛ̨ lɔpee ta hvo lɛɛ li pulu ká yəi, a káá ŋɛ̨i ká ɲɛ̨i kaa gu Ną́mu Jesus Kristə pa yələ tɔwɔi.

Yálá laawoo hɛɓɛ

⁷ Yili ɓa tii, Yálá nwɔ mɛ̨inɛ̨ɛ̨ lɔpee ta hvo lɛɛ li pulu ká yəi, a káá ŋɛ̨i ká ɲɛ̨i kaa gu Ną́mu Jesus Kristə pa yələ tɔwɔi.

Bible

⁷ a gɛ́ɛ M̀ɔlêŋ ŋɔsama-sɛŋ da kélee fe kpɛ̀ɛ káyêei, tãi kákaa Kúnuu-namui Zîsɛ Kôrai maa-kpɛnii la a gɛ́ɛ e gbîŋ lɛ kâa;

Korɛntə dɔlɔɔ 1:7 Referans Kwoze

Filipə 3:20

Kɛlaa gu wɛi, gu kaa a yələkɔlɔn ɉu hee ɓo nuą, gu kaa ɓɛ lɔi mɛ̨i, guɔ gu nwun mąąɓomun Ną́mu Jesus Kristə mąąkpɔn,

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Zûu 1:21

Ka lɛɛ Yálá nwɔ wɛlikɛmąąlaa hu, kaa gu Ną́mu Jesus Kristə nwɔ mɛ̨inɛ̨ɛ̨ mąą kpɔn yai pai yɛnɛ̨ɛ̨ kpɛɛ hvo mą dɛɛi ka pɔ.

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Taitɔ 2:13

guɔ gu wɔɔ Yálá kɛnɛ̨i da gu Nąmu Jesus Kristə, gu ɓalomun ŋą hvoló mąąwia mąąkpɔn na a kilitɔɔmąą laa.

Lomaŋ 8:19

Mąąhɔlɔɓo, pɛli hɛnŋaa kəlee liihɛlɛŋąai diɛ; Yálá lonnii mąą mɛ̨nį too yələ ponoŋą mąąkpɔn.

Lukə 17:30

Bələ kpɔlɔɔ ɓə gaa pai kɛi la a Nu Lon pa hvóló.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Tɛsalonikə dɔlɔɔ 1:10

ɛlɛɛ, Non ŋɛ̨i ə nwun haa yəi, ə tɛ la yələi, yai a Jesus, yai a gu kulɔ liiholui gaa pai ɲəi, káá mąą mąąkpɔn.

Kolosə 3:4

Ɓɛlɔwai Kristə, yai a ká wɔ yɛnɛ̨ɛ̨, a pa pai la, káá kpɛlimąn, ká pa ka diɛni mąąwiɛlaa hu.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Lukə 12:36

Ka kɛ pələ ə kɛ yɛ: koló kɛ nuąi di kaa di nąmu mąąkpɔn ɉi, yɛ həɠə húlu lɔ kwəinɛ̨ɛ̨ hu. A pa, a gbon gɛlɛ kpɔlɔɔ diɛ, di bɛlɛ́ laa ɓo.

Maafîu 25:1

«Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Zɛnɛse 49:18

Gílitɔɔi yɛ́ Yai-Laa málomun!

Korɛntə veelɛ 12:13

Lə mɛ̨nį kpɔ ɓə galan gbɔn yiiɠaa tii di ɉɔlɔɓo ə kɛnɛ̨ ə tɛɛ ká wɛi ɓa? Ə kulɔ lɔ, ɲą́ą́ gbinį lee, kɛi və́ mo ka nwuɔ̨ a tiɛ̨! 'Ka mąąhvaalɛɛ yili hu!

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Galatə 5:5

Yii ɓaa ku wɛi, Kili-Mąąhəɠɛɛ háálai, laa na laa hu, ku kaa ku tələnmo mɛ̨nį mąąkpɔn ɉii la, yai a ku mąąhəɠə mɛ̨nį, ku kilitɔɔmą.