Korɛntə dɔlɔɔ 1:30 - Yálá laawoo hɛɓɛ (dc)

³⁰ Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Yálá laawoo hɛɓɛ

³⁰ Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Bible

³⁰ Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Korɛntə dɔlɔɔ 1:30 Referans Kwoze

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Kolosə 1:14

Non ti háálai ɓə gwaa kulɔ la haa hu, aa gu wɔɔ nɛ̨ŋɛ̨nŋąa mąąhvaalɛɛ.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉeremi 33:16

A mąą yələi tii, Ɉuda nwun mąą kaa pai ɓoi, Ɉerusalɛmə yɛ nwɔ yɛnɛ̨ɛ̨ kɛ liilaa hu. Naai di kaa pai kɛi dəlii la, ya ka, di kaa pai kɛi mą: ‹Yai-Laa kaa a gu wɔ tələnmolaa.›»

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Korɛntə dɔlɔɔ 1:24

Kɛlaa, diɛi Yálá aa di təli, yɛ ə kɛ a Ɉuifə, yɛ ə kɛ a huwu takpɛli, Kristə kaa di yəi a Yálá nwɔ huwalawalalaa da Yálá ŋą kilikɛɲəi laa.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Korɛntə dɔlɔɔ 12:8

Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Ifisiɛŋ 1:14

Gilii tii ɓə gaa a Yálá kwɛlin gu kaa pai ɉɔlɔɓoi, tɔlɔɔ, guɔ gu wɔɔ hɔlɔɓo naa tɛ́ mɛ̨ni da mąąwiɛ mɛ̨ni hu.

Korɛntə dɔlɔɔ 12:27

Yaan, ka káá a Kristə kpįnį, kaa ɓo a dɔɔ-tɔɔiɠaa nu kəlee da dɔɔi.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Lomaŋ 5:19

Yɛ bələi nu tɔ̨nɔ̨ nwɔ kulɔ nwoo mu laa, ə nu kəlee kɛ la a nɛ̨ŋɛ̨n ɉəɠə nuą, bələ lɔ ɓə nu tɔ̨nɔ̨ nwɔ lɛɛ nwoo mu laa, a nu kəlee kɛ la a tələnmo nuą.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Lomaŋ 4:6

Bələ ɓə, nui Yálá ə dələnmo hvo kulɔ dúwɔ́ pələ hu, Davidə ə kɛli mąądɛnɛ̨ la yɛ kɛ mą:

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Danîa 2:20

Daniɛlə ə mo kɛa, yɛ mą: «Mąąwiɛ kaa hɛn gəlee pɛli Yálá ɓa a yələ kəlee, ya ɓə kili, da huwalawala kaa ɲəi.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

Zɔ̂ŋ Maa-ŋuŋ 5:6

Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Kili-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Kili kaa a tɛ̨ą.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Korɛntə dɔlɔɔ 12:18

Kɛlaa, Yálá ə nu tɔɔ-tɔɔi kɛ mą, yɛ bələi niiɓa kaa la.

Lomaŋ 16:11

Ŋą́ nąn non Herodiɔn tuwɔ ɓo. Ŋą́ Narsisə da ɲəi bɛlɛ́n nuąi gu Nąmu hu di túwɔ́ɓo.

Lomaŋ 16:7

Ŋą́ Andronikusə da nɛ̨ą Ɉuniasə di tuwɔ ɓo, diɛi di kaa a nwɔ nuą, kwa diɛni ku kaa gaho tɔ̨nɔ̨ ŋą. Di gbɛa kɛ a Kristə nwɔ kɛlaɠaa dɔ́wɔ́.

Lomaŋ 12:5

Bələ lɔ ɓə gu kəlee gu yiliɛ la Kristə ɓa kɔ́lɔ tɔ̨nɔ̨ hu, nu tɔɔi ə ɓo mą.

Lomaŋ 11:36

Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Lomaŋ 1:17

Yaan, bələi Yálá a nu kɛ la a tələnmomun yaa kpinįi ɲɛ̨i ɓa, nwɛlɛɛ lɛlɛɛ ɓə a yili lɛ. Ə həɠə gɔwɔ tɔɔi lɔwai ɓa, ə lɛɛ ɉu ɲąąkpɛɛi lɔwai, laa na laa lɔ ɓə. Yɛ bələi bɛ̨ɛ̨i la, diɛ kɛ mą: Nui tələnmoɔ a yɛnɛ̨ɛ̨ kɛ, nwɔ laa na laa háálai.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Ɉaan 17:26

Ŋą́ą́ ə́ laa lɛ diɛ, gáá nwɔ̨nɔ̨ pai kɛi lɔ nɛi diɛ. Ya ɓə a gɛ, nwɛlikɛmąą laa ə́ gɛ a ɲą́ą́, nwɛlikɛmąą laa tii ə kɛ di lɔwai, kwa diɛni ku kɛ ɉu tɔ̨nɔ̨.»

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Hanwon 8:5

Kaai ka hva mɛ̨nį ŋąą kaa, ka pa ŋį́ ka mąąkwɛli. Kaai ɓaa hupu nuą, ka pa ŋį́ ka nwun gɛ ka hu.

Hanwon 1:20

Kili kaa gwəliɠaa lɔwai yɛ təli ɓo kɛ, gaa loloɓoi gwəli hɛ̨ąiɠaa ɓa.

Korɛntə veelɛ 12:2

Ŋą́ Kristə ŋą nu ta kɔlɔn, gwɛlan bow kɔw nąąn ga, kɛlɛ ə kɛ nu kɔlɔ hu, kɛlɛ hvo kɛ ɉu? Gbaɠala hvo mą́ą́, Yálá ɓə gbaɠala kɔlɔn! Nui tii, di dɛ kpɔ yələkɔlɔn mɛ̨i yələkɔlɔn ɉu.

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Lukə 11:49

Yili ɓə gaa mą, Yálá ŋɛ̨i mɛ̨nį kəlee kɔ́lɔn, gaa moi ka mąą mɛ̨nį hu, yɛ diɛ: ‹Gáá pai gwəi mɛ̨nį hukulɔ nuą, da nwɔ́ tínuą tɔɔi ka pɔ, di kaa pai daɠaa paai diɛ daɠaa ɓɛlɛkpɛɛ diɛ.›

Korɛntə dɔlɔɔ 4:15

Hvo gaai, ə mą kɛ, mąąkwɛli kɛ nuą waa pow a hɔlɔɓo, diɛ Kristə mąą mɛ̨nį lɛ káá, ka nąnni di hvo tamą li, ɲą́ą́ lɔ ɓə, Nwɛlɛɛ lɛlɛɛ háálai, ɲą́ą́ ɓə ka káá a lon Jesus Kristə hu.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.