Kɔlɔnikɔ Maa-ŋuŋ 9:26 - Yálá laawoo hɛɓɛ (dc)

²⁶ Kɛlaa, nu nąąn ŋɛ̨i kɛ a di nwun nąmįną, di wɛi, di kɛ lɔ laa a yələ kəlee. Levi lonnii ɓə kɛ bɛlɛ́ mɛ̨nįɠaa nwun na, da ɉɛngɔw mɛ̨nį, Yálá nwɔ pɛlɛ́i mu.

Yálá laawoo hɛɓɛ

²⁶ Kɛlaa, nu nąąn ŋɛ̨i kɛ a di nwun nąmįną, di wɛi, di kɛ lɔ laa a yələ kəlee. Levi lonnii ɓə kɛ bɛlɛ́ mɛ̨nįɠaa nwun na, da ɉɛngɔw mɛ̨nį, Yálá nwɔ pɛlɛ́i mu.

Bible

²⁶ Ziɣãŋ lá-ƃerei mɛi káa-ƃela kpaya-kpaya náaŋ kɛ̀ naai díkɛ̀ a Liiva-ŋa. Dia ƃe da kâa kɛ̀ Ŋ̀âla-pɛrɛi Kɛ́tɛi ŋɔloŋpo-ŋai mɛi kâai da zãai kélee kɛ̀ Ŋ̀âla-pɛrɛi Kɛ́tɛi mui.

Kɔlɔnikɔ Maa-ŋuŋ 9:26 Referans Kwoze

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Tɔɔɓɛlaa veelɛ 7:10

Di pa, di ɉįi la nuą təli, diɛ diɛ: «Kwaa li, kwaa həli Aramə nuą di wɔ kɔ́ɓuwui la, nui lɔpee ta hvo laa, nu woo kpɛli hvo tɔɔi laa; ɉooɠaa lɔ ɓə kɛ laa da ɉoohvaalənŋąą, di yiliɛ ɉəɠə pɛlɛ́ɠaa diɛ, daa di lɛɛ laa.»

Kɔlɔnikɔ Maa-ŋuŋ 9:25

Di kaayɔwɔɠaa yiiɠaa tii di kɛ di pɔ taai pələ, di kɛi pa kɛlɛ-kɛlɛ da diɛ ni diɛ hvóló mɛ̨ihveelɛ kɛ.

Kɔlɔnikɔ Maa-ŋuŋ 9:27

Diɛi tii ɓə kɛi yii Yálá nwɔ pɛlɛ́i kwɛlɛ, diɛ mąą kpɛ; hvó gaai, diɛ ɓə kɛi humo, diɛ bɛlɛ laa ɓo yələwala pɔ kəlee.

Ɉeremi 35:2

«'Li Rekavə nu huwu pɔ, ə́ di təli, di lɔ Yai-Laa hee pɛlɛ́ mu, bɛlɛ kɛnɛ̨ tɔ̨nɔ̨ mu; lɔɔ tɛɛ di pɔ di gbələ»

Izikiɛ 40:17

Ɓɛi nuą da tɔɔ laa ɲɛnɛ̨ɛ̨ pələ, ə li laa a ɲą́ą́, pɛlɛ́ɠaa di kɛ laa; mu laa, ɓɛi nuą da tɔɔ laa, di kɛ kpɔ nąą kwɛlɛ kəlee, di doo gee hu. Pɛlɛ́ pow haaɓa ə kɛ gɛɛnąąi tii ɓa.