Kɔlɔnikɔ Maa-ŋuŋ 29:25 - Yálá laawoo hɛɓɛ (dc)

²⁵ Yai-Laa ə Salomɔn kɛnɛ̨ kpɔ kpąą Israɛlə nuą kəlee ɲɛ̨i ɓa, ɛlɛɛ ə nwɔ tɔɔlaai mąąɲįnɛ̨n gɛ mą, ɲɔ̨nwɔ̨mąn və ta kɛli mą a Israɛlə tɔɔmun da.

Yálá laawoo hɛɓɛ

²⁵ Yai-Laa ə Salomɔn kɛnɛ̨ kpɔ kpąą Israɛlə nuą kəlee ɲɛ̨i ɓa, ɛlɛɛ ə nwɔ tɔɔlaai mąąɲįnɛ̨n gɛ mą, ɲɔ̨nwɔ̨mąn və ta kɛli mą a Israɛlə tɔɔmun da.

Bible

²⁵ Yâwɛɛ è Saloma mu-wiɛ kpɔ́ Eezuɛ-ŋai kélee ŋɛ́i. È ŋɔ́nɔ wála-wala tɛ̀ɛ bɔ́ ŋɔkâloŋ-laai su nyíi da fé tá kɛ́ ní Eezuɛ kaloŋ da ma nyii-ŋai kâloŋ-laa kɛ̀ dúɛ-perei.

Kɔlɔnikɔ Maa-ŋuŋ 29:25 Referans Kwoze

Kɔlɔnikɔ Veerɛi 1:12

Mɛ̨nį hukpɛ kili da ɲąąkaa kili, gáá dɛɛi ə́ pɔ, ŋį́ bɛlɛ hɛngɔw, lɔi da mąąwiɛ ɓa. Gáá dɛɛi ə́ pɔ, ə tɛɛ la tɔɔɓɛlaai daa tɛɛ kɛ ə́ tɔwɔ, ɲɔ̨nwɔ̨mąn hvo ta kɛ li da yəi, ə mą kɛ yiiɠaai pai lɛɛi ə́ pulu.»

Kɔlɔnikɔ Veerɛi 1:1

Davidə lon Salomɔn ə hee kpɔ tin-tin nwɔ tɔɔlaai hu, nwɔ Yálái a Yai-Laa ə tɔɔ bulu, ə naa tɛ kpɔ ləɠə-ləɠə.

Tɔɔɓɛlaa dɔlɔɔ 3:13

Yii kpɛli hvó ɉu hvɛli li mą́ą́, gáá dɛɛi ə́ pɔ; ya ɓaa: hɛn kɔ́w, da mąąwiɛ. Ɉɛnŋąą tii kaa kɛi ə́ yəi, ə́ wɔ yɛnɛ̨ɛ̨ kəlee yee mu, tɔɔmun da hvo pai kɛ lɔi mɛ̨i, yɛ həli ə́ pɔ.

Ikilisiati 2:9

Ŋą́ kɛ a nui kɔ́lɔn ə kɛ mą. Gɔ́lɔn ŋąąi kɛ, mą́ą́wia ə tɛɛ nuą kpɔ tɔɔlaa kɛ dɔ́wɔ́ Ɉerusalɛmə diɛ. Ə mą kɛ tii, nwɔ́ kili mɛ̨nį ta hvo kulɔ mą.

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

Gɛlaɠaa 19:17

Efɛsə nuą kəlee, da Ɉuifəɠaa, ə mą kɛ Grɛkəɠaa di mɛ̨nįi ti bələ mɛ̨n, di ɲɔw kpɔ kɛnɛ̨, diɛ gu Nąmu Jesus laa mąąwiɛ.

Zôo 7:17

Lə kpɔ ɓaa nu yaai, yá mąą liihɛlɛn ɉee? Ə lɛɛ yɛ́ ə́ kili kɛ ɉu?

Zasua 4:14

Nąąlɔwai, Yai-Laa ə Ɉosue kɛnɛ̨ nuą ɲɛ̨i ɓa, nuą diɛ ɲɔw mą, yɛ bələi di kɛi ɲɔw la Moisə ɓa ɲíi hvóló kəlee hu.

Kɔlɔnikɔ Maa-ŋuŋ 29:24

Nɔi ɲąąwooɓo nuą kəlee, gulaaɠaa kəlee, da tɔɔmun Davidə lonnii kəlee di kɛ tɔɔmun Salomɔn woo ɲą.

Tɔɔɓɛlaa dɔlɔɔ 1:37

Bələi tii Yai-Laa ə kɛ la nwɔ́ mɛ̨nį nąmu tɔɔmun Davidə pɔ, bələ lɔ ɓə gaa kɛi la Salomɔn pɔ. Gaa pai nwɔ tɔɔlaa mąąwiɛi ə ɉu kɛnɛ̨ ə dɛɛ nwɔ́ mɛ̨nį nąmu tɔɔmun Davidə nwɛi ɓa.»

Tɔɔɓɛlaa dɔlɔɔ 3:12

yili mąą mɛ̨nį ɓa, bələi tii ə́ mo la, gáá kpɔlɔɔ gɛi tii, gáá kili tɛɛi ə́ pɔ, ɲɔ̨nwɔ̨mąn hvo ta kɛ li nu ta ɓa, gɛɛ hvo pa kɛ hɔlɔɓo, hvo nwɔ̨nɔ̨ pai kɛi nu ta ɓa ə́ haa pulu hvo həli ə́ pɔ.