Kɔlɔnikɔ Maa-ŋuŋ 29:23 - Yálá laawoo hɛɓɛ (dc)

²³ Salomɔn ə hee Yai-Laa nwɔ tɔɔkpəlin hu a nąn Davidə mąąhvalin, ɛlɛɛ hɛn gəlee ə lɛlɛ mą; Israɛlə nuą kəlee di kɛ nwoo ɲą.

Yálá laawoo hɛɓɛ

²³ Salomɔn ə hee Yai-Laa nwɔ tɔɔkpəlin hu a nąn Davidə mąąhvalin, ɛlɛɛ hɛn gəlee ə lɛlɛ mą; Israɛlə nuą kəlee di kɛ nwoo ɲą.

Bible

²³ Saloma è lɛ̀ɛ ǹâŋ Deeƃé pɔ́ɔ ŋá a kâloŋ é see gâloŋ see-sɛŋ ŋá yɛ̂ɛ berei Yâwɛɛ è ǹɛ lai. Ŋɔkâloŋ-laai è ƃûu ƃò Eezuɛ-ŋai díkɛ ƃaa kɛ́-maa tɛɛ bɔ́.

Kɔlɔnikɔ Maa-ŋuŋ 29:23 Referans Kwoze

Kɔlɔnikɔ Maa-ŋuŋ 28:5

Yai-Laa ə gɔ́ a lon gbulu tamąą, nónnii lɔwai, nón Salomɔn ɓə ə ɉəɠə ɉu, ə ɉee Yai-Laa nwɔ tɔɔkpəlin mɛ̨i, Israɛlə nwun na.

Tɔɔɓɛlaa dɔlɔɔ 2:12

Salomɔn ə hee nąn Davidə nwɔ tɔɔkpəlin ɉu, nwɔ tɔɔ ɲee kɔ́nwɔ̨n ɉu lɔ ɓə kɛi ɓɛlɛ a nwąnąi.

Lomaŋ 13:1

Mąąnɛ̨ɛ̨ nu kəlee di lɛɛ nwun nąmįną woo mu, mąąhɔlɔɓo, nwun nąmu ta hvo hee li Yálá tɛɠii. Nwun nąmįnąi di kaa yɛnɛ̨ɛ̨, Yálá ɓə gəlee hee.

Mąątɛ̨nɛ̨ 132:11

Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Kɔlɔnikɔ Maa-ŋuŋ 22:11

«Nón! Yii hu kɛa, gɛ́, Yai-Laa ə kɛ ə́ pɔ, əgɛ, ə́ yee ə lɔ Yai-Laa ə́ wɔɔ Yálái nwɔ pɛlɛ́i tɔɔ mɛ̨nį ɓa, yɛ bələi ə mo la ə́ laa mɛ̨i!

Tɔɔɓɛlaa dɔlɔɔ 1:46

Salomɔn kpinįi tii aa hee dɔɔkpəlin ɉu.

Kɔlɔnikɔ Maa-ŋuŋ 29:24

Nɔi ɲąąwooɓo nuą kəlee, gulaaɠaa kəlee, da tɔɔmun Davidə lonnii kəlee di kɛ tɔɔmun Salomɔn woo ɲą.

Kɔlɔnikɔ Veerɛi 9:8

Lúwɔ́ ə kɛ Yai-Laa ɓa yɛ́ Yálái, yai hvaa mą, yɛ ə́ hee nwɔ tɔɔkpəlin mɛ̨i a tɔɔmun, yɛ́ tí Yai-Laa yɛ́ Yálái ɓa! Israɛlə wɛli kaa yɛ́ Yálái ɓa, ya ɓə gɛ, yɛ́ ə́ hee nwun na a tɔɔmun a yələ kəlee mɛ̨nį, yɛ́ tələnmolaa da tɛ̨ą kɛ»

Dutɛrɔnome 34:9

Yálá ə mɛ̨nį kɔ́lɔn gili tɛɛ Nun lon Ɉosue pɔ kpɔ kɛnɛ̨; mąąhɔlɔɓo, Moisə ə ɉuɓo Ɉosue hu a ɲee pɛlɛɛ nwuɔ̨. Ə həɠə kɛa ɲələ ɓa, yaa tii ɓə Israɛlə lonnii di kɛ nwoo ŋą, dɔ́n ŋɛ̨i Yai-Laa ə dɛɛ Moisə pɔ, di hvilɛn ŋąą bulu.

Tɔɔɓɛlaa dɔlɔɔ 1:13

'Li! Ə́ həli tɔɔmun ma, yɛ́ mą: ‹Kɛlɛi yɛ́ ɓə a nwɔ́ mɛ̨nį nąmu-ee! Kɛlɛi yə́ ɓə ə́ kwɛla ə́ wɔɔ luwu nɛ̨ą ɓa, yɛ kɛ mą: «Ə́ lon Salomɔn ɓə pai heei dɔɔkpəlin ɉu a mą́ą́hvalən», ə tɛɛ kani ləi yai Adoniasə kaa kɛa a tɔɔmun?›

Tɔɔɓɛlaa dɔlɔɔ 1:30

gáá gwɛlai yɛ́ a naa, yai gaa a Israɛlə nwɔ Yálá, gɛ́ yɛ́; ə́ lon Salomɔn ɓə pai kɛi a mą́ą́hvalin, ŋą́ həɠə dɔɔkpəlin ɉu, ya ɓə a hee laa. Háákələi hvólói ŋɛ̨i hu, gáá gɛi ti.»

Tɔɔɓɛlaa dɔlɔɔ 1:35

Ka hvilɛ bulu, ka diɛni ka pa, ka ɉee nwɔ́ tɔɔkpɛlin ɉu, ə kɛ kɛa a dɔɔmun, a mą́ą́hvalin. Yaa tii ɓə ŋą́ą́ gɛ a tɔɔmun Israɛlə lɔi da Ɉuda lɔi di nwun na.»

Tɔɔɓɛlaa veelɛ 11:19

Yili pulu, ə guláá nwun nąmįną həɠə, da Kari nuą, da gilɛ həɠə nuą, da nɔi lonnii kəlee, di tɔɔmun gulɔ Yai-Laa hee pɛlɛ́ mu, di tɛɛ la a gilɛ həɠə nuą di wɔ pələi, də li la dɔɔ pɛlɛ́ mu. Ɉoasə ə hee dɔɔ kpəlin ɉu.

Kɔlɔnikɔ Veerɛi 1:1

Davidə lon Salomɔn ə hee kpɔ tin-tin nwɔ tɔɔlaai hu, nwɔ Yálái a Yai-Laa ə tɔɔ bulu, ə naa tɛ kpɔ ləɠə-ləɠə.

Kɔlɔnikɔ Veerɛi 1:8

Salomɔn yɛ Yálá ɓa: «Ną́mu! Ə́ kulɔ ə́ woo ɓa, ə́ ną́n Davidə hon a wɛlikɛmąąlaa kɛnɛ̨ɛ̨, Yɛ́ lɔ ɓə nwɔ̨nɔ̨ ɉéé a tɔɔmun a ną́n mąąhvalin;

Kɔlɔnikɔ Veerɛi 9:30

Salomɔn ə kwɛlan bow nąąn gɛ tɔɔlaa hu Ɉerusalɛmə Israɛlə lɔi mɛ̨i.

Kɔlɔnikɔ Veerɛi 23:20

Yehoyada ə guláa nwun nąmįną həɠə, ə bɛlɛ galanɉonŋąą diɛ, da nuąi kpɔ ɲąąwooɓo laa kaa di yəi nɔi lonnii mɛ̨i, ə pɛlɛ la nɔi lonnii kəlee diɛ, di tɔɔmun ɉəɠə Yai-Laa yəi bɛlɛ́n diɛ li ɉeei dɔɔkpəlin ɉu. Di tɛɛ a bɛlɛ́ laaləi kɛnɛ̨ ɓa pələ di lɔ dɔɔ pɛlɛ́ mu.

Hanwon 1:1

Salomɔn, Davidə lon yai kɛ a Israɛlə tɔɔmun, nwɔ hanwonŋaa ka.