Kɔlɔnikɔ Maa-ŋuŋ 29:11 - Yálá laawoo hɛɓɛ (dc)

¹¹ Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Yálá laawoo hɛɓɛ

¹¹ Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Bible

¹¹ Óo Yâwɛɛ, íkɛ̂tɛi, íwala-walaa, ífolo-laai kɛ̀ ƃo ǹaa. Íkâloŋ-laai su kɛ́tɛi. Zãai kélee gáa ŋ̀elei su da ǹɔii mai díkaa a ípɔɔ. Óo Yâwɛɛ, yá ƃé ímaa tɛɛ̂i a zãai kélee kpɔ́ mɛi.

Kɔlɔnikɔ Maa-ŋuŋ 29:11 Referans Kwoze

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

Azaya 12:4

Mąą yələi tii, ka káá pai kɛi diɛ, 'Ka Yai-Laa hɛɠɛɛɓo, ka Naa tɛ, ka gɛ mɛ̨nį noloɓo yɛnɛ̨ɛ̨ nuą diɛ, 'Ka pənə nwɔ̨nɔ̨ kaa diɛ; Naa tɛɛi kpɔ ɓəɠə-ɓəɠə.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Ɉeremi 27:5

Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Mąątɛ̨nɛ̨ 46:10

A kɔ́ɠaa kpɛɛ lɔi nąą kəlee, yɛ kilɛn ɉu yali, yɛ kpala hu yali; a kɔ́ kɔ́ wotoloɠaa kələn.

Danîa 4:3

Yili ɓə gɛ, ŋą́ nwɛlɛɛ tɔɔ, ə gɛ, kilimąą nuąi di kaa Babilonə lɔi hu, di pa, di ɉįi tii hukulɔ.

M̀ɛni-lɛɛi 19:1

Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Mąątɛ̨nɛ̨ 145:1

Davidə nwɔ Yálá mąątɛ̨nɛ̨ wələ. Nwɔ́ Yálá, nwɔ́ Tɔɔmun, gáá ə́ laa tɛi, gɛ́ ə́ laa mąąwiɛ, və́ ɲɛ̨n dee li.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Mąątɛ̨nɛ̨ 29:4

Yai-Laa woo tɔɔi, Yai-Laa woo ɲąąnwąnąąi,

Mąątɛ̨nɛ̨ 21:13

Mąąhɔlɔɓo, yá di too di kpowoɲɛ̨i ɓa pələ, yɛ́ di hɛŋi di ɲɛ̨ilain a ə́ wɔ kilɛn.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Mąątɛ̨nɛ̨ 97:1

Yai-Laa kaa a tɔɔmun. Lɔi, 'pili yələi a kwəinɛ̨ɛ̨, Gboloyá hɛ̨ąi kahinŋaa kəlee, 'di kwəinɛ̨ɛ̨ kulɔ!

Zôo 37:22

Kɛɛ pɔ̨nɔ̨ a həɠə ɲələi pələ, yɛ hɛni, yɛ gɛɛ pɔ̨nɔ̨i Yálá kwɛlɛ, yɛ nu mąą ɲɔwi.

Mąątɛ̨nɛ̨ 104:1

Nį́i, Yai-Laa mąąwiɛ, Yai-Laa nwɔ́ Yálá! Ə́ kɛnɛ̨ɛ̨i tai! Ə́ mąąyiliɛ a lɛlɛ da ɲɛ̨ipono.

Mąątɛ̨nɛ̨ 98:1

Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

Mąątɛ̨nɛ̨ 97:9

Mąąhɔlɔɓo, Yai-Laa, Yɛ́ ɓə a Hɛn Gəlee mɛ̨imun, yɛnɛ̨ɛ̨ kələ nwun mɛ̨i, Ə́ yee tɛɛ kpɔ yáláɠaa kəlee diɛ.

Mąątɛ̨nɛ̨ 57:11

Mąąhɔlɔɓo, ə́ wɔ wɛlikɛmąąlaa aa laŋ yələ kɔ́lɔn mɛ̨i, yɛ́ tɛ̨ą aa həli yələ kɔ́lɔn ma.

Mąątɛ̨nɛ̨ 57:5

Ŋą́ą́ laa yalaɠaa lɔwai, di kpəiɛ yɛ nwɔ̨n, a diɛi tii da nu kan ɉu kalai, kpalaɠaa, da tɔ́nwąɠaa ɓə di la, a di ɲįn, di nɛ̨n ə ɓo a ɓɔwa kwɛaa ɲąą liɛ.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»

Mąątɛ̨nɛ̨ 47:9

Yálá kaa heeni lɔiɠaa nwun mɛ̨i, Yálá aa hee nwɔ tɔɔkpəli mąąhəɠɛɛi hu.

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

Zɛnɛse 14:22

Abramə ə nwoo ŋąąpənə yɛ mą: «Ŋą́ą́ ɲee tɛ Huwalawala Kəlee Nąmu Yálá ɓa, yai yələkɔlɔn da lɔi di pɛli,

Zɛnɛse 14:19

Ə lúwɔ́ too Abramə ɓa, yɛ mą: «Huwalawala Kəlee Nąmu Yálá, yai yələkɔlɔn da lɔi di pɛli, ə lúwɔ́ too yɛ́.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Kɔlɔnikɔ Veerɛi 20:6

Ɉosafatə ə Yálá hvɛli ŋɛ̨i, yɛ mą: «Yai-Laa ku nąnni di wɔɔ Yálá! Kɛlɛi, Yɛ́ ɓə a Yálá yələkɔlɔn mɛ̨i yələkɔlɔn ɉu-e! Ɛlɛɛ, Yɛ́ tɔɔ lɔiɠaa kəlee ɲąąwooɓo-e! Huwalawala da heeɓolaa di kaa Ə́ yəi, hɛn da lɔpee hva pɛli tɔɔi Ə́ la.

Mąątɛ̨nɛ̨ 89:11

Yɛ́ ɓə Rahavə powa kiin, yɛ́ ə́ yowoɠaa hutaɠa a ə́ yee kɔ́nwɔ̨n ɉuwala-walaa.

Danîa 2:20

Daniɛlə ə mo kɛa, yɛ mą: «Mąąwiɛ kaa hɛn gəlee pɛli Yálá ɓa a yələ kəlee, ya ɓə kili, da huwalawala kaa ɲəi.

Zasua 3:11

Lɔi kəlee Nąmu nwɔ mįnɛ̨ kəhi kaa pai tɛɛi ka tɔwɔ Ɉurdɛn yá hu.

Zasua 3:13

Ɓɛlɔwai lɔi kəlee Nąmu Yai-Laa nwɔ mįnɛ̨ kəhi həɠə nuą kɔ́wɔ kaa pai hvilɛn ɉii la ɲái, nąąlɔwai Ɉurdɛn yá a tee ɲələi pələ, ɉu a tee ɉu di tɔwɔ.»

Mąątɛ̨nɛ̨ 10:16

Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.

Mąątɛ̨nɛ̨ 103:19

Yai-Laa aa nwɔ tɔɔ kpəlin hvilɛn yələkɔlɔn ɉu, nwɔ tɔɔlaai heɛ hɛn gəlee mɛ̨i.

Mąątɛ̨nɛ̨ 145:6

Di kaa pai kɛi ə́ hvąŋą kɛnɛ̨ pələ, mąą ɲɔwuɔ hukulɔi, ɛlɛɛ, ɲą́ą́n gɛ́ ə́ wɔ walawalalaa hukulɔ.