Bib sou entènèt

Paj dakèy
Bib sou entènèt
Kɔlɔnikɔ Maa-ŋuŋ 28:9

Kɔlɔnikɔ Maa-ŋuŋ 28:9 - Yálá laawoo hɛɓɛ (dc)

⁹ Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Gade chapit la Kopi

Yálá laawoo hɛɓɛ

⁹ Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Gade chapit la Kopi

Bible

⁹ “Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípolu tɔɔ m̀a, a pâi ípilii kpɔ́ wɔ́lɔ-wɔlɔ da wɔ́lɔ-wɔlɔ.

Gade chapit la Kopi

tounen moute ⬆

Kɔlɔnikɔ Maa-ŋuŋ 28:9
79 Referans Kwoze

Ɉeremi 29:13

Ka gwɛ́li pai kɛi, ka gáá, ka gwɛ́li kpɔ a ka lii kəlee.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Tɔɔɓɛlaa dɔlɔɔ 8:61

Ka kwəi a kwələ Yai-Laa ka wɔ Yálái ɓa, kaa pɛli hvilɛn ɉii nwɔ tɔ́n nwooɠaai pulu, kaa ka yee hee nwɔ tiɓoɠaai mu, yɛ bələi ka káá gɛi la háákələi.»

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Ɉaan 4:24

Yálá kaa a Kili. Ya ɓə gɛi, nuąi da kwɛli hvilɛn mą, da vilɛn mą a nwɔ Kilii da tɛ̨ą.»

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Ɉeremi 9:24

Yai-Laa yɛ diɛ: Yələ ta, gáá pai kpɔ lii kɔ́lɔ ɓa kɛ́nɛ̨ laa hu!

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Ɉeremi 22:16

Ə kɛi lɔ mąąwɛli mun da yeehowolo mun di mąą mɛ̨nį ɲɛ̨i kulɔ, yɛnɛ̨ɛ̨ ɲąąnɛ̨ɛ̨ li kɛ; kɛlaa nui a túwɔ tii, a nɛ yɛ ə gɔ́lɔn. Yai-Laa woo li!

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Kɔlɔnikɔ Maa-ŋuŋ 29:9

Nuą tii kəlee di ɉɛnŋąą tii tɛɛ a di kwəinɛ̨ɛ̨, hvo gaai, di kɛi di tɛɛ Yai-Laa pɔ a di kwəi kwəlɛɛ. Tɔɔmun Davidə yaa kpɛli mąn, gwəi ə nɛ̨ɛ̨ ɉu kpɔ kɛnɛ̨.

Tɔɔɓɛlaa dɔlɔɔ 8:39

Ee Yai-Laa, lɛɛ yələkɔlɔn ɉu, ɓɛi ə́ kaa laa, ə́ ə́ wəli tɔɔ, ə́ mąąhvaalɛɛ, ə́ ə́ kɛ mɛ̨nį kɛ ɉu; ə́ ɉon yɛ bələi ə túwɔ́ la. Mąąhɔlɔɓo, ə́ gwəi kɔ́lɔn, yaan, yɛ́ tɔ̨nɔ̨ lɔ ɓə nu kanŋaa kwəi kiliŋąhiɛ kɔ́lɔn.

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Mąątɛ̨nɛ̨ 101:2

Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Tɔɔɓɛlaa veelɛ 22:2

Ɉosiasə ə hiɛ a ɉaŋąą Yai-Laa ɲɛ̨i ɓa, ə hvilɛn gbɔlɔɔ gala Davidə nwɔ pələi mɛ̨i, hvə li ŋɛ̨i hvo li ŋɛ̨i.

Gɛlaɠaa 1:24

Yili pulu, nuą kəlee di bɛlɛ gee ɓa di Yálá hvɛli, diɛ kɛ mą: «Ną́mu Yálá, yɛ́i ə nu lii hu mɛ̨nį kɔ́lɔn, nu hveelɛi ŋɛ̨i, dɔ̨nɔ̨ həɠə ɉu,

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Dutɛrɔnome 4:35

Ka wɛi, ka mąąnɛ̨ɛ̨ ka gɔlɔn kaa diɛ: Yai-Laa ɓə gaa a Yálá, yálá takpɛli hvo tɛɛ li yaa tii mą.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.

Ɉeremi 11:20

Yai-Laa Mɛ̨nį Kəlee ŋą Hééɓomun, yɛ́i ya mɛ̨nį hutɔɔ a tələnmolaa, yɛ nuą koo kpala mɛ̨nįɠaa da di wɔ kiliŋąhiɛɠaa hu kpɛ; bələi ə́ kaa pai ə́ nwąną kulɔi la diɛ, gɛ tai, ŋį́ nąą kaa! Mąąhɔlɔɓo, yɛ́ ɓə ŋą́ą́ mąą mɛ̨nį lɛɛ ə́ yee kɔ́nma.

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Ɛsdrasə 8:22

Kɛlaa, ŋį́ kɛi nwunmɛ̨ kɛi tɔɔmun ma: Holahi kpulu tɛɛ ku pɔ, yii a ku mąą kpɔnmąąɓo bələ pɔ, ku yowoɠaa mąą mɛ̨nį ɓa. Ku mo tɔɔmun ma, kuɔ mą: «Nuąi da Yálá kwɛli, a ɲee lɛlɛɛ laa di mɛ̨i, kɛlaa, nuąi da di kili kulɔ ɉu a ɲɛ̨i ɲɔ̨nwɔ̨ɔ̨ hee diɛ.»

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Ɉeremi 20:12

Yai-Laa Mɛ̨nį Kəlee ŋą Hééɓomun, yɛ́i ya tələnmomun mąąkpɛɛ, yɛ́ goo kpala mɛ̨nį, da gwəi kiliŋąhiɛ kaa. Ə́ nwąną kulɔ mɛ̨nį nuą ŋɛ̨i diɛ, gáá pai naa kaai. Mąąhɔlɔɓo, yɛ́ ɓə ŋą́ą́ mą́ą́ mɛ̨nį lɛɛ ə́ yee kɔ́nma.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Gɛlaɠaa 17:23

Gɛ́ɛ́ tɛɛi ká wɔɔ pələɠaai pɔ, ŋą́ haláá kulɔi tamąą kaa, ɛlɛɛ, ŋą́ haláá kulɔi ta kaa, bɛ̨ɛ̨ mą, diɛ mą: Yálái di hvo gɔlɔn, gɔi ka! Ɉɛn ka kwɛli hvilɛn mą, ká hvo gɔlɔn, ya ɓə ŋą́ pa nɛi káá.

Ɉaan 8:55

Ka hvo gɔlɔn, kɛlaa, nwɛ́i ŋą́ gɔlɔn. Akɛ ŋą́ kɛ diɛ: ‹Və́ Ną́n gɔlɔn›, ŋą́ kɛ a lɛɛ mun yɛ bələi ka káá la. Kɛlaa, ŋą́ gɔlɔn, ɛlɛɛ, ŋą́ nwoo hon.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Mąątɛ̨nɛ̨ 89:26

Gáá pai gboloyá laai ɲee mu, nwɔ heeɓolaa yɛ hee yáleeɠaa mɛ̨i.

Tɔɔɓɛlaa dɔlɔɔ 3:6

Salomɔn yɛ mą: «Yɛ́ ɓə ə́ ɲɛ̨i lɛlɛɛ hee ną́n Davidə ə́ wɔ luwɔi ɓa, mąąhɔlɔɓo, ə hiɛ a ɉaŋąą ə́ ɲɛ̨i ɓa; tələnmolaa hu, a gwəi kwəlɛɛ yɛ́. Yili ɓə gɛ, yɛ́ kulɔ ə́ woo ɓa, ə́ non ɉee háákəlee dɔɔkpəlin ɉu.

Azaya 1:28

Kɛlaa, kpalo kaa pai ɓɛlai kwɛlitee nuą da nɛ̨ŋɛ̨n ɉəɠə nuą diɛ, nuąi daa di pulu tɔɔ Yai-Laa ɓa, di nwun na a pili,

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Korɛntə veelɛ 9:7

Nu tɛitɛi ə dɛɛ kani yɛ bələi a laa la a níi, hvo gɛ a ɲɛ̨i-yili, hvo kɛ a ganąn mɛ̨nį, gbala ə tɔɔ, nui a dɛɛ a gwəinɛ̨ɛ̨, ya ɓə nwɛli kaa Yálá ɓa.

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Tɔɔɓɛlaa veelɛ 21:22

Amɔn ə həɠə Yai-Laa pulu, yaai gaa a nąnii di wɔ Yálá. Hvo hvilɛn Yai-Laa nwɔ pələi mɛ̨i.

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Kɔlɔnikɔ Maa-ŋuŋ 28:8

Israɛlə kəlee ɲɛ̨i ɓa, Yai-Laa ŋą kpɔn ɲɛ̨i ɓa, gu wɔ Yálái ɲɛ̨i ɓa; 'ə həli kani kaa: 'Ka ká yee kąnąn Yai-Laa gu wɔ Yálái nwɔ tíɓoɠaai diɛ, 'ká naahɔnmo, ə gɛ nɔi lɛlɛɛi ɲɛ̨i yɛ pɛli kɛi a ka wɔɔ, ɛlɛɛ ka kulɔ ɉu, ə lɛɛ ka lonnii yəi a yələ kəlee mɛ̨nį.

Kɔlɔnikɔ Veerɛi 6:30

Yɛ́n, lɛɛ yələ kɔ́lɔn ɉu, ɓɛi Ə́ kaa laa, Ə́i wəli tɔɔ, Ə́ nu kəlee mąąhvaalɛɛ, Ə́ di hon yɛ bələi nu kəlee túwɔ́ pələ kaa la. Mąąhɔlɔɓo Ə́ nu kəlee kwəi kili kɔ́lɔn, Yɛ́ tɔ̨nɔ̨ gbən, Yɛ́ lɔ ɓə nu kan gɔlɔn da di gwəi kili.

Mąątɛ̨nɛ̨ 89:38

gɛ pələ kaa pai kɛi yɛ ɲąnin, ə ɓo a nwɔ́ tələnmo kɛla yələkwəi.

Hanwon 3:6

Mɛ̨nį lɔpee ə́ kaa gɛi, ə́ kilitɔɔ mą, a ə́ tɔwɔ pɔ̨nɔ̨

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Samuɛlə dɔlɔɔ 12:20

Samuɛlə yɛ nɔi lonnii diɛ: Ka hvo ɲɔw, tɛ̨ą li kaa ɓə mɛ̨nį ɲɔ̨n ŋɛ̨i kəlee kɛ, ə mą kɛ tii, ka hvo ka pulu tinɛ̨n Yai-Laa ɓa, ka tí Yai-Laa ɓa kwəi tɔ̨nɔ̨ laa hu.

Kɔlɔnikɔ Veerɛi 12:5

Yálá kwəi mɛ̨nį hukulɔ mun Semaya ə pa ə həli Roboamə ɓa, da Ɉuda ɲɛ̨itɔwɔnuą di ɲąąkpɔnŋąąi kɛ Ɉerusalɛmə, ɓɛlɔwai Sisakə ə kɛi paa la; yɛ diɛ: «Yai-Laa woo ka, yɛ: ‹Kaa ŋɛ̨i kaa nɛ́ɛ́ laa, ɲą́ą́ gbɛli mąn, gáá ka lɛɛi Sisakə yee kɔ́nmą.›»

Mąątɛ̨nɛ̨ 7:10

Nu ɲɔ̨nwɔ̨ɔ̨ɠaa di wɔ kiliŋąhiɛ ɲɔ̨nwɔ̨ɔ̨ ə kpɛla mą, tələnmolon vaŋąlɔ; mąąhɔlɔɓo, yɛ́ ɓə yá nu kwəi kiliɠaa, da nu koo kpala mɛ̨nįɠaa hu kaa, yɛ́i a Yálá tələnmoɔ.

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Hanwon 4:4

Nán ə kɛi níɛwoo kɛ, yɛ mąą: Nwóóɠaa naa kili ə lɛɛ ə́ ŋą, kpaalə ŋɛ̨i gáá nɛi yɛ́, ə́ hiɛ la; a kɛ tii, yá lamun yɛnɛ̨ɛ̨.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Izikiɛ 11:5

Yai-Laa ə nwɔ Kilii tɛɛ bɔ́, yɛ mą́ą́: «'Mo yɛ́ diɛ: Mɛ̨nii Yai-Laa kaa moi ya ka, yɛ: Israɛlə nuą, mɛ̨nįi ka kɛi moi ŋą́ gɔlɔn, ɛlɛɛ, giliŋąhiɛi a kɛ tooi kaa ŋą́ gɔlɔn.

Swiv nou:

Lyen patwone

Piblisite

Piblisite