Kɔlɔnikɔ Maa-ŋuŋ 28:12 - Yálá laawoo hɛɓɛ (dc)

¹² Mɛ̨nįɠaai kpɔ ə kɛli pa gɛi, yɛ hvilɛn na Yai-Laa yəi gwəlii ɓa, gulɔ-gbinma mɛ̨nįɠaa, Yálá yəi bɛlɛ́n ɉɛngɔwɠaa, da ɉaláá kulɔ hɛnŋąą, ə yili lɛ mą.

Yálá laawoo hɛɓɛ

¹² Mɛ̨nįɠaai kpɔ ə kɛli pa gɛi, yɛ hvilɛn na Yai-Laa yəi gwəlii ɓa, gulɔ-gbinma mɛ̨nįɠaa, Yálá yəi bɛlɛ́n ɉɛngɔwɠaa, da ɉaláá kulɔ hɛnŋąą, ə yili lɛ mą.

Bible

¹² M̀ɛni kpɛtɛɛi kélee è gɛ̀ é pîlaŋ bɛ́rɛi kɔlɛ ma mɛni-ŋai diai kélee tɛ̀ɛ bɔ́. È loŋpo-ŋai kɛ̀ a dinaŋɔɔ mai da zãa-laai kɛ́ loŋpo-ŋai kɛ̀ Ɣâla ŋɔpɛ́rɛi mai da zãa lâai kɛ́-kwaai ma kɛ̀ zama-sãa maa-waa-ŋai kélee mɛ̂ni mai naa mɛni kpɛtɛɛ tɛ̀ɛ bɔ́ máŋ.

Kɔlɔnikɔ Maa-ŋuŋ 28:12 Referans Kwoze

Kɔlɔnikɔ Maa-ŋuŋ 26:20

Lévi taɠaa, a di kaayɔwɔɠaa, di kɛ Yálá nwɔ pɛlɛ́i ɉɛngɔw mɛ̨nį nwun na, daɠaa di ɓo ɉaláá kulɔ hɛnŋąą nwun na.

Hebreu 8:5

Kɛlaa, ɉaláái di kɛi naa həlii, di kɛi lɔ naa həli hɛn mąąnįnįnŋaa, a mɛ̨nį neelee gaa yələkɔlɔn ɉu gulɔ mąą, yɛ bələi, Yálá ə ɉɛnŋaa tii kiliin na Moisə ɓa, yɛ kɛ mą, həɠə kələ tɔɔ; yɛ mą: «Ə́ ɲɛ̨i hee, 'Ə́ gɛ kpɔlɔɔ yɛ bələi ŋą́ mąąnįnįn dɛɛ la ə́ pɔ ɲee nwuɔ̨.»

Tɔɔɓɛlaa veelɛ 18:15

Walii kpɔ kɛ Yai-Laa yəi bɛlɛ́n, da nwalii kpɔ kɛ tɔɔmun ɲəi gəhii, Ezekiasə ə gəlee həɠə ə dɛɛ.

Tɔɔɓɛlaa veelɛ 16:8

Ɉɛni da nwalii kɛ Yai-Laa yəi bɛlɛ́n, yii kɛ dɔɔ pɛlɛ́ mu, Akazə ə ɉəɠə, ə dɛɛ Asiri tɔɔmun bɔ a ɉamą.

Tɔɔɓɛlaa dɔlɔɔ 15:18

Wali da hɛni yii lɛɛ Yai-Laa nwɔ hɛn gɔw laikɛi, da yii kɛ tɔɔmun yəi ɉɛn gɔw kəhi hu ɲəi bɛlɛ́n, Asa ə gəlee həɠə ə dɛɛ nwɔ tínuą pɔ, ə gɛ, di li la Bɛn-Hadadə pɔ, yai a Aramə tɔɔmun, ə ɓo a Hɛziɔn lon Tavrimɔn lon; ə kə heeni Damasə. Ə mo yili ɓa, yɛ mą:

Tɔɔɓɛlaa dɔlɔɔ 15:15

Ɉɛnŋaai di nąnni di naakwɛlanmo Yai-Laa ɓa, ə ɉəɠə, ə li la Yai-Laa yəi bɛlɛ́n; diɛ ɓaa: wali, hɛni, da pɛlɛ́n ɉɛɲąŋą.

Tɔɔɓɛlaa dɔlɔɔ 14:26

Ə Yai-Laa nwɔ pɛ́lɛ́i mu hɛnŋąą kəlee həɠə, da tɔɔmun ɲəi bɛlɛ́n hɛn gɔwɠaa, ə gəlee həɠə kpɔ tɛ̨ɛ̨tɛ̨ɛ̨, ə mą kɛ, gɔ́kɔ gbalaɠaai Salomɔn ə bɛli a ɉɛni, ə gəlee həɠə.

Lɛɛ gbɔwɔ ɓa 31:2

«Ə́ wəli tɔɔ! Ŋą́ą́ Besalɛlə həɠə ɉu, yaai gaa a Uri lon yɛ ɓo a Hurə mąnįn Ɉuda huwuhu.

Lɛɛ gbɔwɔ ɓa 25:40

Moisə, bələi ti gɛ pələ ə lɛ la yɛ́ ɲee ton na, 'gɛ ti.

Kɔlɔnikɔ Maa-ŋuŋ 28:11

Davidə ə bɛlɛ́ laaləi tɔɔ pələ kpaɠala lɛ non Salomɔn ɓa, da bɛlɛ́ɠaa, bɛlɛɛ ɉɛnŋąą pui ɓa, ə mą kɛ, ɲələi pələ pɛlɛ́ɠaa, da nɔi ɓa pələ pɛlɛ́ɠaa, da mįnɛ̨ kəhi hee pɛlɛ́ nwɛi.

Kɔlɔnikɔ Maa-ŋuŋ 28:19

Mɛ̨nįɠaa tii kəlee kaa hɛɓɛ́ ta hu, Yai-Laa ɓə bɛ̨ɛ̨ a ɲee, yɛ ɉɛɓɛ́i tii hu kolóɠaa kəlee kpaɠala lɛ mą́ą́.»

Izikiɛ 40:2

Ə kɛ yɛ hį́i pələ, Yálá ə li a ɲą́ą́ Israɛlə lɔi hu, ə vílɛn yee tɔɔ ta ton na, ɲeei tii mɛ̨i ɉɛɠɛɛ pələ, ə kɛ yɛ pɛlɛ́ɠaa da kɛ laa a taa kɛ pələ.

Izikiɛ 40:38

Bɛlɛ́ laaləi ta kulaa kɛ ɲimɛ̨n mu, nąą ɓə di kɛi Yálá kɔ́ haláá taatɛlɛɛ waa laa.

Tɔɔɓɛlaa dɔlɔɔ 7:51

Mɛ̨nįɠaai kɛ mąąnɛ̨ɛ̨ tɔɔmun Salomɔn ə gɛ Yai-Laa hee pɛlɛ́ mu, yii kɛa gəlee laa ə kulɔ a nɛlɛɛ; ɉɛnŋąą ŋɛ̨i nąn Davidə ə naakwɛlanmo Yai-Laa ɓa, ə di həɠə ə pa a diɛ, ə bu Yai-Laa nwɔ pɛ́lɛ́i ɉɛn gɔw laikɛi. Ɉɛnŋąą tii ɓaa: wali, hɛni, da hɛɲąŋąɠaa.

Ɉeremi 35:2

«'Li Rekavə nu huwu pɔ, ə́ di təli, di lɔ Yai-Laa hee pɛlɛ́ mu, bɛlɛ kɛnɛ̨ tɔ̨nɔ̨ mu; lɔɔ tɛɛ di pɔ di gbələ»