Kɔlɔnikɔ Maa-ŋuŋ 27:31 - Yálá laawoo hɛɓɛ (dc)

³¹ Yazizə Hagri mun mə kɛ daatɛlɛɛ pɛlɛɛɠaa nwun na. Nuąi kpɔ tii ɓə kɛ heeni tɔɔmun Davidə nwɔ hɛngɔwɠaai nwun na.

Yálá laawoo hɛɓɛ

³¹ Yazizə Hagri mun mə kɛ daatɛlɛɛ pɛlɛɛɠaa nwun na. Nuąi kpɔ tii ɓə kɛ heeni tɔɔmun Davidə nwɔ hɛngɔwɠaai nwun na.

Kɔlɔnikɔ Maa-ŋuŋ 27:31 Referans Kwoze

Kɔlɔnikɔ Maa-ŋuŋ 5:10

Saulə nwɔ hvólói hu, di kɔ́ pɛlɛ Hagri nuą diɛ, di lɛɛ di yee mu, diɛi tii, di lɔ di wɔɔ həɠə pɛlɛ́ɠaai mu Galaadə voló həɠəi bələ nąą kəlee.

Samuɛlə dɔlɔɔ 21:7

Ɉaláá laa həli mun ə ɉaláá lɛɠɛ ta tɛɛ bɔ. Mąąhɔlɔɓo, lɛɠɛ takpɛli hvo kɛ laa, hvo kɛli lɔ lɛɠɛi kɛ a Yálá kɔ́ hɛn. Daa kɛ ɉəɠə Yai-Laa lííla, diɛ lɛɠɛ mɔnŋąą nįnɛ̨ laa laa a mąąhvalin.

Kɔlɔnikɔ Maa-ŋuŋ 27:30

Ovilə Ismaɛlə mun da ɓə kɛ ɲɔ̨nwɔ̨mɛ̨ɛ̨ɠaa nwun na. Yehdeyahu Meronotə mun mə kɛ ɉoohvaalənŋąą nwun na.

Kɔlɔnikɔ Maa-ŋuŋ 27:32

Davidə gala Yehonatan ɓə kɛ a ɉee gwɛlɛ, kilimąą mun ni kɛ, yɛ ɓo a hɛɓɛ́ kɛmun. Hakmoni lon Yehiɛlə ɓə tɔɔmun nonnii di kɛ ɲəi.

Kɔlɔnikɔ Maa-ŋuŋ 5:19

Di kɔ́ pɛlɛ Hagri nuą diɛ, di bɛlɛ Yeturə ɓa, di bɛlɛ Nafisə da Nodavə ɓa.

Ikilisiati 2:7

Ŋą́ luwɔ hinąą da luwɔ nɛ̨ąą yá, ŋą́ bɛlɛ bɔlɔɠaai kɛ ɲə́i diɛ. Daatɛlɛɛɠaa kɛ ɲə́i, nįŋɛ̨ɠaa, ɓɛlaaɠaa da ɓooliɠaa, gbulu kɛnɛ̨i kɛ ə tɛɛ nuą wɔlɔ kɛ dɔ́wɔ́ Ɉerusalɛmə di wɛi ɓa.