Kɔlɔnikɔ Maa-ŋuŋ 27:1 - Yálá laawoo hɛɓɛ (dc)

¹ Israɛlə lonnii lononŋaa ka, a bɛlɛ́ɠaa laa, waa nąmįną, nwundɔ̨nɔ̨ nąmįną, da ɲalá nąmįnąi kɛ tɔɔmun bɔ diɛ nuą ɲąąkwɛlɛ, nu kpulu yii kɛi li, da yii kɛi li ɲąnįn dɛitɛi yee mu, gwɛlan ɉu ɲąnįn gəlee yee mu. Nu waa pow hveelɛ gɔw nąąn mə kɛ kpulu tɔ̨nɔ̨ hu.

Yálá laawoo hɛɓɛ

¹ Israɛlə lonnii lononŋaa ka, a bɛlɛ́ɠaa laa, waa nąmįną, nwundɔ̨nɔ̨ nąmįną, da ɲalá nąmįnąi kɛ tɔɔmun bɔ diɛ nuą ɲąąkwɛlɛ, nu kpulu yii kɛi li, da yii kɛi li ɲąnįn dɛitɛi yee mu, gwɛlan ɉu ɲąnįn gəlee yee mu. Nu waa pow hveelɛ gɔw nąąn mə kɛ kpulu tɔ̨nɔ̨ hu.

Bible

¹ Eezuɛ-ŋai kɛ̀ a gɔ-kûluƃa-ŋai láa túɛ-ƃelai láa ká ŋí. Ǹûai ŋí da-ŋa díkɛ̀ núu (1,000) wála tɔnɔ mɛi, da-ŋa díkɛ ƃò a núu (100) ŋ̀uŋ tɔ̂nɔ mɛi ƃela. Díkɛ̀ tíi kɛ̂i kɔ-kûluƃa kpulu tɛi-tɛi mɛi gâloŋ yée mu. Núu wála buu feerɛ káo náaŋ (24,000) ƃé kɛ̀ ǹúu kpului dɔnɔ su. Da kâa tíi kɛ̀ a ɣáloŋ tɛi-tɛi díkɛ díkîe-ni maa fâleŋ a ŋ̀áloŋ kélee kpɛɛ-ŋa.

Kɔlɔnikɔ Maa-ŋuŋ 27:1 Referans Kwoze

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Kɔlɔnikɔ Maa-ŋuŋ 28:1

Davidə ə Israɛlə ɲąąwooɓo nuą kəlee ɲąąkpɔn Ɉerusalɛmə, ə bɛlɛ, nɔi nwun nąmįną diɛ, gɔláɠa nwun nąmįnąi kpɔ kɛ tɔɔmun ɲee mu, da nuąi kɛ a nu waa nwundɔ̨nɔ̨ nąmįną, nuąi kɛ tɔɔmun da nonnii di wɔɔ hɛngɔwɠaa da daatɛlɛɛ kəlee nwun na, da gbɛtɛgbuwuɠaa, da nuąi tɔɔmun nonnii mɛ̨ikaa mɛ̨nį nwun na, ə mą kɛ, yiiɠaai kɛ gɔɓuwu nwun na, da nu kpɛa-kpɛaɠaa kəlee.

Kɔlɔnikɔ Maa-ŋuŋ 13:1

Davidə da nuąi nu waa tɛitɛi nwun na, ə lɛɛ, nu nwun dɛitɛi ɲąąwooɓo nuą, bɛlɛɛ galanɉonŋąą diɛ, di di nwun dɔɔ;

Tɔɔɓɛlaa dɔlɔɔ 5:14

Nuą di kɛi həɠə lɔi lɔpee gəlee hu, diɛ pa diɛ di wəli tɔɔ Salomɔn nwɔ kili pələ ɓa, yii kɛi kulɔ na. Tɔɔɓɛlaa diɛ həɠə lɔi nąą kəlee diɛ pa diɛ Salomɔn nwɔ kilimąą wooɠaa mɛ̨n.

Tɔɔɓɛlaa dɔlɔɔ 4:7

Nu pow kɔ́w hveelɛ ɓə Salomɔn ə ɉee Israɛlə lɔi kəlee nwun na, diɛ nɔi ɲąąwooɓo. Diɛ ɓə kɛi tɔɔmun da ɲəi bɛlɛ́n nuą kɔ̨nɔ̨n dɛɛ; da dɛɛ kɛ a ɲąnin dɔ̨nɔ̨ kwɛlan dɛitɛi kəlee yeemu. Goɓitaa tɛitɛi kəlee nwɔ ɲąnin dɔ̨nɔ̨, kwɛlan dɔ̨nɔ̨ yeemu.

Samuɛlə dɔlɔɔ 8:12

Gaa pai di həɠəi yɛ di kɛ a nwɔ kɔ́kulááɠaa da kɔlaɠaɠaa ɲɛ̨i tɔwɔ nuą, di nwɔ kɛɛɠaa hin, diɛ nwɔ mɔ̨nun dee, diɛ nwɔ kɔ́ kɔ́ hɛnŋaa yɔw, da nwɔ hoo kpəlin bɛli nuą.

Dutɛrɔnome 1:15

Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Lɛɛ gbɔwɔ ɓa 18:25

Moisə ə nuą həɠə Israɛlə lonnii kəlee lɔwai a nu ɓɛlɛmąąɠaa, ə di hee nuą nwun na, nu waa tɛitɛi nwun na, nu nwun dɛitɛi nwun na, nu pow lɔɔli lɔɔli nwun na, da nu pow pow nwun na.

Kɔlɔnikɔ Maa-ŋuŋ 26:32

Yaa, da gaayɔwɔɠaa, di kɛ a kpakolo waa hveelɛ pulu nwun mɛ̨ihveelɛ, a pɛlɛ́ nąmįną; diɛ ɓə tɔɔmun Davidə ə di hee Rubɛn nwɔ pɛlɛ́i nwun na, da Gadə nwɛiɠaai, ɛlɛɛ, Manase huwu bələ tɔ̨nɔ̨i kɛ ɲanwuɔ̨ pələ; diɛ ɓə di yee ə kɛ Yálá mąą mɛ̨nį ɲɛ̨ikulɔ mɛ̨nįɠaa diɛ, da dɔɔmun nwɛiɠaai.

Kɔlɔnikɔ Maa-ŋuŋ 27:2

Nu kpulu dɔlɔɔ tɔlɔɔ, ɲąnįn dɔlɔɔ hu: Ɉavdiɛlə lon Yasoveamə ɓə nwɔ nuą di kɛ a nu waa pow hveelɛ kɔ́w nąąn.

Kɔlɔnikɔ Maa-ŋuŋ 29:6

Ya ɓə bɛlɛ nąmįną, nuąi kɛ ɉį́įɠaa nwun na Israɛlə lɔi hu, yiiɠaa kɛ nu waa tɛitɛi nwun na, nu nwun dɛitɛi nwun na, da nuąi kɛ tɔɔmun nwɔ hɛnŋąą nwun na, di pa a naa gwəi mɛ̨inɛ̨ɛ̨ a di liiɓa pələ,

Zasua 23:1

Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,

Samia Veerɛi 23:8

Davidə nwɔ kɔ́kulááɠaai laa ka: Takemoni mun Yosɛvə-Basɛvɛtə, ə kɛ a kɔ́kuláá nwun nąmu. Ya ɓə, nwɔ kpalai pili ɲee mɛ̨i tanɔ̨n, ə nu nwun mɛ̨ihaaɓa paa.

Kɔlɔnikɔ Maa-ŋuŋ 11:10

Davidə ŋą kuláa wala-walaɠaai kɛ di tɔɔ bulu a nwala-walaa, yaa da Israɛlə, diɛi gɛ, Davidə yɛ heeɓo laa kɛ Israɛlə mɛ̨i, yɛ bələi Yai-Laa ə mo la.

Kɔlɔnikɔ Veerɛi 1:2

Salomɔn ə Israɛlə nuą kəlee təli: Ɲɛ̨itɔwɔ nuą waa tɛitɛi nwun na, yiiɠaa kɛ nu nwun dɛitɛi nwun na, giti tee nuą, da nuąi kpɔ ɲąąwooɓo laa ə kɛ diɛ Israɛlə lɔi hu, diɛi ɓaa a pɛlɛ́ nąmįną.