Kɔlɔnikɔ Maa-ŋuŋ 22:7 - Yálá laawoo hɛɓɛ (dc)

⁷ Davidə yɛ non Salomɔn ɓa: «Nón! Yii kpɔ gɛ lii ə kɛ gwə́i, ya ɓaa, ŋį́ pɛlɛ́ tɔɔ, ə kɛ a Yai-Laa nwɔ́ Yálái laa.

Yálá laawoo hɛɓɛ

⁷ Davidə yɛ non Salomɔn ɓa: «Nón! Yii kpɔ gɛ lii ə kɛ gwə́i, ya ɓaa, ŋį́ pɛlɛ́ tɔɔ, ə kɛ a Yai-Laa nwɔ́ Yálái laa.

Bible

⁷ È mò ma ǹyɛɛi, “Ńoŋ, ŋa gbɛ̀tɛ ŋ́gili ŋá a gɛ́ɛ ŋá pɛ́rɛ tɔ́ɔ Ŋáɣâlai Yâwɛɛ ŋɔlaa ma tɛi mɛni ma.

Kɔlɔnikɔ Maa-ŋuŋ 22:7 Referans Kwoze

Mąątɛ̨nɛ̨ 132:5

Hvo kɛ li, ŋą́ gbɛa kɛɛnąą ta hɔlɔɓo a Yai-Laa nwɔɔ, a Ɉakɔbə nwɔ kilɛn nąŋąlon hee pɛlɛ́!»

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Ɛsdrasə 6:12

Ɲą́ą́ Dariusə, gɛ́, Yálá yii naa kaa gɛɛnąąi tii, tɔɔmun a wala kɛ tii lɔi lɔpee a muhəɠə nwɔ pɛ́lɛ́i laa ɓa Ɉerusalɛmə daai, Ɲálái tii ə mąą nu nwun na pili. Gɛ́, mɛ̨nįi ŋɛ̨i ŋį́ mo, ə kɛ kpɔlɔ tii, da hvo həɠə mą.»

Kɔlɔnikɔ Veerɛi 2:4

Bɛlɛi gáá bɔ ŋį́ dɔɔ, a kɛ a pɛlɛ kɛnɛ̨; gbala ə tɔɔ, ku wɔɔ Yálái kɛnɛ̨i yálá kəlee ɓa.

Kɔlɔnikɔ Maa-ŋuŋ 29:3

Yili pulu, yii kpɔ Ną́mu Yálá nwɔ pɛlɛ́i mąą mɛ̨nį kaa a gwə́inɛ̨ɛ̨ mɛ̨nį, hɛni da walii ɲə́i a gbɔ́wɔ́ nwɔɔ, ŋį́ dɛɛ Ną́mu Yálá nwɔ pɛlɛ́i tɔɔ mɛ̨nį ɓa, ə pɛlɛ la bɛlɛ́ tɔɔ hɛnŋąąi kpɔ ŋį́ ŋąąkpɔn mą.

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Tɔɔɓɛlaa dɔlɔɔ 8:29

Ə́ ɲɛ̨i kɛ bɛlɛ́i ŋɛ̨i ɓa a yələ kəlee, gɛɛnąą ŋɛ̨i ə́ kɛ diɛ: ‹Náá kaa pai kɛi ɓɛ›, vɛli ɓoi yɛ́ tímun gaa naa həli yɛ́ gɛɛnąą ŋɛ̨i ɓa ə́ wəli tɔɔ mą.

Dutɛrɔnome 12:21

Gɛɛnąąi Yai-Laa kaa pai ɲee kpuwɔ lɛi mą, yɛ naa hee laa. Akɛ nąą a kɛ a gwɛaa kaa, ka pɛli mą ka nįŋɛ̨ ta paa, awala kɛ tii ɓɛlaa da ɓolu ta, yii lɔpee Yai-Laa ka wɔ Yálái kaa pai dɛɛi ka pɔ, ka gɛ lɔ yɛ bələi gáá pai moi la kaa; ɛlɛɛ ka da mįi ka wɔ taaɠaa hu, yɛ bələi ka káá pai kɛi la bɔ.

Kɔlɔnikɔ Maa-ŋuŋ 22:19

Akɛtii kani, ka ká kili, da ka wɔɔ yɛnɛ̨ɛ̨ kɛ a Yai-Laa ka wɔɔ Yálái kwɛliɛ. 'Ka ká muhəɠə, ka Yai-Laa Heeɓo kəlee Nąmu nwɔ pɛlɛ́i tɔɔ, əgɛ, ka pa a Yai-Laa nwɔ mįnɛ̨ Kəhii, ka ɉee mu, da Yálá kɔ́ hɛn ɲąŋąɠaa, ka ɉee nwɔɔ pɛlɛ́i mu, yaai ka dɔɔ Yai-Laa laa ɓa.»

Samia Veerɛi 7:1

Ɓɛlɔwai tɔɔmun ə lɔ la dɔɔ pɛlɛ́ mu, ɛlɛɛ, Yai-Laa ə gɔ́ a lííla yɛnɛ̨ɛ̨, a ɲowoɠaa kəlee mąą kwɛai ə mo mą.