Kɔlɔnikɔ Maa-ŋuŋ 22:16 - Yálá laawoo hɛɓɛ (dc)

¹⁶ Yii ɓaa, hɛni, wali kwɛli, ɓala kwɛli da kwɛli kpɔɔkpɔ, nu hva pɛli nonon ɉii. 'Ə́ muhəɠə, ə́ ə́ kɛ kólo kɛ; Gɛ́, Yai-Laa ə kɛ ə́ pɔ!»

Yálá laawoo hɛɓɛ

¹⁶ Yii ɓaa, hɛni, wali kwɛli, ɓala kwɛli da kwɛli kpɔɔkpɔ, nu hva pɛli nonon ɉii. 'Ə́ muhəɠə, ə́ ə́ kɛ kólo kɛ; Gɛ́, Yai-Laa ə kɛ ə́ pɔ!»

Bible

¹⁶ a gôo, káne, ƃara da kɔli. Yɛrɛ kɛ́-ƃela támaa káa ƃɛ́ nyíi ífa pɔ̂ri dílônoi. Ye naa pɛlɛ díi ŋí ma. Yâwɛɛ é kɛ́ íkɔlɛ ma.”

Kɔlɔnikɔ Maa-ŋuŋ 22:16 Referans Kwoze

Kɔlɔnikɔ Maa-ŋuŋ 22:11

«Nón! Yii hu kɛa, gɛ́, Yai-Laa ə kɛ ə́ pɔ, əgɛ, ə́ yee ə lɔ Yai-Laa ə́ wɔɔ Yálái nwɔ pɛlɛ́i tɔɔ mɛ̨nį ɓa, yɛ bələi ə mo la ə́ laa mɛ̨i!

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Zasua 7:10

Yai-Laa yɛ Ɉosue ɓa: «Ə́ muhəɠə! Lə mɛ̨nį ɓa ə́ kaa pɛlɛ ni nɔi ɓa?

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Kɔlɔnikɔ Maa-ŋuŋ 22:14

«Ə́ ɲɛ̨i hee, bələi mąn hɛn və la ɲə́i, ŋą́ą́ tɔɔ a nwąnąi, ŋą́ą́ Yai-Laa nwɔ pɛlɛ́i tɔɔ hɛnŋąą kwɛli, ŋą́ą́ hɛni waa nwundɔ̨nɔ̨ laaikɛ, da wali kwɛli waa nwun damąą. Yii ɓaa mala kwɛli da gwɛli kpɔɔkpɔ, nu hva pɛli giliin ɉii, damą pələ ɓa. Ŋą́ą́ nwɔ̨nɔ̨ wulu kwɛli, da kwɛni, yɛ́ kpįnįi da kwɛli ə bɛlɛ mą nwɔ̨nɔ̨.

Kɔlɔnikɔ Maa-ŋuŋ 22:3

Davidə ə kwɛli tiɛ̨ geemɛ̨i, yii di kaa pai gɛi a bɛlɛ́ kpon gbanwo hɛn, da ɲili hɛn. Ə kwɛli kpɔlu kwɛli kpɔ kɛnɛ̨, yii di hva pɛli kɛ gɔɔn ɉii.

Samuɛlə dɔlɔɔ 20:13

Kɛlaa, akɛ kiliŋąhiɛ ɲɔ̨nwɔ̨ɔ̨ a kɛ ną́n ma, yɛ kɛ ə mɛ̨nį ɲąąnwąnąą laa Davidə ɓa; ŋą́ wala gílaa pɔ̨nɔ̨, Yai-Laa ə mɛ̨nį ɲąą nwąnąą laa Ɉonatan ɓa; ŋą́ ə́ kilaa pɔ̨nɔ̨, nąąlɔwai ə́ li liilaa hu. Gɛ́ Yai-Laa ə kɛ ə́ pɔ yɛ pələi ə kɛ la ną́n bɔ.

Samuɛlə dɔlɔɔ 17:37

Yai-Laa, yai ə gulɔ yala da kwɛli di yee ɲąnin nɔwai, ya ɓə pai gulɔi Filisti kpolowai ŋɛ̨i yəi.» Saulə yɛ Davidə ɓa: «'Li! Yai-Laa ə lɛɛ ə́ pɔ.»

Nwun mąąɓo 4:14

Debora yɛ Barakə ɓa: «'Ə́ muhəɠə, volói Yai-Laa aa Sisera lɔ la ə́ yee ŋą, voló ka. A tɛ̨ą, Yai-Laa kaa pai kɛi ə́ tɔwɔ.» Barakə ə Tabɔrə yee yɛɛ, nu waa pow hvilɛnŋaa bulu.

Zasua 1:2

«Nwɔ́ tímun Moisə aa haa; yili ɓa tii, ə́ muhəɠə ə́ tɔɔ nuą tɔwɔ ka diɛni ka Ɉurdɛn yái ŋɛ̨i teen. Nɔi ŋɛ̨i ŋį́ naakwɛlanmo Israɛlə lonnii diɛ, ka li ɉu.

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Kɔlɔnikɔ Maa-ŋuŋ 22:15

Kólo kɛ nuą kaa ə́ yəi a gbulu kɛnɛ̨. Kwɛni haɠa nuą yɛlɛɛɠaa di ɓo ə́ yəi, da wulu haɠa nuą, ə mą kɛ, yɛlɛ huwui lɔpee gəlee kɛ nuą.

Tɔɔɓɛlaa dɔlɔɔ 2:2

«Gáá pai kɛa həɠəi nɔi ŋɛ̨i mɛ̨i, ɉu hvo kwɛa li gɛ́ ɉon a ku nąnni pɔlɔɠaa kpaalə. Yili ɓa, tɔɔ a ə́ walaa, ə́ hulɔnu laa kɛ.

Tɔɔɓɛlaa dɔlɔɔ 7:47

Salomɔn ə ɉɛnŋąą tii kəlee hee ɉeeiɠaa ɓa. Gəlee pɛlɛɛ gee ɓa, nu hva pɛli kɛ mala kwɛlii tii nwiɛ yee kɔ́lɔn ɉii, mąąhɔlɔɓo, gɛnɛ̨i kɛ.

Kɔlɔnikɔ Maa-ŋuŋ 28:10

Ə həli kani yɛ́: Yai-Laa aa ə́ həɠə ɉu, yɛ ə́ pɛlɛ́ tɔɔ mą, a mąąwiɛ pɛlɛ́. 'Ə́ hąą yili, 'Ə́ goló kɛ.

Kɔlɔnikɔ Maa-ŋuŋ 29:2

Ŋą́ą́ tɔɔ kpɔ a nwąnąi, ŋą́ą́ Ną́mu Yálá nwɔ pɛlɛ́i tɔɔ hɛnŋąą ŋąąkpɔn; hɛni, a yii mąąnɛ̨ɛ̨ a hɛni, wali, a yii mąąnɛ̨ɛ̨ a wali, ɓala kwɛli, a yii mąąnɛ̨ɛ̨ a ɓala kwɛli, wulu, a yii mąąnɛ̨ɛ̨ a wulu, kwɛli kpəlee, a yii mąąnɛ̨ɛ̨ a kwɛli kpəlee; kuwɔ-kwɛni lɛlɛɛɠaa: onisə. Kwɛni lɛlɛɛ huwu tamąą, daɠaa tɛɠiɛɛ, kwɛni kwɛlɛɛ huwu tamąą; ŋą́ą́ ɉɛnŋąą tii kwɛli kpɔ kɛnɛ̨.

Kɔlɔnikɔ Veerɛi 1:1

Davidə lon Salomɔn ə hee kpɔ tin-tin nwɔ tɔɔlaai hu, nwɔ Yálái a Yai-Laa ə tɔɔ bulu, ə naa tɛ kpɔ ləɠə-ləɠə.