Kɔlɔnikɔ Maa-ŋuŋ 22:13 - Yálá laawoo hɛɓɛ (dc)

¹³ Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Yálá laawoo hɛɓɛ

¹³ Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Bible

¹³ À kɛ̀ tí, ya pâi mɛni lɛ́lɛɛ sɔlɔ ƃôi à kɛ̀ ya ímɛi kâa, í dɔ̂ŋ nyíi Yâwɛɛ è wɔ́lɔ dɛ̀ɛ Mose pɔ́ Eezuɛ-ŋai mɛni mai mɛi káa. Kɛ́ a ítɔ̂ɔi kpanaŋɔɔ ílii kpeliɛɛ. Ílii fé tòo pôlu kpaa máŋ í yao.

Kɔlɔnikɔ Maa-ŋuŋ 22:13 Referans Kwoze

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Kɔlɔnikɔ Maa-ŋuŋ 28:7

Ŋą́ą́ nwɔ́ tɔɔlaai kɔwɔ hvilɛn a yələ kəlee mɛ̨nį, a kɛ a kąnąn nwɔ́ tíɓoɠaai da nwɔ́ tɔ́nnwooɠaai diɛ, yɛ di laahɔnmo yɛ bələi gaa la haa kəlee.›

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Tɔɔɓɛlaa dɔlɔɔ 2:3

Yai-Laa ə́ wɔ Yálái nwɔ liɛwooɠaa hon, ə́ hiɛ a ɲeekpiɛ tənən. Nwɔ tɔ́n da bɔ liɛwooɠaa kəlee hon, ə́ bɛlɛ bɔ túwɔ́ pələ ɓa, ə́ kɛ a nwąną mɛ̨nį kɔ́lɔn ŋąą yɛ bələi bɛ̨ɛ̨ la Moisə nwɔ tɔ́n ɉɛɓɛ́i hu. Yá yili kɛ tii, mɛ̨nįi lɔpee yá ə́ yee too ɉu, ɉu a nɛ̨ɛ̨ yɛ́.

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Galatə 6:2

'Ká ká keeni nwuɔ̨ tíɛ̨ həɠə, káá Kristə nwɔ tɔ́n pɔ yíiɓo la tii.

Mąątɛ̨nɛ̨ 119:6

akɛtii, nwumɛ̨ hva nee tɛ a ɲą́ą́; ɲɛ̨́i ə ɓo lɔ a ɉəɛ ə́ wɔ tiɓoɠaai diɛ.

Kɔlɔnikɔ Maa-ŋuŋ 28:10

Ə həli kani yɛ́: Yai-Laa aa ə́ həɠə ɉu, yɛ ə́ pɛlɛ́ tɔɔ mą, a mąąwiɛ pɛlɛ́. 'Ə́ hąą yili, 'Ə́ goló kɛ.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Gɛlaɠaa 13:22

Yálá ə Saulə kulɔ dɔɔlaa hu, ə Davidə tɛɛ di pɔ a tɔɔmun. Davidə tii, mąą mɛ̨nį ɓə ə mɛ̨nįi ŋɛ̨i ɓo la, yɛ kɛ: ‹Ŋą́ą́ Ɉɛse lon Davidə kaa a nííɓamun, ya ɓə pai nííɓa mɛ̨nįɠaa kəlee kɛi.›

Maafîu 3:15

Jesus ə nwoo ŋąąpənə, yɛ mą: «'Hváá mą, ə́ mą́ą́waa. Hvó gaai, bələ ɓə mąąnɛ̨ɛ̨ gu Yálá liiɓa mɛ̨nį ɲɛ̨i kulɔ la.» Ɉaan ə hvaa mą ə mąąwaa.

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Zasua 1:18

Nui lɔpee pai kulɔi ə́ woo mu, ə gwɛli tee yɛ́, yii ya ku tí la, a wala gɛ, mąą nu a haa. Yii lɔ ə́ kaa gɛi, ə́ liikpələ, ə́ ə́ huwalawala.»

Kɔlɔnikɔ Veerɛi 32:7

«'Ka a ka huwalawalaa, ka ká liikpələ! 'Ka hvo ɲɔw, 'ka mąą hvo kpɛlin Asiri tɔɔmun ɲɛ̨i tɔwɔ da bɔ nu kpului tii bɔi, hvó gaai, nui gwa diɛni gu tɔɔ, huwalawala kɛnɛ̨ kaa ɲəi.

Mąątɛ̨nɛ̨ 72:1

Salomɔn woo ka. Yálá, ə́ wɔ kiti tee hvilii tɛɛ tɔɔmun bɔ, ə́ wɔ tələnmolaa tɛɛ dɔɔmun non ŋɛ̨i pɔ.

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Zakari 8:9

Yai-Laa Mɛ̨nį Kəlee ŋą Hééɓomun nwoo ka, yɛ diɛ: 'Ka ká lii kpələ, kaai nwooɠaai ɲɛ̨i mɛ̨n ɉi, yɛ kulɔ gwə́i mɛ̨nį hu kulɔ nuą la, a volóɠaai ɲɛ̨i di Yai-Laa hee pɛlɛ́ gólo kpala tɔɔi la. Diɛ pənə diɛ nwɔ pɛlɛ́i tɔɔ a nįnɛ̨.

Tɔɔɓɛlaa dɔlɔɔ 2:2

«Gáá pai kɛa həɠəi nɔi ŋɛ̨i mɛ̨i, ɉu hvo kwɛa li gɛ́ ɉon a ku nąnni pɔlɔɠaa kpaalə. Yili ɓa, tɔɔ a ə́ walaa, ə́ hulɔnu laa kɛ.

Kɔlɔnikɔ Veerɛi 14:6

Asa yɛ Ɉuda nuą diɛ: «'Ka gu daaɠaa ŋɛ̨i tɔɔ, gu di mąątinɛ̨n a hįį, gu mɛ̨ikaa pɛlɛ́ɠaa tɔɔ mɛ̨i, gu kponŋąą too na, da di laa kpulu kwɛliɠaa. Nɔi kaa liilaa hu gu yəi. Mąąhɔlɔɓo, Yai-Laa gu wɔɔ Yálái kwɛlii ŋɛ̨i gu mo, guɔ lɛɛ mą a kwəi tɔ̨nɔ̨ laa, mąą mɛ̨nį ɓa, aa hvįitɔɔ tɛɛ gu pɔ bələ kəlee.» Di nɛɛ mą di daa tɔɔ kolóɠaa tii kɛ.

Kɔlɔnikɔ Veerɛi 26:5

Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.