Kɔlɔnikɔ Maa-ŋuŋ 21:30 - Yálá laawoo hɛɓɛ (dc)

³⁰ Kɛlaa, Davidə hva pɛli kɛ lii hvó Yai-Laa mąąni kɛ laa, mąąhɔlɔɓo ə kɛi ɲɔ̨w Yai-Laa nwɔ malaka ŋą ɓɔwai ɓa.

Yálá laawoo hɛɓɛ

³⁰ Kɛlaa, Davidə hva pɛli kɛ lii hvó Yai-Laa mąąni kɛ laa, mąąhɔlɔɓo ə kɛi ɲɔ̨w Yai-Laa nwɔ malaka ŋą ɓɔwai ɓa.

Bible

³⁰ Kɛ́lɛ Deeƃé fé pɔri ní kɛ̀ liî naa a gɛ́ɛ é Ɣâla fɛli, kpɛ́ni fêi, è kɛ̀ kpɔ́ yaôi a ŋ̀ánaa Yâwɛɛ ŋɔkélai ŋɔƃóa-sɔkpɔi ma.

Kɔlɔnikɔ Maa-ŋuŋ 21:30 Referans Kwoze

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

Ɉeremi 10:7

Gbɛɛ a pɛli niikpələi a yɛ́! Lɔiɠaa di wɔ tɔɔmun! Mąą nɛ̨ɛ̨ kilimąą nuą di hɔlɔɓo lɔi kəlee hu, di tɔɔ, lɔiɠaa hu, Kɛlaa, nu ta hvo laa yɛ ɓo yɛ yɛ́!

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 90:11

Gbɛɛ ɓə ə́ wɔ liiholii hvaŋą kɛnɛ̨ pələ kɔ́lɔn? Bələi lɔ nu a ɲɔw la yɛ́, bələ lɔ ɓə a ə́ wɔ liiholii kɔ́lɔn na.

Zôo 23:15

Yili ɓə gɛi, ŋį́ tɔɔ ɲɛ̨i ɓa ɉú yɛ pu mą́ą́. A tɛ̨ą, ŋį́ kɛ lɔ gíliŋąhiɛi Yálá ɓa, nwɔ́ ɲɔw ta yɛ pɛlɛ ma.

Zôo 21:6

Ɲą́ą́ gbinįi, ɲá giliŋąhiɛ, ɉú a pu mą́ą́, ə lɛɛ ɉúwɔ hu yɛ kpɛlin.

Zôo 13:21

Ə́ wɔ mɔ̨nɔ̨i mąą kwɛa mą́ą́, hvo kɛa mą́ą́ ɲɔw a mɛ̨nį ɲɔ̨n.

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Kɔlɔnikɔ Maa-ŋuŋ 13:12

Mąą yələi tii, Davidə ə ɲɔw Yálá ɓa; yɛ kɛ diɛ: «Ŋą́ pai tɛɛ pələ kɛi ləi, gɛ́ Yálá nwɔ mįnɛ̨ kəhi lɔ ɲə́i bɛlɛn?»

Samia Veerɛi 6:9

Mąą yələi tii, Davidə ə ɲɔw Yai-Laa ɓa; yɛ kɛ diɛ: «Ŋą́ pai tɛɛ pələ kɛi ləi, gɛ́ Yai-Laa ŋą mįnɛ̨ kəhi lɔ ɲə́i bɛlɛn?»

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Kɔlɔnikɔ Maa-ŋuŋ 21:29

Yaan, Yai-Laa nwɔ pɛlɛ́i Moisə ə bɛli nɔi pun ɉu, da ɉaláá kulɔi, nąąlɔwai, ə kɛ Gabaɔn ɉaláá kulɔi.

Kɔlɔnikɔ Maa-ŋuŋ 22:1

Yili ɓə gɛ, Davidə yɛ kɛ diɛ: «Ɓɛ ɓə Yai-Laa Heeɓo kəlee Nąmu Yálá nwɔ pɛlɛ́i kaa laa, ə lɛɛ; ɓɛi Israɛlə nuą da haláá kulɔ laa!»