Kɔlɔnikɔ Maa-ŋuŋ 21:1 - Yálá laawoo hɛɓɛ (dc)

¹ Ɓilihi ə pɛlɛ Israɛlə ɓa, ə Davidə ɲąątɛ, yili ə Israɛlə nuą lonon.

Yálá laawoo hɛɓɛ

¹ Ɓilihi ə pɛlɛ Israɛlə ɓa, ə Davidə ɲąątɛ, yili ə Israɛlə nuą lonon.

Bible

¹ Ǹaa kɛ́ɛ tí, Sêtɔŋ è kɛ̀ ŋ̀wɛ̂lii é mɛni kpɔ̂lu láa Eezuɛ m̀a. È pìli Deeƃé líi su é gɛ́ Deeƃé é Eezuɛ-ŋai lóno.

Kɔlɔnikɔ Maa-ŋuŋ 21:1 Referans Kwoze

Zakari 3:1

Yili pulu, Yai-Laa ə Ɉosue lɛ mą́ą́, yai gaa a ɉaláá laa həli mun gɛnɛ̨; ə kɛ tɔɔni Yai-Laa nwɔ malakai lííla, ɛlɛɛ, ɓilihi ə kɛ tɔɔni mamįiyee hu pələ, yɛ lɛɛ pɛlɛ Ɉosue ɓa.

Zôo 2:1

Ə kɛ a hvóló ta, malakaɠaa di kɛi li Yai-Laa lííla. Ɓilihi ə lɛɛ di lɔwai, ə lɔ.

M̀ɛni-lɛɛi 12:10

Yili pulu, ŋį́ woo kɛnɛ̨ ta mɛ̨n yələ kwəi, yɛ kɛ mą: «Nu ɓalo yələ ka, gu wɔɔ Yálái ŋą tɔɔlaa yələ ka, da ŋą yəi kɛnɛ̨laa, ɛlɛɛ, Kristə ŋą Hééɓolaa yələ ka; mąąhɔlɔɓo, nui kɛ a gu nąn nonnii kálámąɓomun, daa bili, a yai kɛli di kálámąɓo Yálá ɓa a kpinį da hvóló.

Hebreu 10:24

'Ká gu gu keeni mɛ̨ikaa, guɔ gu kee lii muhəɠə wɛlikɛmąą laa pɔ pələ, da mɛ̨nį lɛlɛɛ kɛɛ.

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Lukə 22:31

Gu Nąmu yɛ diɛ: «Simɔn! Simɔn! Ɓilihi aa ka hu hvɛli, əgɛ, ə ka hiɠi-hiɠiɓo yɛ bələi da mɔ̨nun vɛɛ la.

Lukə 11:53

Ɓɛlɔwai Jesus ə həɠə la gɛɛnąąi tii, dɔ́n galamɔ̨ɔ̨ɠaa da Farisiɛ̨ɠaa di lii ə kələn gbɔ di kwəi, diɛ kɛa mąąni kɛ huwu lɔpee gəlee kɛ Jesus ɓa.

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Zĩi 1:13

Nui lɔpee, ɲąąhɛn mɛ̨nį a həli mą, hvo kɛ diɛ: «Yálá ɓə ɲą́ą́hɛn.» Mąąhɔlɔɓo, mɛ̨ni ɲɔ̨n gɛ kili hva too Yálá ɓa, ɛlɛɛ, hva pɛli nu ɲąąhɛŋi.

Kɔlɔnikɔ Maa-ŋuŋ 20:8

Nu huwui tii di kɛ a Harafa lonnii Gatə daai, Davidə da ɲee pɔ nuą di di paa.

Kɔlɔnikɔ Maa-ŋuŋ 27:24

Seruya lon Ɉoabə aa kɛ gbalatɔɔ, yɛ nonon ɓo kɛ, kɛlaa, hvo naakulɔ; mąąhɔlɔɓo, yili mąą mɛ̨nį ɓə Yálá nwɔ liiholi ə yɛɛ Israɛlə mɛ̨i. Yili mąą mɛ̨nį ɓə gɛ, nuą lononŋąą hvo kɛ laa tɔɔmun Davidə kɛ mɛ̨nį hɛɓɛ́ɠaa ta hu.

Lɛɛ gbɔwɔ ɓa 30:12

«Bɛlɔwai ə́ kaa pai Israɛlə lonnii laa pɛ̨ɛ̨i la a nuą lonon ɲələ, mąąnɛ̨ɛ̨ nu tɛitɛi kəlee ə nwɔ yɛnɛ̨ɛ̨ nwun mąąɓo hɛn dɛɛ Yai-Laa pɔ, ɓɛlɔwai di kaa pai naa pɛ̨ɛ̨i la, ə gɛ, mɛ̨nį nwąnąą hvo pa həli diɛ a nonon ɓo kɛ yələ.

Kɔlɔnikɔ Maa-ŋuŋ 7:40

Nuą tii kəlee ɓə kɛ a Asɛrə lonnii, diɛ ɓo a pɛlɛ́ nąmįną, a nu mąąnwumąąɠaa, a kulááɠaa, da lɔi ɲɛ̨itɔwɔ nuą. Di huwu lonoi di mo gɔlaɠa hu, diɛi kɛ a kɔ-kɔ nuą, di kɛ a nu waa pow hveelɛ kɔ́w mɛ̨ida.