Kɔlɔnikɔ Maa-ŋuŋ 19:6 - Yálá laawoo hɛɓɛ (dc)

⁶ Yii kɛa Hanun da Amɔn nuą di gaa diɛ, daa túwɔ́ pələ ɲɔ̨n gulɔ a Davidə, di wali kwələ waa tɔ̨nɔ̨ tɛɛ, diɛ li kɔ-kɔ wotoloɠaa da hoo mɛ̨i nuą həɠəi la, Aramə nuą pɔɔli, ɲalee hveelɛi kwɛlɛ da Aramə nuąi kɛ Maaka da Sova.

Yálá laawoo hɛɓɛ

⁶ Yii kɛa Hanun da Amɔn nuą di gaa diɛ, daa túwɔ́ pələ ɲɔ̨n gulɔ a Davidə, di wali kwələ waa tɔ̨nɔ̨ tɛɛ, diɛ li kɔ-kɔ wotoloɠaa da hoo mɛ̨i nuą həɠəi la, Aramə nuą pɔɔli, ɲalee hveelɛi kwɛlɛ da Aramə nuąi kɛ Maaka da Sova.

Bible

⁶ Gâloŋ Anuŋ da ŋɔnûai kɛ́ɛ da gɔ̀lɔŋ a gɛ́ɛ daâ Deeƃé líi ŋwána mɛni kɛ́i, dí lì dí káne wála buu lɔ́ɔlu mɛi saaƃa (80,000) kɔ́lɛ a gɛ́ɛ díkɔ kɔ́-keleŋ-ŋa yá dí zia-ƃela féla fé la Mɛsepotamia mɛi pere kpiniŋ su da Siria lɔii Maaka da Zoba kpiniŋ su.

Kɔlɔnikɔ Maa-ŋuŋ 19:6 Referans Kwoze

Kɔlɔnikɔ Maa-ŋuŋ 18:9

Hamatə tɔɔmun Tou, ə bələ mɛ̨n, yɛ kɛ, Davidə aa Sova tɔɔmun Hadadɛzɛrə hon a kɔ́, bɛlɛɛ nwɔ kɔlaɠai ɓa.

Kɔlɔnikɔ Maa-ŋuŋ 18:5

Aramə nuąi kɛ Damasə, di pa kpɔnmąą tɛɛ Sova tɔɔmun Hadadɛzɛrə pɔ. Kɛlaa Davidə ə nu waa pow hveelɛ kɔ́w hveelɛ paa Aramə nuą lɔwai.

Samia Veerɛi 10:6

Amɔn nuą di gaa diɛ daa túwɔ́ pələ ɲɔ̨n gulɔ a Davidə. Di nɛɛ mą di nuą tɔɔ Bɛtə-Rehɔvə, di Aramə nuą da Sova Aramə nuą yá, di kɛ a di wɔɔ kɔ́kulááɠaa, nu waa pow hveelɛ ɲɔ̨nwɔ̨mąn. Maaka tɔɔmun ə nu waa tɔ̨nɔ̨ tɛɛ, Tɔvə nuą nu waa pow kɔ́w hveelɛ.

Zɛnɛse 34:30

Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Mąątɛ̨nɛ̨ 14:3

Di kəlee, daa həɠə bələ mɛ̨i, di yee lɔɔ gee hu túwɔ́ pələ ɲɔ̨n gulɔ mɛ̨nį hu, di ta hva túwɔ́i a dənən, ə mą kɛ nu tanɔ̨n gbən ɓə.

Kɔlɔnikɔ Veerɛi 27:5

Yotamə ɓə kɔ́ pɛlɛ Amɔn lonnii di wɔɔ tɔɔmun ɓa, ɲee ə tɛɛ mą. Mąą kwɛlan tii, di wali kwələ nwundɔ̨nɔ̨, mɔ̨nun gɔw kpili waa pow, da kpai kɔw kpili waa pow, ya ɓə bɔ. Di gɛ lɔ tii gwɛlan veelɛnąą da gwɛlan ɉaaɓanąą.

Kɔlɔnikɔ Veerɛi 25:6

Yili pulu, ə kɔ́kuláa walawala nu waa nwundɔ̨nɔ̨ hon Israɛlə lɔi hu a wali kwələ nwundɔ̨nɔ̨.

Kɔlɔnikɔ Veerɛi 18:9

Israɛlə tɔɔmun da Ɉuda tɔɔmun, tɔɔhəɠə ə ɓo di kwaną, di nu hveelɛ, nu kəlee hiɛ tɔɔkpəlin ɉu, Samari taa ɉįi la. Yálá kwəi mɛ̨nį hukulɔ nuą diɛ kɔ́nwɔ̨, diɛ kɛ di kaa Yálá kwəi mɛ̨nį hukulɔi dɔɔɓɛlaa tii diɛ.

Kɔlɔnikɔ Veerɛi 18:5

Israɛlə tɔɔmun ə nwɔ Yálá kwəi mɛ̨nį hukulɔ nuąi ɲąąkpɔn, di kɛ a nu nwun nąąn; yɛ diɛ: «Kwa pɛli lii mɔ̨ɔ̨ ku kɔ́ pɛlɛ Ramotə ɓa Galaadə, awala kɛ tii, ŋį́ lɛɛ ɓɛ?» Ya diɛ mą: «Tɔɔmun! 'Li, Yálá aa nąą tɛɛ ə́ pɔ!»

Kɔlɔnikɔ Veerɛi 18:3

Israɛlə tɔɔmun Akabə yɛ Ɉuda tɔɔmun Ɉosafatə ɓa: «Ə́ kaa pai gwə li gu kɔ́ pɛlɛ Ramotə ɓa, Galaadə lɔi hu?» Ɉosafatə yɛ mą: «Gu kaa a nu tɔ̨nɔ̨, ə́ nwɔ nu huwui da nwɛ̨́i di kaa a nu tɔ̨nɔ̨. Ku kaa pai, gwə li.»

Samia Veerɛi 8:3

Davidə ə pənə ə Sova tɔɔmun, Rehɔvə lon Hadadɛzɛrə hon a kɔ́; ɓɛlɔwai yili ə kɛ bɔ ə nwɔ ɲąąwooɓolaa hee la Eufratə ɲálee kwɛlɛ pələ.

Samuɛlə dɔlɔɔ 27:12

Akisə laikɛ Davidə la, ə kɛi mo gwəi pələ yɛ kɛ diɛ: «Davidə aa gili kulɔ Israɛlə lɔi hu, gaa pai lɛɛi ɲéé mu a yələ kəlee.»

Samuɛlə dɔlɔɔ 14:47

Dɔɔlaa hɔlɔɓoi Saulə ə mo Israɛlə lɔi hu, ə kɔ́ pɛlɛ ɲowoɠaai kɛ gwɛ diɛ, diɛ ɓaa: Moabə lɔi, Amɔn lɔi, Edɔmə lɔi, Sova tɔɔɓɛlaa, Filisti nuą. Gɔ tɛitɛi kəlee hu, ə kɛi nɛɛ Saulə ɓa.

Samuɛlə dɔlɔɔ 13:4

Israɛlə nuą kəlee di mɛ̨nįi tii bələ mɛ̨n, diɛ kɛ, Saulə aa Filisti nuą ɲąąwooɓomun baa. Nɔi lonnii di di ɲąąkpɔn ə lɛɛ, Israɛlə ə yowo laa hvilɛn da Filisti nuą di lɔwai. Nu kpulu kəlee ə ɲąąkpɔn, di hvilɛn Saulə pulu Gilgalə daai.

Lɛɛ gbɔwɔ ɓa 5:21

Pai di mo, diɛ Moisə da Aarɔn diɛ: «Mɛ̨nįi ŋɛ̨i laai kuɔ, ka hɔn ni, kɛlaa kwaa ku wɛi lɛɛ Yai-Laa ɓa. Ka mąą mɛ̨nį ɓa, tɔɔmun da ɲee pɔ nuą di hvo kpɛli bɔ di hvo ku kaa; kaa ku paa ɓɔwa lɔ di yee ɲą.»

Kɔlɔnikɔ Maa-ŋuŋ 19:5

Di mɛ̨nįi tii hukulɔ Davidə ɓa, ə nuą tɔɔ diɛ li nwɔ wɛlɛɛɓo nuą laakwiɛn ɉii, mąąhɔlɔɓo, yiliɠaai di nwumɛ̨ kpɔ kɛnɛ̨. Tɔɔmun ə mo yɛ diɛ: «Ka lɛɛ Ɉeriko daai, ka kpɛlɛɠaa di tɛ, yili pulu kaa kɛa pa.»