Kɔlɔnikɔ Maa-ŋuŋ 19:13 - Yálá laawoo hɛɓɛ (dc)

¹³ 'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Yálá laawoo hɛɓɛ

¹³ 'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Bible

¹³ Ka kɛ́ a kátɔɔ̂i kpanaŋɔɔ, ká kálii kpele a gɛ́ɛ ká kɔ́ kúnûai da Ɣâla ŋɔtaa-lêe-ŋai mɛni ma. Yâwɛɛ a pâi m̀ɛnii kɛ̂i nyíi ǹɛ̂lɛɛi a ǹîai.”

Kɔlɔnikɔ Maa-ŋuŋ 19:13 Referans Kwoze

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Nehemi 4:14

Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Samia Veerɛi 10:12

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Zasua 10:25

Ɉosue yɛ diɛ: «Ka hvo ɲɔw, ka mąą hvo kpɛlin, ka tɔɔ a hinąą tɔɔ pələ; ka yowoɠaai kpɔ ka diɛni ka káá pai gɔi, bələ ɓə Yai-La kaa pai di hon ɉii la.»

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Samuɛlə dɔlɔɔ 4:9

Kɛlaa, di ɓɛlaa taɠaa di kɛi kɛ diɛ: «Ka gu gu liikpələ, gu gɛ a hulɔnulaa, gu kɔ́ pɛlɛ diɛ, a wala kɛ tii, gu kaa pai kɛi a Hebreuɠaa di wɔ luwɔɠaa yɛ bələi diɛi tii di kɛ la a guɔ luwɔɠaa. Ka tɔɔ a hinąą tɔɔ pələ, ka gu gɔ́ yili ɲą.»

Ɛsdrasə 10:4

Ə́ muhəɠə, mąąhɔlɔɓo, ə́ mąą mɛ̨nį li, ku kaa ə́ pulu. Ə́ liikpələ gu goló kpala tɔɔ.»

Samuɛlə dɔlɔɔ 17:32

Davidə yɛ Saulə ɓa: «Filisti ŋɛ̨i mąą mɛ̨nį hvo nu ta hvįikpɛɛ, ə wɔ luwɔi kaa lii, da yaa di gɔ́.»

Nwun mąąɓo 10:15

Israɛlə lonnii diɛ Yai-Laa ɓa: «Ku wɔ Yálá, kwaa nɛ̨ŋɛ̨n ɉəɠə yɛ́, pələi kpɔ a nɛ̨ɛ̨ la yɛ́, ku hon di, kɛlaa, ku nwun mąąɓo háákələi.»

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zôo 1:22

Mɛ̨nįɠaai ti kəlee hu, Ɉobə hvo nɛ̨ŋɛ̨n ɉəɠə, hvo woo ɲɔ̨n mo Yálá laa mɛ̨i.

Samia Veerɛi 15:26

Kɛlaa, a kɛ Yai-Laa hvó bɔ́, ə́ ɉón yɛ bələi a laa la a nii.»

Samuɛlə dɔlɔɔ 3:18

Samuɛlə ə mɛ̨nįɠaai tii kəlee hukulɔ mą, hvə da loo ma. Eli yɛ mą: «Ya ɓə a Yai-Laa, yii a nɛ̨ɛ̨ mą, ə gɛ.»

Kɔlɔnikɔ Maa-ŋuŋ 19:12

Yɛ nəɠə ɓa: «Aramə nuą yee a kɛ ə tɛɛ mą́ą́, yá pa ə́ kpɔmąą tɛɛ bɔ́. Amɔn nuą yee a kɛ ə tɛɛ yɛ́, ŋą́ pa ŋą́ kpɔmąą tɛɛ ə́ pɔ.

Kɔlɔnikɔ Maa-ŋuŋ 19:14

Yili pulu, Ɉoabə da nwɔ kɔlaɠai diɛ kɛa li woloi Aramə nuą diɛ, yiliɠaa di pu di tɔwɔ.