Kɔlɔnikɔ Maa-ŋuŋ 17:8 - Yálá laawoo hɛɓɛ (dc)

⁸ Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨i yɛ yɛnɛ̨ɛ̨ nu kpɛa-kpɛaa di wɛi.

Yálá laawoo hɛɓɛ

⁸ Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨i yɛ yɛnɛ̨ɛ̨ nu kpɛa-kpɛaa di wɛi.

Bible

⁸ Ǹyaŋ ƃɛ́i kélee í lì naai ŋá kɛ̀ naa ŋ́gɛ ímɛi kâa. Ŋa íkpɔara-ƃelai kpɛ̀ íŋɛi túɛ. Ŋa pâi gɛ̂i ímaa tuŋ é táa-taa ŋ̀éniɛi gwaa kélee ma a gɛ́ɛ íkaa a núu láa túɛ-nuu kɛ́tɛ.

Kɔlɔnikɔ Maa-ŋuŋ 17:8 Referans Kwoze

Kɔlɔnikɔ Maa-ŋuŋ 17:2

Natan yɛ Davidə ɓa: «Mɛ̨nii lɔpee gɛ kili kaa ə́ ŋą, yá pɛli ə́ gɛ. Mąąhɔlɔɓo, Yálá kaa ə́ pɔ.»

Samuɛlə dɔlɔɔ 18:14

Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Mąątɛ̨nɛ̨ 75:7

Nu kpɔwɔ hɔlɔɓo mɛ̨nį, hva həɠə hvóló ɓɛlai bələ, hva həɠə hvoló tooi bələ, hva həɠə lɔi pun ɉu pələ.

Mąątɛ̨nɛ̨ 71:21

Ə́ kaa nwɔ̨nɔ̨ pai nwɔ́ mąąɲįnɛ̨n ta pɛlɛi mą, yɛ́ nwɔ̨nɔ̨ pənə yɛ́ níilaa.

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Samuɛlə dɔlɔɔ 18:28

Saulə ə gbaɠala kaa, gili ə pu ɉu yɛ Yai-Laa kaa Davidə pulu, ə lɛɛ, nwɛli ə kɛ Mikalə ɓa, yai kɛ a Saulə non nɛ̨ɛ̨nu.

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Lukə 1:52

Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Mąątɛ̨nɛ̨ 18:1

Nwələ ɲɛ̨itɔwɔmun, Yai-Laa nwɔ tí mun Davidə nwɔ wələ woo; Yai-Laa ɓə gaa hvaai bɔ nwələi ŋɛ̨i hu, a ɲələi ŋɛ̨i Yai-Laa ə gulɔ laa ɲowoɠaa yəi, gəlee ə mą kɛ, Saulə.

Ɛsdrasə 4:20

Diɛ tɔɔɓɛlaa huwalawalaa di wɔlɔ di muhəɠə Ɉerusalɛmə daai, di hee Eufratə ya lee voló tooi pələ lɔiɠaai tii kəlee mɛ̨i, diɛ kulɔ-kulɔ hɛnŋąą kulɔ diɛ, da nįįhɔnwɔ.

Kɔlɔnikɔ Maa-ŋuŋ 17:17

Kɛlaa, nwɔ́ Yálá, yili tikpəi Ə́ ɲɛ̨i mu. Hvó gaai, yáá wɔlɔ Ə́ woo kwɛlɛ, Ə́ wɔ tímun wɔ pɛlɛ́i ɓa a ɉukwɛa. Yai-Laa nwɔ́ Yálá! Yáá ɉón bələ kɛ yɛ ŋą́ kɛ a nui mąą mɛ̨nį nwąnąą nu kəlee ɓa.

Samia Veerɛi 22:1

Ɓɛlɔwai Yai-Laa ə Davidə kulɔ la ɲowoɠaa yəi, ə mą kɛ Saulə yəi; nąąlɔwai ɓə ə nwələi ŋɛ̨i too la Yai-Laa ɓa.

Samia Veerɛi 8:8

Davidə ə ɓala kwɛli həɠə kpɔ kɛnɛ̨ Bɛta daai da Berotai daai, daaɠaai tii di kɛ a Hadadɛzɛrə nwɔɔ.

Samia Veerɛi 8:6

Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Samia Veerɛi 7:9

Ŋą́ kɛ a ə́ tɔɔ bulu, ɓɛi lɔpee ə́ kɛi li laa, ŋą́ ə́ yowoɠaa kəlee hutaɠa ə́ ɲɛ̨i tɔwɔ, gáá pai ə́ laa kɛnɛ̨ yɛ yɛnɛ̨ɛ̨ nu kpɛa-kpɛaa di wɛi.

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Kɔlɔnikɔ Maa-ŋuŋ 17:7

Yiihu ŋɛ̨i, mɛ̨nįi ə́ kaa lii moi nwɔ́ tímun Davidə ɓa, ya ka; yá kɛ mą: Yai-Laa Mɛ̨nį Kəlee ŋą Hééɓomun woo ka, yɛ diɛ: Ɲą́ą́ ɓə ə́ həɠə taatɛlɛɛɠaa pulu lɔwɛi, ŋą́ ə́ hee nwɔ́ nu huwui Israɛlə nwun na.

Kɔlɔnikɔ Maa-ŋuŋ 17:9

Gáá pai lɔi tɛɛi nwɔ́ nu huwu Israɛlə pɔ, gɛ́ di hamu hvilɛn, diɛ hee kpɔ tin-tin, di mąą hvo kɛa pai kpɛlin ɉii, ɛlɛɛ, nwąnąlɔ nuą di hva kɛa pənə di hvo hee di mɛ̨i yɛ bələi di kɛi gɛ la tɔlɔɔ tɔlɔɔ yələ.

Kɔlɔnikɔ Maa-ŋuŋ 14:17

Davidə laa ə tɛ nɔi kəlee hu, Yai-Laa ə Davidə yee kɔ̨nwɔ̨n ɉu ɓɛlɛ lɔi kəlee diɛ ɲɔw mą.