Kɔlɔnikɔ Maa-ŋuŋ 17:24 - Yálá laawoo hɛɓɛ (dc)

²⁴ Nwoo tii Ə́ mo, ə nɛ̨ɛ̨ kani mą, Ə́ laa mąą yɛ wiɛ a yələ kəlee mɛ̨nį, ɛlɛɛ, diɛ kɛ mą: ‹Yai-Laa Mɛ̨nį Kəlee ŋą Hééɓomun Israɛlə nwɔ Yálá, ya ɓə gaa a Yálá Israɛlə mɛ̨i›, ɛlɛɛ, Ə́i ɲɛ̨i lɛlɛɛ hee Ə́ wɔ tímun Davidə nwɔ pɛlɛ́i ɓa.

Yálá laawoo hɛɓɛ

²⁴ Nwoo tii Ə́ mo, ə nɛ̨ɛ̨ kani mą, Ə́ laa mąą yɛ wiɛ a yələ kəlee mɛ̨nį, ɛlɛɛ, diɛ kɛ mą: ‹Yai-Laa Mɛ̨nį Kəlee ŋą Hééɓomun Israɛlə nwɔ Yálá, ya ɓə gaa a Yálá Israɛlə mɛ̨i›, ɛlɛɛ, Ə́i ɲɛ̨i lɛlɛɛ hee Ə́ wɔ tímun Davidə nwɔ pɛlɛ́i ɓa.

Bible

²⁴ À kɛ̀ tí gɛ̀ ní í maa tuŋ a pâi táa-tâai ǹûai díkɛ mò dîyɛɛi, ‘Ŋ̀wála-wâla kélee Yâwɛɛ ƃé gáa a Eezuɛ-ŋai Díɣâlai.’ Gɛ̀ ní ya pâi ŋákâloŋ-laai kɛ̂i nɔ́ dɔɔ̂i wɔ́lɔ-wɔlɔ.

Kɔlɔnikɔ Maa-ŋuŋ 17:24 Referans Kwoze

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Filipə 2:11

ɛlɛɛ, hįi kəlee diɛ mo, diɛ kɛ: Jesus Kristə ɓə a Ną́mu, Ną́n Yálá ŋą mąąwiɛlaa hu.

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Ɉaan 12:28

Ną́n, ə́ laa mąąwiɛ!» Nąąlɔwai woo ta ə kulɔ yələi, yɛ diɛ: «Ŋą́ą́ náá mąąwiɛ, gáá nwɔ̨nɔ̨ pai mąąwiɛi.»

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Maafîu 6:9

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə.

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Mąątɛ̨nɛ̨ 90:17

Nwɔ́ mɛ̨nį Nąmu ku wɔ Yálá, ku hon a liinɛ̨ɛ̨ gwəilaa! Ku kɛ kolóɠaa dɔlɔ kɛ mą ku yəi! Nɛ̨ɛ̨ yɛ́ ną́n! Ku kɛ kolóɠaa dɔlɔ kɛ mą, yɛ pɛli lamui ku yəi.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 21:13

Mąąhɔlɔɓo, yá di too di kpowoɲɛ̨i ɓa pələ, yɛ́ di hɛŋi di ɲɛ̨ilain a ə́ wɔ kilɛn.

Kɔlɔnikɔ Veerɛi 6:33

Yɛ́n, lɛɛ yələ kɔ́lɔn ɉu, ɓɛi Ə́ kaa laa, Ə́i wəli tɔɔ nwoo ɓa, mɛ̨nįi gaa ɉuhvɛlii Yɛ́, gɛ mą. Əgɛ, yɛnɛ̨ɛ̨ lɔiɠaa kəlee, di Ə́ laa kɔ́lɔn, diɛ ɲɔ̨w Yɛ́, yɛ bələi Ə́ wɔɔ nu huwu Israɛlə a ɲɔ̨w la Yɛ́, ɛlɛɛ, di kili ə pu diɛ kɛ, bɛlɛ́i ŋɛ̨i ŋį́ dɔɔ, mu ɓə da Ə́ təli laa a Ə́ laa.

Kɔlɔnikɔ Maa-ŋuŋ 17:23

Akɛ kani tii, Yai-Laa, nwoo ŋɛ̨i Ə́ mo Ə́ wɔɔ tímun naa mɛ̨i da nwɔ pɛlɛ́i, naa ə hon a yələ kəlee mɛ̨nį. 'Gɛ, yɛ bələi Ə́ mo la.

Kɔlɔnikɔ Maa-ŋuŋ 17:25

A tɛ̨ą leelee, Yɛ́ kpįnįi kpɔɔ kpɔ ɓə kɛ Ə́ wɔ tímun ma, gáá ə́ wɔɔ pɛlɛ́i tɔɔi. Mɛ̨nįi gɛ, Ə́ nwɔ tímun yɛ nwooɠaa ŋɛ̨i laa həli la Yɛ́, yaa li.

Ɉeremi 38:17

Ɉeremi yɛ tɔɔmun Sedesiasə ɓa: «Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálái woo ka: ‹Ya hvaa mą ə́ li ə́ ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨i tɔwɔ nuą pɔ, yá lɛɛ yɛnɛ̨ɛ̨, ɛlɛɛ, di hva daa ŋɛ̨i kələn; yá lɛɛ yɛnɛ̨ɛ̨ ka ə́ yə́i bɛlɛ́n nuą.