Kɔlɔnikɔ Maa-ŋuŋ 17:21 - Yálá laawoo hɛɓɛ (dc)

²¹ Akɛtii, hį́i ta kaa mɔ̨ɔ̨ yɛnɛ̨ɛ̨, gɛ pələ ə ɓo yɛ Israɛlə Ə́ wɔ nu huwui; A nu huwui ŋɛ̨i Yálá ə́ di kwɛli kulɔ ɓo, ə di kɛ a gwɛlin? Ə́ di nwun mąąɓo Eziptə yəi, Ə́ hį́i kəlee kpɛ di tɔwɔ, əgɛ, Ə́i wɔɔ kɛnɛ̨laa, da ə́ wɔɔ yee walawala laa lɛ.

Yálá laawoo hɛɓɛ

²¹ Akɛtii, hį́i ta kaa mɔ̨ɔ̨ yɛnɛ̨ɛ̨, gɛ pələ ə ɓo yɛ Israɛlə Ə́ wɔ nu huwui; A nu huwui ŋɛ̨i Yálá ə́ di kwɛli kulɔ ɓo, ə di kɛ a gwɛlin? Ə́ di nwun mąąɓo Eziptə yəi, Ə́ hį́i kəlee kpɛ di tɔwɔ, əgɛ, Ə́i wɔɔ kɛnɛ̨laa, da ə́ wɔɔ yee walawala laa lɛ.

Bible

²¹ Lɔii-ŋuŋ da kélee fé naa é kɛ́ yɛ̂ɛ Eezuɛ, nyíi í ŋ̀uŋ ma ƃò í gula luɛ-laa su Ize í naa-ƃela kɛ́ a ínûai. M̀ɛni lɛ́lɛɛ ma-pɔlɔ-pɔlɔɔi í wɔ́lɔ gɛ̀ dîɛi è gɛ̀ a gɛ́ɛ ílaai duŋ é táa-taa ŋ̀éniɛi gwaa kélee ma. Í ínûai ŋuŋ-ma ƃò í díkula ǹuɛ-laai su Ize díkɛɛ pâi, í ǹɔii ŋûŋ-ŋai kélee kpɛ́ dítuɛ.

Kɔlɔnikɔ Maa-ŋuŋ 17:21 Referans Kwoze

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Azaya 64:3

Mɛ̨nįi tii kɛ, di hvo ta bələ mąn ni, bələ hvo ta too li wəli ta hu, ɲɛ̨i kɔ́w hvo ta gaa li; ə kulɔ Ə́ pulu, yálá ta a ta aa mɛ̨nį taaleei tii kɛ, nui a gilitɔɔ mąą, yɛ mąą mɛ̨nį ɲɛ̨i kulɔ.

Azaya 63:12

A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Azaya 48:9

Kɛlaa náá mąą mɛ̨nį ɓa, gáá nwɔ́ liiholii yalii bulu, gáá ɉu hon ɉii, mą́ą́wiɛ mɛ̨nį ɓa, ə́ mąą mɛ̨nį hvəi; və́ pa nee ə́ mąą mɛ̨nį kulɔ níí hu,

Mąątɛ̨nɛ̨ 147:20

Hvo ta lɔi ta lɔpee hon ni tii, dai lɔpee hvo ta nwɔ tíɓoɠaai kɔ́lɔn ni. 'Kánikookwəi!

Mąątɛ̨nɛ̨ 111:9

Ə nwɔ nu huwui hvoloon na ɓo, ə nwɔ mįnɛ̨i laa di nwuɔ̨ a yələ kəlee mɛ̨nį; naa mąąhəɠɛɛi, mąą ɲɔwuɔ.

Mąątɛ̨nɛ̨ 107:2

Nuąi Yai-Laa ə di nwun mąąkɔ̨nwɔ̨, 'di pənə nwɔ̨nɔ̨ di ɉukulɔ; a diɛi tii ə di nwun mąąkɔ̨nwɔ̨ di mɔ̨nɔ̨ɓo nuą yəi,

Mąątɛ̨nɛ̨ 77:15

Yɛ́ ɓə a kpalo mɛ̨nįɠaa kɛ Yálá, Ə́ ə́ wɔ huwala walalaai lɛ nuą diɛ.

Mąątɛ̨nɛ̨ 65:5

Nui yá dəli, a ə́ liiɓamun, nwun na nɛ̨ɛ̨i, gaa pai kɛi ə́ yəi bɛlɛ́n. Ku wɛi, ku kaa pai pilɛi, ə́ yəi bɛlɛ́n mɛ̨inɛ̨ɛ̨ɠaa hu, Yɛ́ pɛ́lɛ́i mu hɛnŋaa mąąhəɠɛɛɠaai hu.

Nehemi 9:10

Ə́ mɛ̨nį kpɛa kpɛaa da kpalo ɓɛla Eziptə tɔɔmun ma, da nwɔ ɲɛ̨itɔwɔ nuą kəlee. Mąąhɔlɔɓo, gbaɠala ə kɛ yɛ́, yɛ́ di kpɔɔ ŋąą kɛnɛ̨ pələ, di di mɔ̨nɔ̨ ɓo. Ə́ ə́ kpɔɔ laa tɛ, yɛ pələi gaa la, ə mą kɛ háákələi.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Dutɛrɔnome 4:7

Yaan, lɔi lə kɛɛ ɓə laa, gɛnɛ̨, yii nwɔ haliɠaa da pɛli lɛɠɛi diɛ ɓɛlɔwai da di təli la, diɛ lɛɠɛ diɛ yɛ bələi Yai-Laa guɔ Yálái a gɛ la?

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Kɔlɔnikɔ Maa-ŋuŋ 17:20

Yai-Laa! Ə́ ɲɔ̨nwɔ̨mąn və Yɛ́; yɛ bələi ku mɛn na a ku wəli, yálá takpɛli hvó laa, gulaa Ə́ pulu.

Kɔlɔnikɔ Maa-ŋuŋ 17:22

Yɛ́ ɓə Ə́ Israɛlə kɛ a Ə́ wɔɔ nu huwu, a hį́i gaa a Ə́ pɔɔ, a yələ kəlee. Ɛlɛɛ, Yɛ́n, Yai-Laa, Ə́ ɓo a di wɔɔ Yálá.

Ɉeremi 32:21

Ə́i wɔ nu kpului Israɛlə kulɔ Eziptə lɔi hu, a kpalo mɛ̨nįɠaa, da mɛ̨nį kpɛa kpɛa kɛɛ, a ə́ hvaŋą kɛnɛ̨, a ə́ yee kɔ́ŋɔn ɉu walawalaa; yɛ nuą kwəi pili diɛ.