Kɔlɔnikɔ Maa-ŋuŋ 17:2 - Yálá laawoo hɛɓɛ (dc)

² Natan yɛ Davidə ɓa: «Mɛ̨nii lɔpee gɛ kili kaa ə́ ŋą, yá pɛli ə́ gɛ. Mąąhɔlɔɓo, Yálá kaa ə́ pɔ.»

Yálá laawoo hɛɓɛ

² Natan yɛ Davidə ɓa: «Mɛ̨nii lɔpee gɛ kili kaa ə́ ŋą, yá pɛli ə́ gɛ. Mąąhɔlɔɓo, Yálá kaa ə́ pɔ.»

Bible

² Neetɔŋ ǹyɛɛ Deeƃé mai, “M̀ɛnii kélee íkili ŋái, ya pɔ̂ri gɛ̂i, kpɛ́ni fêi, Ɣâla káa ímɛi kâai.”

Kɔlɔnikɔ Maa-ŋuŋ 17:2 Referans Kwoze

Korɛntə dɔlɔɔ 13:9

Mąąhɔlɔɓo, guɔ mɛ̨nį kɔ́lɔnŋąa ɲɛ̨n dɔɔi, guɔ Yálá kwəi mɛ̨nį hukulɔ mɛ̨nį yaan, ɲɛ̨n dɔɔ.

Kɔlɔnikɔ Maa-ŋuŋ 28:2

Ya ɓə, tɔɔmun Davidə ə haŋą ə tɔɔ, yɛ diɛ: «Ną́n nonnii, ka pɛlɛɛ nwɔ́ nuą diɛ! 'Ka ká wəli tɔɔ mą́ą́! Ŋą́ kɛ kpɔ bɔ, ŋą́ pɛlɛ́ tɔɔ, ɓɛi Yai-Laa ŋą mįnɛ̨ kəhii a kɛ laa, da gu wɔ Yálái kɔ́wɔ hvilɛn ɉii. Ŋą́ą́ bɛlɛ́i tii tɔɔ hɛnŋąą ɲąąkpɔn.

Lukə 1:28

Malaka ə lɔ Mari pɔ bɛlɛ́n, yɛ mą: «Gáá ə́ tuwɔ ɓoi, yɛ́i Yálá aa mɛ̨inɛ̨ɛ̨ kɛ yɛ́, Yálá kaa ə́ pɔ.»

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Mąątɛ̨nɛ̨ 20:4

Ə gili lɛɛ ə́ wɔ Yálá kɔ́ hɛnŋaa kəlee hu, yɛ́ haláái yá gəlee kələn, ə níi hon.

Kɔlɔnikɔ Maa-ŋuŋ 22:7

Davidə yɛ non Salomɔn ɓa: «Nón! Yii kpɔ gɛ lii ə kɛ gwə́i, ya ɓaa, ŋį́ pɛlɛ́ tɔɔ, ə kɛ a Yai-Laa nwɔ́ Yálái laa.

Samia Veerɛi 7:3

Natan yɛ tɔɔmun ma: «Mɛ̨nįi lɔpee gɛ kili kaa yɛ́, yá pɛli ə́ gɛ. Mąąhɔlɔɓo, Yai-Laa kaa ə́ pɔ.»

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Samuɛlə dɔlɔɔ 10:7

Ya mɛ̨nįɠaa tii kaa diɛ həli yɛ́, mɛ̨nį lɔpee ya gaa, yɛ́ ə́ yee a pɛli mą, ə́ gɛ. Mąąhɔlɔɓo, Yálá kaa ə́ pɔ.

Zasua 9:14

Israɛlə lonnii di di wɔ kɔnɔ̨nŋaai hon, kɛlaa di hvo Yai-Laa mąąni kɛ.

Tɔɔɓɛlaa dɔlɔɔ 8:17

Nán Davidə ə gili tee gwəi yɛ kɛ ə pɛlɛ́ tɔɔ Yai-Laa laa ɓa; yai a Israɛlə nwɔ Yálá.

Kɔlɔnikɔ Maa-ŋuŋ 17:1

Ɓɛlɔwai Davidə ə kɛ kɛa la ɲəi bɛlɛ́n, ya ɓə a kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yai-Laa nwɔ mįnɛ̨ kəhii ə ɓo kələ mu, mɛ̨i kɛɛ a həɠə. Ə́ wɔɔ kiliŋąhiɛ kaa ləi?»

Kɔlɔnikɔ Maa-ŋuŋ 17:3

Kɛlaa, mąą yələ kpiníi, Yálá ə mɛ̨nį ɓo Natan ɓa, yɛ mą: