Kɔlɔnikɔ Maa-ŋuŋ 16:31 - Yálá laawoo hɛɓɛ (dc)

³¹ Yələkɔlɔn! 'Ə́ kwəinɛ̨ɛ̨; Lɔi! 'Ɓələn. 'Ka mo hį́i kəlee lɔwai, kaa diɛ: «Yai-Laa ɓə a Heeɓomun!»

Yálá laawoo hɛɓɛ

³¹ Yələkɔlɔn! 'Ə́ kwəinɛ̨ɛ̨; Lɔi! 'Ɓələn. 'Ka mo hį́i kəlee lɔwai, kaa diɛ: «Yai-Laa ɓə a Heeɓomun!»

Bible

³¹ Tɔɔ ŋ̀elei da ǹɔii dí lii-nɛ̃ɛ kùla! Ka m̀ó ǹɔii ŋuŋ-ŋai dîa a gɛ́ɛ Yâwɛɛ káa a kâloŋ.

Kɔlɔnikɔ Maa-ŋuŋ 16:31 Referans Kwoze

Mąątɛ̨nɛ̨ 96:10

'Ka mo lɔi kəlee hu kaa diɛ: «Yai-Laa ɓə a Heeɓomun. Ə lɔi hvilɛn gbɔ gbilin, tumun və mą. Yai-Laa a nu huwuɠaa kiti tee tɛ̨ą pələ mɛ̨i.»

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Mąątɛ̨nɛ̨ 97:1

Yai-Laa kaa a tɔɔmun. Lɔi, 'pili yələi a kwəinɛ̨ɛ̨, Gboloyá hɛ̨ąi kahinŋaa kəlee, 'di kwəinɛ̨ɛ̨ kulɔ!

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Mąątɛ̨nɛ̨ 98:4

Yɛnɛ̨ɛ̨ nąą kəlee! 'Ka tómą Yai-Laa pɔ pələ, 'ka tómą a kwəinɛ̨ɛ̨ 'ka wələ too, ka hvɛ́li hee mu.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 2:10

Kɛlaa, malakai tii ə mo diɛ; yɛ diɛ: «Ka hvo ɲɔ̨w, mąąhɔlɔɓo, ŋą pa wɛlɛɛ woo lɛlɛɛ ɓoi kaa yii pai nu kəlee kwəinɛ̨ɛ̨.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Mąątɛ̨nɛ̨ 145:1

Davidə nwɔ Yálá mąątɛ̨nɛ̨ wələ. Nwɔ́ Yálá, nwɔ́ Tɔɔmun, gáá ə́ laa tɛi, gɛ́ ə́ laa mąąwiɛ, və́ ɲɛ̨n dee li.

Mąątɛ̨nɛ̨ 89:5

Gáá ə́ huwula heei a yələ kəlee mɛ̨nį, ŋą́ dɔɔhvili kɛ a ə́ wɔɔ a kwɛlan gəlee mɛ̨nį.

Mąątɛ̨nɛ̨ 19:1

Nwələ ɲɛ̨itɔwɔ mun. Davidə nwɔ wələ.

Kɔlɔnikɔ Maa-ŋuŋ 16:30

Lɔi kəlee piliɛ gee mɛ̨i, ə́ mąą ə kpɛlin ɲɛ̨itɔwɔ. Ée! Lɔi hvilɛnŋąąi kpɔ tin, tumɔ̨ hvo mą.

Mąątɛ̨nɛ̨ 47:8

Mąąhɔlɔɓo, lɔi kəlee nwɔ Heeɓomun ɓaa a Yálá. 'Ka nɛ a wələ woo.