Kɔlɔnikɔ Maa-ŋuŋ 15:16 - Yálá laawoo hɛɓɛ (dc)

¹⁶ Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Yálá laawoo hɛɓɛ

¹⁶ Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Bible

¹⁶ Deeƃé è mò Liiva ŋɔsuui su-ƃelai láa túɛ-ƃelai dîa a gɛ́ɛ dí dínûai da ni sìɣe zu a gɛ́ɛ díkɛ a wule too-ƃela da ɣale-sãa ɣale-ƃela díkɛ lii-nɛ̃ɛ wule-ŋa tòo díkɛ ɣale-sãa kɛ́ɛ yɛ̂ɛ kɔníŋ, gbuŋ-gbuŋ da nyɛ̃-nyɛ́ŋ ɣàle.

Kɔlɔnikɔ Maa-ŋuŋ 15:16 Referans Kwoze

Kɔlɔnikɔ Maa-ŋuŋ 13:8

Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Nehemi 12:36

da gaayɔwɔɠaa Semaya, Azarɛlə, Milalai, Gilalai, Maai, Netanɛlə, Yehuda, Hanani, Yálá nwɔ nu Davidə nwɔ hvɛli kɛ hɛnŋąąi di ɓo di yəi, ɉaláá la həli mun Ɛsdrasə ɓə kɛ di ɲɛ̨itɔwɔ.

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Kɔlɔnikɔ Maa-ŋuŋ 23:5

Di nu waa nąąn ɉəɠə, di di kɛ a bɛlɛ́ laaləi mɛ̨ikaa nuą, di nu waa nąąn ɉəɠə ɉu, diɛ Yai-Laa mąątɛ̨nɛ̨ a hvɛli kɛ hɛnŋąą, diɛi ɲą́ą́ Davidə, ŋį́ pɛli a mąątɛ̨nɛ̨ kɛ hɛn.

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Taitɔ 1:5

Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Gɛlaɠaa 14:23

Galan gbɔn tɛitɛi hu, di di yee lɛ nu taɠaa diɛ, a kalanɉonŋaa; di kɛli Yálá hvɛli, diɛ hin nɔ, di di kalihva ɓo gu Ną́mu ɓa, a Ɲálái ti di di yee hee mąą mɛ̨nį mui.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 100:1

Yálá hɛɠɛɛɓo wələ. Yɛnɛ̨ɛ̨ nąą kəlee, 'ka ka yee lɔwa Yai-Laa ɓa.

Mąątɛ̨nɛ̨ 95:1

'Ka pa, 'ka gu tómą a kwəinɛ̨ɛ̨ Yai-Laa pɔ pələ. 'Ka gu gu yee lɔwa gu ɓalo kwɛni ɓa.

Mąątɛ̨nɛ̨ 87:7

Kɛlaa, da kɛ wələ tooi diɛ mąną, diɛ kɛ diɛ: «Ku kəlee ku nwun dɔɔi ɓaa a yɛ́!»

Mąątɛ̨nɛ̨ 81:1

Nwələ ɲɛ̨itɔwɔ mun, hvaa mąą wələ. Asafə nwɔ wələ woo.

Nehemi 12:46

Mąąhɔlɔɓo, tɔlɔɔi tii kɛ, Davidə da Asafə di wɔ lɔwai hu, wələ too nuą nwun nąmįną di kɛ mą, Yálá mąątɛ̨nɛ̨ wələ yɛ ɓo laa, da ɉɛɠɛɛ ɓo wələɠaa.

Nehemi 12:43

Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Kɔlɔnikɔ Maa-ŋuŋ 15:12

Ə mo diɛ yɛ diɛ: Kaai ɓaa Levi huwuhu nuą nwun nąmįną, 'ka ka mąąhəɠə, ka ká yəi bɛlɛ́n nuą kəlee, yili pulu, ka li ka Yai-Laa Israɛlə nwɔ Yálái nwɔ mįnɛ̨ kəhi həɠə, ka paa la ɓɛi ŋį́ nąą pɛli a nwɔɔi.

Lɛɛ gbɔwɔ ɓa 15:20

Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

Kɔlɔnikɔ Veerɛi 5:12

Levi huwu hu nuąi kɛ a nwələ too nuą, diɛ ɓo Asafə, Heman da Yedutun da di kaayɔwɔɠaa di yee mu, həɠə kwɛlɛɛ yɛ ɓo di kwaną, kpɛŋɛ̨nɛ̨n-gwɛli yɛ ɓo di yəi, da gololon-gwɛnįn, ɛlɛɛ, bɛlɛgwəi gwɛnįn; di tɔɔ Yálá kɔ́i mamįiyee hu. Di kwɛlɛ, haláá laa həli nuą nu nwundɔ̨nɔ̨ ɲee hveelɛ ə ɓo laa, diɛ túlú hvɛɛ.

Kɔlɔnikɔ Veerɛi 7:6

Ɉaláá laa həli nuą di kɛ tɔɔni di tɔɔi. Yai-Laa ŋą hvɛliɠaai di kɛ léviɠaa yəi, a vɛliɠaai tii Davidə ə di pɛlii Yai-Laa mąąwiɛ mɛ̨nį ɓai. Mąąhɔlɔɓo nwɔ wɛlikɛmąąlaa ɲɛ̨n və mą. Ɓɛlɔwai kɛ Davidə a kɛli mo la léviteɠaa diɛ diɛ Yálá mąątɛ̨nɛ̨i, ɉaláá laa həli nuą di kɛ tɔɔnįn di kwɛlɛ diɛ dulú hvɛɛ, ɛlɛɛ Israɛlə nuą kəlee di kɛ tɔɔnin.

Nehemi 12:27

Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Mąątɛ̨nɛ̨ 150:5

'Ka mąątɛ̨nɛ̨ a lalo woo tɔɔ, 'ka mąątɛ̨nɛ̨ a kpɛŋɛ̨ɲɛ̨n gwɛli!

Amɔsə 6:5

Kaa gwɛnįn nwələ too yɛ wəli wolo nuą. Yɛ pələi Davidə ə gɛ la, kaa kpɛli, kaa hvɛli kɛ hɛn nįnɛ̨ɠaa pɛli a ka wɔɔ.

Kɔlɔnikɔ Maa-ŋuŋ 6:16

Nuą tii ɓə Davidə ə nwələ too mɛ̨nį tunwɔ̨n diɛ, Yai-Laa nwɔ pɛlɛ́i mu, ɓɛlɔwai lɔ mįnɛ̨ kəhi kaa pai heei la.

Kɔlɔnikɔ Maa-ŋuŋ 16:5

Di nwun nąmu Asafə da ɉee gwɛlɛmun Ɉekaria, yili pulu, Aziɛlə, Semiramotə, Yeriɛlə, Matitia, Eliavə, Benayahu da Ovɛdə-Edomə; Yériɛlə ɓə gwɛnįnŋąą da bɛlɛgwəi gwɛnįnŋąą ə kɛ ɲəi, Asafə ɓə kɛi náloɠaa yɔw.

Kɔlɔnikɔ Veerɛi 20:19

Lévi lonnii kɛ a Kehatə yəi bɛlɛ́n nu kpulu, da Kore yəi bɛlɛ́n nu kpulu, di haŋą di tɔɔ, diɛ Yai-Laa Israɛlə nwɔ Yálá mąąwiɛ kpɔ a di woo kɛnɛ̨ɛ̨.

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.