Kɔlɔnikɔ Maa-ŋuŋ 15:13 - Yálá laawoo hɛɓɛ (dc)

¹³ Gɔwɔ tɔɔi lɔwai ka hvo kɛ ɓɛ, yili ɓə gɛ Yai-Laa gu wɔ Yálái ə haa too ku lɔwai. Mąąhɔlɔɓo ku hvo kɛ hvilɛn ni nwoo pulu.

Yálá laawoo hɛɓɛ

¹³ Gɔwɔ tɔɔi lɔwai ka hvo kɛ ɓɛ, yili ɓə gɛ Yai-Laa gu wɔ Yálái ə haa too ku lɔwai. Mąąhɔlɔɓo ku hvo kɛ hvilɛn ni nwoo pulu.

Bible

¹³ Káfe kɛ́ ní naa a m̀aa-ŋuŋ ká ziɣe ǹya ƃé gɛ̀ Kúɣâlai Yâwɛɛ kɛ́ ǹíi ŋwàna kûa. Kúfe m̀arê kɛ́ ní a gɛ́ɛ é berei lɛ́ kûa kwa pɔ̂ri vɛlîi lai.”

Kɔlɔnikɔ Maa-ŋuŋ 15:13 Referans Kwoze

Samia Veerɛi 6:3

Di Yálá nwɔ mįnɛ̨ kəhii hee wotolo nįnɛ̨ hu, di həɠə la Avinadavə yəi bɛlɛ́n yaai kɛ ɲee tona, diɛ li la. Avinadavə lonnii: Uza da Ahio, diɛ ɓə kɛi nwotoloi tii hiɛ.

Korɛntə dɔlɔɔ 14:40

'ká mɛ̨nį kəlee kɛ a gɛ pələ, puɉu túwɔ́ hvo kɛ ɉu.

Korɛntə dɔlɔɔ 11:2

Ŋą́ ká mąątɛ̨nɛ̨i, gɛ mɛ̨nį ną́ą́kili a too ká ɲą mɛ̨nį kəlee hu, ɛlɛɛ, ká yee kanąn mɛ̨nį gu yíi pələ ɓa, yɛ bələi ŋį́ nɛ la káá.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Kɔlɔnikɔ Maa-ŋuŋ 15:2

Davidə ə mo kɛa yɛ diɛ: Levi huwuhu nuą lɔ ɓə Yálá nwɔ mįnɛ̨ kəhii həɠə mɛ̨nį mąą laa tɛɛ di pɔ, mąąhɔlɔɓo, diɛ ɓə Yálá ə di həɠə ɉu, diɛ gbəŋə, əlɛɛ diɛ naa hɔn mo.

Dutɛrɔnome 31:9

Levi lonnii ŋɛ̨i kɛ a ɉaláá kulɔ nuą, diɛi kɛi mįnɛ̨ kon ɉəɠə, yii gwɛni ɓɛla hveelɛi ə kɛ laani ɉu, Moisə ə dɔ́n nwooɠaa tii pɛ̨ɛ̨ ə dɛɛ di pɔ, da Israɛlə kalanɉonŋąą kəlee.

Lonon mo 7:9

Hvo da tɛɛ Kehatə lonnii pɔ, mąąhɔlɔɓo, di wɔ kólói ɓaa kɛ diɛ ɉaláá kulɔ hɛnŋąą həɠə di kalan ŋą.

Lonon mo 4:15

Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Kɔlɔnikɔ Maa-ŋuŋ 13:3

Akɛtii, gu pənə gu pa, a gu wɔɔ Yálái nwɔ mįnɛ̨ kəhii. Hvó gaai, Saulə nwɔ tɔɔlaa yələi, gu hvo kɛ gu kili lɛɛ li ɉu.»