Kɔlɔnikɔ Maa-ŋuŋ 15:1 - Yálá laawoo hɛɓɛ (dc)

¹ Davidə ə pɛlɛ́ɠaa tɔɔ Davidə taa, ə kɛɛnąą ta pɛli, ə həɠə pɛlɛ́ tɔɔ laa, ə Yálá nwɔ mįnɛ̨ kəhii lɔ mu.

Yálá laawoo hɛɓɛ

¹ Davidə ə pɛlɛ́ɠaa tɔɔ Davidə taa, ə kɛɛnąą ta pɛli, ə həɠə pɛlɛ́ tɔɔ laa, ə Yálá nwɔ mįnɛ̨ kəhii lɔ mu.

Bible

¹ Deeƃé kɛ́ɛ a kpɛɛ a gbîŋ pɛrɛi-ŋai tɔɔ Zerusâlɛŋ, è kwaa ma kpɛ̀tɛ Ɣâla Ŋɔkpanaŋ-woo kɛ́ɛ maa Gãlai mɛni ma.

Kɔlɔnikɔ Maa-ŋuŋ 15:1 Referans Kwoze

Kɔlɔnikɔ Maa-ŋuŋ 16:1

Di pa a Yálá nwɔ mįnɛ̨ kəhii, ɉəɠə pɛlɛ́i ŋɛ̨i Davidə ə dɔɔ mįnɛ̨ kəhii tii laa ɓa, di ɉee mu. Yili pulu, di nɛ̨ɛ̨mą, di haláá hɛn da gəlee kələn da nɛ̨ɛ̨yɔwɔ laa haláá, di gulɔ laa Yálá ɓa.

Mąątɛ̨nɛ̨ 132:5

Hvo kɛ li, ŋą́ gbɛa kɛɛnąą ta hɔlɔɓo a Yai-Laa nwɔɔ, a Ɉakɔbə nwɔ kilɛn nąŋąlon hee pɛlɛ́!»

Kɔlɔnikɔ Maa-ŋuŋ 15:3

Davidə ə Israɛlə nuę kəlee ɲąąkpɔn Ɉerusalɛmə daai, ə gɛ di Yai-Laa nwɔ mįnɛ̨ kəhi həɠə di paa la ɓɛi di bɛli mąą mɛ̨nį ɓa.

Gɛlaɠaa 7:46

Yili yaan, Yálá ə ɲɛ̨i lɛlɛɛ hee mą, ə ɉu hvɛli, yɛ kɛ ə pɛlɛ́ tɔɔ a Ɉakɔbə nwɔ Yálái nwɔɔ.

Samia Veerɛi 14:24

Tɔɔmun yɛ diɛ: «Ə li bɔɔli, nə́ kɛ li ŋą́ ɲɛ̨i tɔɔ mą.» Absalɔn ə li bɔɔli, hvo kulɔ tɔɔmun ɲɛ̨i ɓa.

Samia Veerɛi 5:9

Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.

Samia Veerɛi 6:17

Yii kɛa di pa a Yai-Laa nwɔ mįnɛ̨ kəhii, di ɉee ɓɛi mąąnɛ̨ɛ̨ di ɉee laa, ɉəɠə pɛlɛ́ mu, yai Davidə ə dɔɔ mąą mɛ̨nį ɓa a həɠə ɓɛla. Davidə ə nɛ̨ɛ̨ mą, ə haláá hɛn da gəlee kələn, da nɛ̨ɛ̨yɔwɔ laa haláá kulɔ Yai-Laa ɓa.

Kɔlɔnikɔ Maa-ŋuŋ 6:31

Amsi, Bani, Sɛmɛrə,

Kɔlɔnikɔ Maa-ŋuŋ 15:12

Ə mo diɛ yɛ diɛ: Kaai ɓaa Levi huwuhu nuą nwun nąmįną, 'ka ka mąąhəɠə, ka ká yəi bɛlɛ́n nuą kəlee, yili pulu, ka li ka Yai-Laa Israɛlə nwɔ Yálái nwɔ mįnɛ̨ kəhi həɠə, ka paa la ɓɛi ŋį́ nąą pɛli a nwɔɔi.

Samia Veerɛi 6:12

Nuą di pa, di mo tɔɔmun Davidə ɓa, diɛ mą: Yai-Laa aa lúwɔ́ too Ovɛdə-Edomə nwɔ pɛlɛ́i ɓa, da ɲəi bɛlɛ́n ɉɛnŋaa kəlee, Yálá nwɔ kəhii mąą mɛ̨nį ɓa. Davidə ə muhəɠə ə li Yálá nwɔ kəhii həɠə mɛ̨nį ɓa Ovɛdə-Edomə yəi bɛlɛ́n, yɛ paa la Davidə taa a kwəinɛ̨ɛ̨.

Kɔlɔnikɔ Veerɛi 1:4

Yii ɓaa a Yálá nwɔ mįnɛ̨ kəhii nwɛi, Davidə aa ta kɛ ɉəɠə Kiriatə-Yearimə, ə li ə ɉee, ɓɛi ə nąą pɛli gəhii tii laa ɓa; hvo gaai, ə kələ tɔɔ Ɉerusalɛmə gəhii tii laa ɓa.

Kɔlɔnikɔ Veerɛi 5:2

Nąąlɔwai, Salomɔn ə Israɛlə kalanɉonŋąą ɲąąkpɔn Ɉerusalɛmə, da nɔi nwun nąmįną kəlee, da Israɛlə bɛlɛ nąmįną; əgɛ, di Yai-Laa nwɔ mįnɛ̨ kəhii həɠə Davidə taa, ya ɓaa a Siɔn, di li la Ɉerusalɛmə.