Kɔlɔnikɔ Maa-ŋuŋ 13:10 - Yálá laawoo hɛɓɛ (dc)

¹⁰ Yai-Laa nwɔ liiholi ə ɓɛla Uza mɛ̨i, Yai-Laa ə nɛ̨ɛ̨ mą, ə Uza paa laa ɲąąɓa. Mąąhɔlɔɓo, aa kɛ ɲee hee mįnɛ̨ kəhi ɓa. Nąą lɔ ɓə ə haa laa Yálá lííla.

Yálá laawoo hɛɓɛ

¹⁰ Yai-Laa nwɔ liiholi ə ɓɛla Uza mɛ̨i, Yai-Laa ə nɛ̨ɛ̨ mą, ə Uza paa laa ɲąąɓa. Mąąhɔlɔɓo, aa kɛ ɲee hee mįnɛ̨ kəhi ɓa. Nąą lɔ ɓə ə haa laa Yálá lííla.

Bible

¹⁰ È kɛ̀ nɔ́ tí, Yâwɛɛ é ǹíi ŋwàna ma é baa ŋ̀áa ma, kpɛ́ni fêi, è ǹyée pɛ̀lɛ Gãlai ma. È sàa naa Ɣâla ŋɛ́i-tuɛ.

Kɔlɔnikɔ Maa-ŋuŋ 13:10 Referans Kwoze

Kɔlɔnikɔ Maa-ŋuŋ 15:15

Levi lonnii di Yálá nwɔ mįnɛ̨ kəhii tii kpəŋə di kalanŋą gbɔnŋaa lɔɔ mu, yɛ bələi kɛ Moisə aa di liɛwoo ɓo la, yɛ bələi Yai-Laa ə mo la.

Kɔlɔnikɔ Maa-ŋuŋ 15:13

Gɔwɔ tɔɔi lɔwai ka hvo kɛ ɓɛ, yili ɓə gɛ Yai-Laa gu wɔ Yálái ə haa too ku lɔwai. Mąąhɔlɔɓo ku hvo kɛ hvilɛn ni nwoo pulu.

Lonon mo 4:15

Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Samuɛlə dɔlɔɔ 6:19

Bɛtə-Sɛmɛsə nuą lɔwai, Yekonia lonnii di hvo gɛ di hvo di kwəinɛ̨ɛ̨ ɓɛlɔwai di Yai-Laa nwɔ kəhii kaa la. Yili ɓə gɛ, Yai-Laa ə nu pow mɛ̨ihveelɛ paa di lɔwai. Nuąi lɛɛ a di hvulú, di wɔlɔ, mąąhɔlɔɓo, Yai-Laa aa kɛ mɔ̨nɔ̨ kɛnɛ̨ laa di mɛ̨i.

Zasua 6:6

Nąąlɔwai, Nun lon Ɉosue ə ɉaláá laa həli nuą təli, yɛ diɛ: «Ka taɠaa di Yai-Laa nwɔ mįnɛ̨ kəhi həɠə, nu mɛ̨ihveelɛ di tɛɛ dɔwɔ, ɓɛlaa mįnɛ̨ tulu ə ɓo di yəi.»

Lonon mo 16:35

Nwɔ̨n ə kulɔ Yai-Laa pɔ, nu nwun veelɛi ɲee lɔɔli tii kɛi lansan laa həli Yai-Laa ɓa, ə gəlee kələn.

Kɔlɔnikɔ Maa-ŋuŋ 13:11

Mɛ̨nįi tii ə Davidə kwəi pili mą, gɛ mɛ̨nį Yai-Laa ə Uza hon bələ kɛ tii. Háá ɓaa háá, da kɛ gɛɛnąą tii laa ɓaa: «Uza nwun na pilii.»