Kɔlɔnikɔ Maa-ŋuŋ 11:3 - Yálá laawoo hɛɓɛ (dc)

³ Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun, yɛ bələi Yai-Laa ə mo la Samuɛlə ɓa.

Yálá laawoo hɛɓɛ

³ Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun, yɛ bələi Yai-Laa ə mo la Samuɛlə ɓa.

Bible

³ Eezuɛ nuu-pɔlɔ-ŋai dí pà Gâloŋ Deeƃé pɔ́ Iburɔŋ, è kpanaŋ-woo kɛ́ díyêei Yâwɛɛ ŋɛ́i-tuɛ. Dí nâa wúlɔ pú ŋ̀ûa dí gɛ̀ a díkâloŋ yɛ̂ɛ berei Yâwɛɛ è wɔ́lɔ góno tèe la Samia sarâi.

Kɔlɔnikɔ Maa-ŋuŋ 11:3 Referans Kwoze

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samia Veerɛi 5:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun.

Samia Veerɛi 2:4

Ɉuda lɔi hu nuą di pa di nwulɔ lɔ Davidə ɓa, di gɛ a tɔɔmun Ɉuda nwɔ pɛlɛ́i nwun na. Nuą di pa diɛ Davidə ɓa: «Yavɛsə Galaadə lɔi hu nuą ɓə Saulə powa loo.»

Samuɛlə dɔlɔɔ 16:3

Ɉaláá kulɔi lɔwai, ə́ Ɉɛse təli, nąąlɔwai, yii mąąnɛ̨ɛ̨ ə́ gɛ, ɲą́ą́ gbinįi ŋą́ nɛ yɛ́. Nui ŋą́ ɲéé lɛ mą, ya ɓə yá mąątí a nwulɔi ŋɛ̨i.»

Kɔlɔnikɔ Veerɛi 23:3

Nu kpului tii pa, di kəlee di ɲąąkpɔnŋąąi kɛ Yálá yəi bɛlɛ́n, di mįnɛ̨ həɠə tɔɔmun mąą mɛ̨nį hu. Yili pulu, Yehoyada yɛ diɛ: «Tɔɔmun non ga! Yaa ŋɛ̨i ɓə mąąnɛ̨ɛ̨i ə hee a dɔɔmun, yɛ bələi Yai-Laa ə mo la Davidə mąą mɛ̨nį ɓa.

Tɔɔɓɛlaa veelɛ 23:30

Yii kɛa Ɉosiasə ə haa, nwɔ kɔ́kulááɠaa di bowa həɠə Megido wotolo hu diɛ li la Ɉerusalɛmə. Di now nwɔ kámąi ə dee ɉu. Nɔi nuą di Ɉosiasə lon Yoakazə mąąti a dɔɔ hee wulɔ, di ɉee a nąn mąąhvalin.

Tɔɔɓɛlaa veelɛ 11:17

Yohoyada da tɔɔmun, ɛlɛɛ, da nɔi nuą di mįnɛ̨ həɠə Yai-Laa ɲɛ̨i ɓa, ə gɛ, nɔi ə kɛ a Yai-Laa nwɔɔ.

Samuɛlə dɔlɔɔ 28:17

Mɛ̨nįi ta Yai-Laa ə mo mą́ą́ gɛ́ mo, ya lɔ ka tii gaa gɛi. Yai-Laa aa dɔɔlaa kulɔ ə́ yəi, aa dɛɛ nu takpɛli pɔ, yii gaa a ə́ hee yɔwɔ ya ɓaa Davidə.

Samuɛlə dɔlɔɔ 23:18

Di nu hveelɛ di mįnɛ̨ həɠə Yai-Laa ɲɛ̨i ɓa. Davidə ə lɛɛ Horesa, Ɉonatan ə pənə ə li bɔɔli.

Samuɛlə dɔlɔɔ 15:28

Samuɛlə yɛ Saulə ɓa: «Yai-Laa aa ə́ wɔɔ naa tee Israɛlə tɔɔlaa ɓa háákələi, aa dɔɔlaa tɛɛ nu takpɛli pɔ, yii viɛlaɓoɔ yɛ́.

Samuɛlə dɔlɔɔ 11:15

Nuą kəlee də li Gilgalə, di Saulə hee a tɔɔmun Yai-Laa lííla. Di pɔnaa kulɔ haláá kulɔ laa Yai-Laa lííla. Saulə da Israɛlə nuą kəlee di hɛli kɛnɛ̨ pu.

Nwun mąąɓo 11:11

Galanɉonŋaa da Ɉɛfte ni di tɛɛ də li, di Ɉɛfte kɛ a di wɔ kɔ́ nwun nąmu. Lii di mo Mispa, mɛ̨nį Ɉɛfte da galanɉonŋaa di mo, ə hvaa mą Yai-Laa ɲɛ̨i ɓa.

Samia Veerɛi 5:5

Dɔɔlaa yii ŋɛ̨i ə gɛ Ɉuda lɔi hu Hebrɔn daai ə kɛ a kwɛlan mɛ̨ihveelɛ ɲąnin mɛ̨ida. Davidə ə tɔɔlaa kɛ Israɛlə lɔi da Ɉuda lɔi nwun na a: kwɛlan bow haaɓa kɔ́w haaɓa Ɉerusalɛmə.

Kɔlɔnikɔ Maa-ŋuŋ 11:10

Davidə ŋą kuláa wala-walaɠaai kɛ di tɔɔ bulu a nwala-walaa, yaa da Israɛlə, diɛi gɛ, Davidə yɛ heeɓo laa kɛ Israɛlə mɛ̨i, yɛ bələi Yai-Laa ə mo la.