Kɔlɔnikɔ Maa-ŋuŋ 11:16 - Yálá laawoo hɛɓɛ (dc)

¹⁶ Davidə ə kɛ mąąkilɛ pələi, Filisti nuą di wɔ kɔ́ ɓuwui ta ə kɛ Bɛtleɛmə daai.

Yálá laawoo hɛɓɛ

¹⁶ Davidə ə kɛ mąąkilɛ pələi, Filisti nuą di wɔ kɔ́ ɓuwui ta ə kɛ Bɛtleɛmə daai.

Bible

¹⁶ Tãi ŋí yée mu, Deeƃé è kɛ̀ ŋɔloo kwaai ma. Felesia-ŋai dia máŋ díkɛ̀ Bɛpeleɣɛ̃ɛ.

Kɔlɔnikɔ Maa-ŋuŋ 11:16 Referans Kwoze

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.

Samuɛlə dɔlɔɔ 13:23

Filisti nuą kpulu ta ə kulɔ, diɛ di ɲɛ̨i kɛ Mikmasə bələ nwun na ɓa.

Samuɛlə dɔlɔɔ 13:4

Israɛlə nuą kəlee di mɛ̨nįi tii bələ mɛ̨n, diɛ kɛ, Saulə aa Filisti nuą ɲąąwooɓomun baa. Nɔi lonnii di di ɲąąkpɔn ə lɛɛ, Israɛlə ə yowo laa hvilɛn da Filisti nuą di lɔwai. Nu kpulu kəlee ə ɲąąkpɔn, di hvilɛn Saulə pulu Gilgalə daai.

Mąątɛ̨nɛ̨ 142:1

Davidə nwɔ mąąwɛli wələ woo, ɓɛlɔwai ə kɛ la gwɛni wolo hu.

Samuɛlə dɔlɔɔ 23:25

Saulə da nwɔ nuąi di hvilɛn diɛ Davidə kwɛli. Di mo Davidə ɓa, ə yɛɛ gwɛni woloɠaa kɛɛnąą, ə ɉeei kulɔ laa. Saulə ə bələ mɛ̨n, ə hvilɛn Davidə pulu Maɔn nɔi pun ɉu.

Samuɛlə dɔlɔɔ 22:1

Davidə ə həɠə laa, ə li ə mąąkilɛ Adulamə kwɛni wolo hu. Niɛni da nąn ɲəi bɛlɛ́n nuą kəlee di bələ mɛ̨n, di laŋąnnaa mą gɛɛnąą tii ɓa.

Samia Veerɛi 5:17

Filisti nuą di bələ mɛ̨n diɛ kɛ, daa Davidə kɛ a tɔɔmun Israɛlə lɔi nwun na. Filisti nuą kəlee di hvilɛn diɛ Davidə kwɛli. Davidə ə bələ mɛ̨n, ə yɛɛ gɔ́ pɛlɛ́ kɛɛnąą.

Kɔlɔnikɔ Maa-ŋuŋ 11:17

Davidə ə níiɓa hɛn ɉu hvɛli, yɛ kɛ diɛ: «Ɲálɔwai ŋɛ̨i Bɛtleɛmə daa kpala, gbɛɛ ɓə pai ɉu ya ta tɛɛi bɔ́, ŋą́ gbələ?»

Samuɛlə dɔlɔɔ 22:4

Davidə ə li a gaa nuą Moabə tɔɔmun bɔɔli, di lɛɛ yili kɔ́wɔ mɛ̨i ɓɛlɔwai Davidə ə kɛ la mąąkilɛ pələi.

Samuɛlə dɔlɔɔ 22:5

Yələ ta, Yálá kwəi mɛ̨nį hukulɔ mun Gadə yɛ Davidə ɓa: «Hvo lɛɛ ə mąąkilɛ pələi, pənə ə́ li Ɉuda lɔi hu.» Davidə ə pənə ə lɔ Ɉuda lɔi hu, ə li ə hee Hɛrɛtə nwɛla hu.