Kɔlɔnikɔ Maa-ŋuŋ 11:10 - Yálá laawoo hɛɓɛ (dc)

¹⁰ Davidə ŋą kuláa wala-walaɠaai kɛ di tɔɔ bulu a nwala-walaa, yaa da Israɛlə, diɛi gɛ, Davidə yɛ heeɓo laa kɛ Israɛlə mɛ̨i, yɛ bələi Yai-Laa ə mo la.

Yálá laawoo hɛɓɛ

¹⁰ Davidə ŋą kuláa wala-walaɠaai kɛ di tɔɔ bulu a nwala-walaa, yaa da Israɛlə, diɛi gɛ, Davidə yɛ heeɓo laa kɛ Israɛlə mɛ̨i, yɛ bələi Yai-Laa ə mo la.

Bible

¹⁰ Diai ŋí ƃé kɛ̀ a Deeƃé ŋɔkɔ-kûluƃa-ŋai láa túɛ-ƃelai. Ǹûai ŋí da Eezuɛ-ƃelai kélee ƃé wɔ́lɔ tɔ̀ɔ bôlu a gɛ́ɛ pɔri é kɛ́ mì é ǹɔii kélee sóŋ yɛ̂ɛ berei Yâwɛɛ è wɔ́lɔ mò la é pîlaŋ Eezuɛ mai dí gɛ́ ŋɔkâloŋ-laai su é kpanâŋ.

Kɔlɔnikɔ Maa-ŋuŋ 11:10 Referans Kwoze

Kɔlɔnikɔ Maa-ŋuŋ 11:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun, yɛ bələi Yai-Laa ə mo la Samuɛlə ɓa.

Kɔlɔnikɔ Maa-ŋuŋ 12:38

Ɉurdɛn ya pulu pələ, Rubɛn huwu, Gadə huwu, da Manase huwu bələ tɔ̨nɔ̨, di kɛ a nu waa nwundɔ̨nɔ̨ nu waa pow hveelɛ, da di wɔɔ kɔ-kɔ hɛnŋąą kəlee.

Samia Veerɛi 3:21

Avnɛrə yɛ Davidə ɓa: «Gáá tɔɔi a nwą́nąąi, ŋą́ Israɛlə nuą kəlee ŋąąkpɔn nwɔ́ mɛ̨nį nąmu tɔɔmun bulu. Ka diɛni ka káá pai mįnɛ̨ həɠəi, ə́ kaa pai kɛi a tɔɔmun ɓɛi lɔpee naa a nɛɛ yɛ́.» Davidə da Avnɛrə di ɲələwala too, Avnɛrə yɛ li a nwəli pulu laɠiɛ.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Kɔlɔnikɔ Maa-ŋuŋ 12:23

Yələ ɓɔ pələ tɛitɛi kəlee, nuą di kɛi pa Davidə pɔ, diɛ kpɔnmąą tɛɛ bɔ, yili ɓə gɛ, ŋą kɔlaɠai hu ə kɛi kɛnɛ̨ yɛ Yálá nwɔ kɔlaɠa.

Kɔlɔnikɔ Maa-ŋuŋ 28:1

Davidə ə Israɛlə ɲąąwooɓo nuą kəlee ɲąąkpɔn Ɉerusalɛmə, ə bɛlɛ, nɔi nwun nąmįną diɛ, gɔláɠa nwun nąmįnąi kpɔ kɛ tɔɔmun ɲee mu, da nuąi kɛ a nu waa nwundɔ̨nɔ̨ nąmįną, nuąi kɛ tɔɔmun da nonnii di wɔɔ hɛngɔwɠaa da daatɛlɛɛ kəlee nwun na, da gbɛtɛgbuwuɠaa, da nuąi tɔɔmun nonnii mɛ̨ikaa mɛ̨nį nwun na, ə mą kɛ, yiiɠaai kɛ gɔɓuwu nwun na, da nu kpɛa-kpɛaɠaa kəlee.

Kɔlɔnikɔ Maa-ŋuŋ 12:21

Ɓɛlɔwai Davidə ə bulu pənə la, yɛ li Siklagə, Manase yəi bɛlɛ́n nuą di hvilɛn bulu; diɛ ɓaa: Adna, Yozavadə, Yediaɛlə, Mikaɛlə, Yozavadə, Elihu da Siletai, yai kɛ nu waa tamąą nwun na Manase lɔi hu.

Kɔlɔnikɔ Maa-ŋuŋ 12:24

Nuąi pa Davidə pɔ Hebrɔn, diɛ Saulə nwɔ heeɓo laa həɠə ɲəi, diɛ dɛɛ Davidə pɔ, yɛ bələi Yai-Laa ə mo la, diɛ ka:

Kɔlɔnikɔ Maa-ŋuŋ 12:39

Gɔkuláaɠaa tii kəlee huyiliɛ kɛ kɔ-kɔ mɛ̨nį ɓa, di pa Hebrɔn a di kwəi kwɛlɛɛ, əgɛ, di Davidə hee a tɔɔmun Israɛlə nuą kəlee nwun na. Israɛlə nu kpəlii tii lɛɛ, diɛ kpɛli di pa a di kwəi kwɛlɛɛ Davidə hee mɛ̨nį ɓa a tɔɔmun.

Kɔlɔnikɔ Maa-ŋuŋ 27:1

Israɛlə lonnii lononŋaa ka, a bɛlɛ́ɠaa laa, waa nąmįną, nwundɔ̨nɔ̨ nąmįną, da ɲalá nąmįnąi kɛ tɔɔmun bɔ diɛ nuą ɲąąkwɛlɛ, nu kpulu yii kɛi li, da yii kɛi li ɲąnįn dɛitɛi yee mu, gwɛlan ɉu ɲąnįn gəlee yee mu. Nu waa pow hveelɛ gɔw nąąn mə kɛ kpulu tɔ̨nɔ̨ hu.