Kɔlɔnikɔ Maa-ŋuŋ 10:4 - Yálá laawoo hɛɓɛ (dc)

⁴ Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.

Yálá laawoo hɛɓɛ

⁴ Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.

Bible

⁴ Gɛ́ɛ tí, Sɔ̂ɔ è mò ŋɔkɔ́ kɔ́-sãa siɣe-nuui ma ǹyɛɛi, “Íƃoa-sɔkpɔi kúla í ḿbaa la. Felesia-ŋai ŋí dífe Ɣâla kɔ́lɔŋ. Fé ŋ̀wɛ̂lii dí ƃaa-kula-maa tua kɛ́ a ńyãa.” Kɛ́lɛ ǹalôŋ ŋí è yào kpɔ́ vé pɔri ní Sɔ̂ɔ paâi. Nya ƃe Sɔ̂ɔ è tòo gbîŋ ƃoa-sɔkpɔi ŋá é gbîŋ paa.

Kɔlɔnikɔ Maa-ŋuŋ 10:4 Referans Kwoze

Samuɛlə dɔlɔɔ 31:4

Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.

Gɛlaɠaa 16:27

Nui kɛi ɲɛ̨i kɛ gaho nąmįną diɛ, ə nwun nɔ tanɔ̨n wúlú, ə gbonŋaa kaa naaɓoɔ, ə kɛ gwəi, gaho nąmįną daa pu, ə nwɔ ɓowai kulɔ daa hu

Gɛlaɠaa 1:18

Yaan nwąnąlɔɔ walii ti ə ɉɔlɔɓo, ə li ə lɔi ya la, nwɔ lɔi ti ə ɲá, yaa tɔlɔɔ ɓə haa laa; ə too, goo ə ɓɛla, gwəi hɛnŋąa kəlee di kulɔ di pu nɔi ɓa.

Kɔlɔnikɔ Maa-ŋuŋ 10:5

Yii kɛa Saulə nwɔ ɓíítiɛ̨i ə gaa yɛ a haa, yaa kpɛlimąn ə gbɔwɔ lɔ mowa kwɛa ŋą, da yaa di haa.

Tɔɔɓɛlaa dɔlɔɔ 16:18

Ɓɛlɔwai Zimri ə gaa la, yɛ daa daa mąątinɛ̨n, ə li tɔɔmun nwɔ lɔi mu pɛ́lɛ́i mu pələ, ə nwɔ̨n doo bɛlɛ́ hu, yaai tii ə lɛɛ ɉu.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Samia Veerɛi 1:20

Ka hvo bələ taɠa Gatə daai, Ka hvo ɉukulɔ Askelɔn bələɠaa pɔ. Ə gɛ, Filisti nɛ̨ąą di hvo pa ləi maa kwəinɛ̨ɛ̨ kulɔ, gɛ́nɛ kpolɔwaɠaa lonnii nɛ̨ąą di pa nee kɛ pili yələi a kwəinɛ̨ɛ̨.

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Nwun mąąɓo 16:21

Yili pulu, Filisti nuą di ɉon, di ɲɛ̨i wolo. Di ɉəɠə də li la Gaza daai, di ɲili a ɓala kwɛli yɔwɔn veelɛ. Samsɔn ɓə kɛa kɛ laa, yɛ gaho nąmįną kɔ̨nɔ̨n ɉiɠɛ.

Nwun mąąɓo 15:18

Ɲąąɓa, kpələ wɛli ə Samsɔn hon, ə nwoo tɛ Yai-Laa ɓa, yɛ mą: «Oo Yálá! Yɛ́ ɓə hvaa mą ə́ ɲeetɛɛmąą ŋɛ̨i tɛɛ bɔ́, ya ka kpələ wɛli yɛ ə́ baa, ə́ kaa pai nɛ́ɛ́i laa kɛ́nɛ̨ kpolɔwaɠaai ŋɛ̨i di ɉón?»

Nwun mąąɓo 9:54

Ɉulɔnon kɛ Abimelɛkə pɔ, yɛ nwɔ kɔ́ kɔ́ kwɛli hɛnŋaai həɠə, Abimelɛkə ə dəli, yɛ mą: «Ə́ wɔ ɓɔwai kulɔ daa hu, ə́ gbə́li paa, ə gɛ di hvo pa kɛ diɛ nɛ̨ɛ̨nu ta ɓə báá.» Nąąlɔwai, ɉulɔnon tii ə mowa lɔ ɉu, ə haa.

Samia Veerɛi 1:6

Ɉulɔnon tii yɛ mą: «Nąąlɔwai ŋą́ kɛ Gilboa yee ɓa, Saulə ə kɛ laa, dunwɔ̨n ŋąą nwɔɔ kpalai mɛ̨i. Gɔ kɔ́ wotoloɠaa da ɉoo gilɛ həɠə nuą diɛ lɛɠɛ mą kpɔ hɔɔlɛɛ,

Kɔlɔnikɔ Maa-ŋuŋ 10:3

Gɔ ə wiɛ Saulə mɛ̨i: gilɛn bilinuą di gaa, di kaai ə mo, mąą ə kpɛlin.