Yude 1:9 - BII BILA

⁹ Nduyɛ, hali lɔ́ɔ́ Misɛl simlacinɔ mɛlɛkaa va sɛɛngianndo nda masaa ɲinaa vɔɔnda le dialun Moise-on ndo, o dimul ndu diomnda vɔɔnda vaa lende le, kɛ nuaa o dimul ndu ni aa: «Màá Mɛlɛka tuisi nɔm dɛnɛ palaa coo!»

Yude 1:9 Referans Kwoze

Sakari 3:2

Mí mɛlɛkanɔ Hala-o dimul Setana aa: ‹Màá Mɛlɛka kinda nɔm sondoo, nɔm Setana! Màá Mɛlɛka kuuna nɔm sɔɛi! Ndu Mɛlɛka pila hɛli Yerusalɛm ni. Vɛ̀ɛ̀ o co maa kili nda soli o yin-ndo le langbanɔɔ ho co le?›

2Piɛr 2:11

Nduyɛ mɛlɛkaa kan a hiow nda yoomuan a kpaayaa, kɛ a co diomnde vɔɔn dimi a nda Maalii o hɔl te.

Dɛnnda cɔɔmuanndan 12:7

Mí cɔwvo tosan o halataala. Mí Misɛl nda mɛlɛkaa ndɔa cɔlɔba tambálakáà. Mí tambálaká kon bɛɛ cɔlɔba a mɛlɛkaa ndɔa,

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Tɔŋ miingua 34:6

Mí Hala pila kumbu ndu o dɛɛlalan Moab nin, Bɛt-Peɔr o hɔl-ndɔ. Háá paalen nden, vana-vana sina nɛɛ sɛi ndɔɔ co-a le.

Daniɛl 10:21

Kɛ i co nɔm ɲɛ sɛvan o Sɛbɛ Toɲaa nin-ndo dimul. Vana-vana mala ya o sɔɔn mun nin te, fɔ Misɛl, simlacinɔ niaa.›»

Daniɛl 10:13

Mɛlɛkanɔ kandà lɛŋnde Pɛrse len-ndo simul-la o palɛi bidiin a lepilɛ bɛngu, kɛ mí Misɛl, o co simlacinɔ pilɛ o mɛlɛkaa tɛɛn-ndo, hun mala ya. Mí lo lon masaa Pɛrse ikɛi.

1Piɛr 3:9

La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

1Tesalonikea 4:16

Kani telenndo tiiya pɛ, n tuɛinin diomndo fulaa o halataala, mì n tuei bulu Hala-o diom, o kon mì Maalii pila tol. Vanaa vi o diola Yeesu lan-nda fɔlɔn a tendulnin ni.

Marke 15:29

Mí vanaa va hiovɔɔ-a va ndu yeowlan a bolle hiiloo, má va dimio aa: «Nɔm dimi ni aa a co Cɛi-Hala-o tɛɛmbuu, mà mingi ndu tangul o palɛi ndii yáá bɛngu,

Fulaa 22:28

La tamala le ya Hala ɲɛm tasen niaa kow o ciɛɔn niaan nin-ndon a mɔima niaama tasean yɔngoo le. La bɛnda mì la yɔngu ya poaa niaa tasea.

1Dɛnnda lemasalan 12:17

Mí vanpiaandua pum a fula o polale Bɛnyamɛn-nden nin, mí a pum a fula o polale Yuda len nin, má komal David nɛɛ o va o vionnɔnndo nin-nda.