Yude 1:7 - BII BILA

⁷ Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

Yude 1:7 Referans Kwoze

Tɔŋ miingua 29:23

vanaa kan ɲunannin aa: ‹Le kɔlɔ yɛɛ nɛ Mɛlɛka tuisi yɛ sangalan ndan vannda ha coo? Yɛɛ nɛ yɔŋ yɛ mó tuulu kɔl a nda nuaa taw-taw?›

2Piɛr 2:6

Hala yaala kobilan Sodɔm a Komɔr le lan tɛɛmbuuo, mó mingi lan pultan, mí ken va silaa le vanaa hun sinanin Hala le-a,

O Kandɔɔ 18:20

O kon, mí Mɛlɛka dimul Abraham aa: «Caŋnda vannda co a kɔlvesɛi yungoo Sodɔm a yungoo Komɔr o sondo lan la co labɔɔ. A hiw bɔɔ laasianndo a yɔŋ vɔɔndo.

Luke 17:29

kɛ paale Lɔt faŋan Sodɔm-nden, mí Hala soli yinnden a powta leyinndan coocoo maa piɔɔ, mí le diw nda kpow.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Yeremi 50:40

I co ndu hunɔɔ muli mɛɛ ya muli Sodɔm, Komɔr a kobilaa balu lan-ndan yɛ. Vana-vana cel-lɛnin ndon te, vanaciee kɛ́-kɛ̀ kue lɛnin ndon te.» Sɔɛi fula ya Mɛlɛka o sondo-e co ken ni.

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

Amɔs 4:11

Mí hiiluu niaa vooku-vooku mɛɛ ya hiiluu kobio Sodɔm a kobio Komɔr mí tɛɛmbuu lan yɛ. Niaa, mí la yɔŋnun vɔngɔɲɔn maa kili nda soli o yin-ndo. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

O Kandɔɔ 19:5

Má veelu Lɔt, má dimul ndu aa: «Ɔ́ɔ̀ vanaa hin haa o nɔm ndo cɛinin cɔɛllɛn-nda? Solul naa nda mì n hini a nda.»

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Esai 13:19

O kon, kobio Babilɔn, o cɔm salamayɛi masɛi-yo, kobi kɛndɛ Kaldea co kon sangalanndo-o siŋnunnin maa Sodɔm a Komɔr, kobila Hala tɛɛmbuu lan-ndan pɛɛn.

Matie 11:24

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi Sodɔm-nde.»

Yeremi 20:16

Màá vana kon siŋnun maa kobila Mɛlɛka tɛɛmbuu ɲíí bii ndu le lan! Màá o tuei caŋnda imɔnɔlan idiiyo, mò tuei yondala cɔwlan a paalen o pol!

Cɛɛŋɔnnda Yeremi lan 4:6

Tɛɛmbuula vanaa nia la hiow levɔw a dɛnnda vɔɔnnda vannda Sodɔm tosa lan. Vana-vana hol nda ba le, má tambu o biɔŋɔɔ lepilɔɔ.

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

1Masaa 22:46

Sɔɔn tɔ̀un masaa Yosafat-on, dɛnnda tɔɔla o tosa lan a cɔwla o nɔla lan kpow la co lasɛvaa o sɛbɛ Dɛnnda lemasalan Yuda nin.

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

2Piɛr 2:2

Vanaa bɔɔ-bɔɔ a delnin laasian nda kon kɔɔli, o kon mi vannda dimi sɔɔn pɔmbɔn a nɛi toɲaa o kɔɔ le nda.