Yude 1:6 - BII BILA

⁶ La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Yude 1:6 Referans Kwoze

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Efɛsea 6:12

Kani o co n'vanndaciee le naa co cɔlɔba le, kɛ kpaayala maɲumndan, vanaa mayoomua, masɛi a ɲinaa vɔɔŋaa co o halataala-a.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Hebreea 10:27

fɔ calle cumndo a siòònde, le yamɛi Hala kilulnin vana kon-nde a yinnde bɛndule loamnin vanaa nila kalua len.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.