Yude 1:4 - BII BILA

⁴ Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Yude 1:4 Referans Kwoze

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

2Piɛr 2:10

taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

1Nsaŋ 2:22

Nɛ̀ɛ́ co yɛ vana lacòòvaa, o faŋan pɛ o vana co sɛɛngiaa maa Yeesu co Krista loo kɔɔli? Ndu co yaamɔɔ Krista-o ni, o kɛɛ Poo a Fuɲaa-o pɛɛn.

1Piɛr 2:16

La kela maa vanaa co o ba nda coo-a, kɛ nduyɛ, la siinguu hɔ́ɔ́yɛi niɛi kunga viannanndo le dɛnɛ vɔɔndo vionɔɔ le, kɛ la tosa dɛnndan maa vanaa baalaa Hala.

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

2Timote 3:6

Vanaa pum nda tɛɛn luɛinin o yungula pilalan nin, mà bii vanlaandua laasian a hakilan-nda, a yeemɛi vɔɔŋii súú-súù ka i pɛ o lakɔl-la pɛɛn.

Kalatea 5:13

Puapilɛa nia, le hɔ́ɔ́yɛi niaa sɔla veeloo ni. Kɛ nduyɛ, la siinguu hɔ́ɔ́yɛi ken fɛɛlɔɔ le luɛyɔɔ dɛnnda n'falulan tosaa le, kɛ la tosalan baalaa vellaa-velle a kaolianndo.

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Condii lisai 62:2

Hala ikɛi damaa ya calnùn nila ɲulu ni, ndu Hala o ba cinda nuu cɛn tum ni.

Condii lisai 1:1

Dɛnɛ kɛndɔɔ co le vana kon, vana kela o silala vanaa kɔlvesɛiya coo loo, vana sim o nɛi vanaa lahakia coo loo, vana cel o kunda vanaa mamaa n'vannda tɛɛn too.

Yude 1:15

le yamɛi vannda kpow kiolɔɔ, le vanaa lahakia kpow sangaa tuisio coo le dɛnnda vɔɔnnda kɛ́-kɛ̀ nda tosa má simul Hala, a le sɔɔn vɔɔŋun kɛ́-kɛ̀ vanaa nɔ kan lebɛɛ le-a dimi a ndu Hala-on.»

1Piɛr 4:18

Maa mɛɛ Sɛbɛ Hala-o dimi yɛ aa: «Te i yɔŋnun sɔɛi bɛɛn-bɛɛn le vana sandaa cindaa sɔlaa le, vɛ̀ɛ̀ la va yɛnin a vana lahaki sina Hala loo?»

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Matie 13:25

Kɛ telen vannda va o lɔan-ndo, mí yaamɔɔ ndɔɔ kɔ saŋ bil vɔɔndo o malun ndɔn mun nin, mó kɔannun.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

2Samiɛl 22:5

Yoei piɔ́mnde ndíì cii nin ya bayian, tindima ciee-piɔ́mndan maa luei nin ya siòònde.

1Timote 5:8

Te vanndo mulul vanaa ndɔa hɔlla le, kɛ taama-taama yungu ndɔɔ, mɛɛ o mal laalanndo, vana vaa lende hiow levɔw a vana laalan too.

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

2Piɛr 2:7

kɛ mó ciindiaa Lɔt vana sandaa, o va o mɔnɛi nin le kela vɔɔn vanaa kan-ndo.

Yude 1:18

A va dimio aa: «O telenndo ho mɛɛlulan, vanaa mam vannda-a cannin balɔɔ a yeemɛi ndɛi vɔɔnde.»