Yude 1:3 - BII BILA

³ Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

Yude 1:3 Referans Kwoze

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Yude 1:20

Kɛ niaa caaŋaa nia hɛnan ya-a, la hiow laci a simndan yili o laalan niaa diandaa nin, la piɛi a kpaaya Hala Kɔl-Diandaa.

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Tite 1:4

I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

2Timote 1:13

Loonun sɔɔn toɲan n tuei ya o sondo-on, va tɔɔmaseloo o laalanndo a o kaola n nɔ le Yeesu Krista-o nin.

1Timote 1:18

Po nuu Timote, i co nɔm sɔɔn mun pɛɛkoo mɛɛ sɔɔn siɔdii laci-on n dimin paandu a nɔm o kɔɔ yɛ, haliko ma cɔlɔba cɔlɔba kɛndɔɔ,

Kalatea 2:5

Kɛ le telen bingi bɛɛ n tosal nda lamamɔɔ mì n cɛl te, haliko mi toɲa co o Yoongu kɛndɔɔ nin-ndo lo o mandaa niaa tɛɛn.

Hebreea 13:22

Puapilɛa nia, i co niaa tɛɛlɔn mì la yaŋ nilan ɲɛkɛndɛi o sɔɔn ya sɛval niaa mun le niaa yoomuan lueiyo-on. O co bɛɛ sɔɔn bɔɔ le ya sɛval niaa le.

Dɛnnda kiilaa 9:22

Lepalaa-lepala Sol va hiovɔɔ laci a nda kɔltan pilanndo o sɔɔn o va nda dimullo-on nin. Yuifia va Damas-a a nɔla lɛ ndu ɲɛ-ɲɛ dimul te, kani o va nda cɔmndo maa Yeesu co Krista ni.

Esai 45:22

Lelan la mulin mì la hin ya o ibuŋ, o kon la sɔlanin cindaa, niaa co o lɛŋnden mɛɛlulan-nda kpow! Kani ya co Hala ni, Hala celen co o ya kɔɔli le.

Tɔŋ miingua 9:10

Mí Mɛlɛka yɔngu ya powta yɛ́ndɛ́la tiɔnndan, la ndu Hala pila sɛva coo a suei ndɔɛi lan. Sɔɔn o soo o yinnden tɛɛn o pembei coo paale niaa va a cuungiannda ndu o hɔl-ten-ndon va n'sɛvaa lecoo kpow.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

1Korɛntea 15:3

O ya sɔla-o, ndu fɔlɔn ya pɛɛku niaa ni, maa Krista vi le hakila naalan maa mɛɛ o sɛvan yɛ.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Dɛnnda kiilaa 18:28

Kani mó nɔla Yuifia a sondo vannda kpow o hɔl, mó cɔm vɛlɛ o Sɛbɛ Hala-o nin maa Yeesu co Krista ni.

Dɛnnda kiilaa 17:3

o va nda tɛɛsiallo a nda cɔmndo maa mɛɛ mì Krista ndóò sanga, mì ndóò tendu fulaa vanvílɛ́iya tɛɛn. Mó dimul nda vɛlɛ aa: «Yeesu ya co hoo niaa sɔɛi ndɔɛi dimullo-o, ndu co Krista ni.»

Yude 1:17

Kɛ niaa caaŋaa nia hɛnan ya-a, la loonun a sɔɔn kiilaa Yeesu Krista-a dimi-on.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

Kolɔsea 1:2

Le puapilɛa naa, vanaa co yungu Hala-o Kolɔse-a. Màá Hala Fuɲa naa cɔ niaa ɲia, mò ke niaa kɔlɲuloo!

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Kalatea 6:11

Sɛvaa ho co fondo kpodo-kpodo mɛɛ niaa co ndu cɔw nuaa yɛ le, a ba ya sɛval niaa ni.

Dɛnnda kiilaa 28:28

Lelan, la sínà maa sɔɛi cinda fula Hala o ba-o yɔngunnin vanaa co N'Yuifi le-a, mà bii ndi.» [

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Nehemi 13:25

Mí soaa nda, mí dɔaw nda vɛlɛ danga, mí lɔaa bɛɛ a pum, mí suingi nda yiinde. O kon má mɛnalan ya o diola Hala lan, maa a kɛsi lɛnin cuavaa ndaa laandua o nɔ̀lan mialla o ba le, maa a yil-lɛnin vɛlɛ laandaa mangalaa isɔɔa le poaa ndaa, te kon te le nda pila le few.

Tɔŋ miingua 21:9

La tosa pɛ lende, la soli dɛnɛ nɔɔlɛi piɔ́m vana tɛɛmbuu isɔɔ loo niaa tɛɛn, kani dɛnɛ sandaa niaa tosanin kon Mɛlɛka o hɔl ni.»

Dɛnnda kiilaa 6:7

O kon, mí sɔɛi Hala-e sɛŋin, mí kaandennda keleŋa kui Yerusalɛm. Mí vanaa-solia-lasálàà bɔɔ-bɔɔ a laalan.

Dɛnnda kiilaa 9:13

Kɛ mí Ananias muli aa: «Mɛlɛka, vanaa bɔɔ-bɔɔ a dimul-la sɔɔn a langbanɔ kon o kɔɔ, má dimul-la vɛlɛ dɛnnda vɔɔnnda o tosal vanaa nɔmnda Yerusalɛm-ndan.

Hebreea 6:9

Kɛ nduyɛ puapilɛa nia, n co bɛɛ dimio lende, kɛ n laalan maa la co o nɛi kɛndɔɔ coo, nɛi cindaa pɛɛn.

2Piɛr 2:21

Ɲɛ ndóò va fisa le nda-o co ni, hali mì ndáà sina nɛi dɛnɛ sandaa le, a ndu sinaa tɛ́ɛ́ ma muungu ma mulul tɔŋ diandaa ndóò tiiyalan nda-o kɔɔ.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.