Yude 1:16 - BII BILA

¹⁶ Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

Yude 1:16 Referans Kwoze

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

2Piɛr 2:10

taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

Filipea 2:14

La tosa dɛnndan kpow, o va a sɔɔn pɔmbɔ le, o va vɛlɛ a lasɛɛngian te,

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

1Korɛntea 10:10

N ŋɔɔcian maa mɛɛ a pum nda tɛɛn va ŋɔɔcianndo yɛ le, mí mɛlɛkanɔ nɔ piɔ́mndo o ba-o tɛɛmbuu nda.

Yude 1:18

A va dimio aa: «O telenndo ho mɛɛlulan, vanaa mam vannda-a cannin balɔɔ a yeemɛi ndɛi vɔɔnde.»

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

1Piɛr 2:11

Niaa vanaa hɛnan ya-a, i co niaa sila, niaa co mialla a vanaa hiavannda o lɛŋnden coo-a, la kpakpala yeeman falun co kɔlta niaalan cɔlɔbaa-on.

Condii lisai 15:4

Vana kon yeema bɛɛ mò ce vana yɔŋ vɔɔndo a lehɔl te, kɛ ò ke vanaa nɔ siòòŋii Mɛlɛka-e-a bɛɛlen. O cua bɛɛ ciɛ́i kàlà-kálɛi o Mɛlɛka lo, o mangala diomndo le.

Tɔŋ lasálàá 19:15

La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.

Yude 1:15

le yamɛi vannda kpow kiolɔɔ, le vanaa lahakia kpow sangaa tuisio coo le dɛnnda vɔɔnnda kɛ́-kɛ̀ nda tosa má simul Hala, a le sɔɔn vɔɔŋun kɛ́-kɛ̀ vanaa nɔ kan lebɛɛ le-a dimi a ndu Hala-on.»

1Piɛr 1:14

La del yeeman niáà nɔ paandu o sina lepɛŋ niaa nin-ndon kɔɔli le, n niáà nɔ telen niaa va vɔ n'cuaambɔ-on pɛɛn.

Kalatea 5:16

I ya co niaa dimul-le co hee ni: la màl Kɔl-Diandaa niaa simndan laci o ceen niaa nin, o kon la tosà lɛnin yeemɛi n'faluei le.

Nsaŋ 6:61

Le tùú Yeesu ndóò sina maa kaandeŋaa ndɔa co sɔɔn pɔmbɔn a pɛɛku ndɔ kon o kɔɔ-o, mó ɲuna nda aa: «Vɛ̀ɛ̀ mì sɔɔn ya dimi mun-ndon pala niaa?

Esai 29:24

Vanaa yiyanda ndalan la va laasianndo-a siŋnunnin vanaa sinaa dɛnɛ, vanaa va sɔɔn pɔmbɔm ɲiimu-ɲiimon sɔɛi-ya sɔlanin pɛɛkoo.»

Condii lisai 17:10

A nɔ iɲíí o lakɔl te, sɔɔn yongan tuŋ nda co solinndo o lasondo ni.

Kundalan 16:11

Lelan niaa liiman kpungbɛi le Mɛlɛka simullo niaa kunda nɔmndo ho ni. Kani yɛɛ nɛ Aarɔn co yɛ kpeekpei le ndu simullo a sɛɛngianndo?»

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

1Tesalonikea 4:5

La malnun yeemɛi vɔɔnde o ba maa vanaa sìna Hala le-a le.

Kalatea 5:24

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.

Nsaŋ 6:41

Mí Yuifia soaa sɔɔn pɔmbɔn a ndu le tùú o dimi maa ndu co ɲɛdiaa fula o halataala-o ni.

Luke 19:7

Vannda kpow ndáà cɔu lende, má va sɔɔn pɔmbɔn dimio aa: «Tofa vɔ, o kɔɛ o yiya o vana lahakio lo cɛinin.»

Luke 15:2

Mí Faliisia a vanaa pɛɛkaa latɔŋnda a va dimio tootoo aa: «Fallo ho co cɛlɔɔ le dioo nda vanaa lahakia.»

Luke 5:30

Mí Faliisia a vanaa ndaa pɛɛkaa latɔŋnda soaa sɔɔn pɔmbɔn, má ɲuna kadeŋaa ndɔa aa: «Le kɔlɔ yɛɛ niaa co yɛ dioo mì la va kolɔɔ niaa vanaa biyaa mulua a vanaa lahakia latulu?»

Talelan 28:21

O niŋ le hiyanndo handɔɔ vannda tɛɛn te. Vannda co kafala lan tosaa le tɔnɔla bingi-bingilan sɔlaa.

Condii lisai 106:25

Má muungu sɔɔn pɔmbɔn dimio o dɔ́ɔ́ngɔ́la ndalan nin, má kɛɛ le sɔɛi Mɛlɛka-e biyɔɔ.

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

SƐBƐ YƆB-O 32:21

I yeema mì sim vana-vana kɔɔli le, i lisanin vɛlɛ vana-vana le.

Tɔŋ miingua 1:27

Mí la soaa sɔɔn vɔɔnndon, mí la cɛɛŋun o cɛila-kolala-toandaala niaalan nin, mí la dimi aa: ‹Le tùú Mɛlɛka nɔ nɛyɔn naa-o o soli naa o lɛŋnde Esipte len nin ni. O yeema mò vɔngul naa Amoriia o ba, mì kan cii naa diw.

Kundalan 14:36

Vanaa Moise ndóò vem le lɛŋnden mɛɛndanndo, má tosa mí vanaa tɔ̀a kpow a caŋ a Moise o sondo, má saan cɔmndo mɛɛ lɛŋnde len le co yɛ-a,

Condii lisai 73:8

À co vannda mamɔɔ, à co sɔɔn kɔlvesɛiyon dimio, à co sɔɛi vannda coo a yongaa le nda saangiaa.