Yude 1:14 - BII BILA

¹⁴ A nda o kɔɔ Enɔk, fuɲa-mama ŋɔmmɛwndɔɔ o Adam kɔɔli tɛɛnguu diom Hala-o ni aa: «La tofa vɔ, Maalii co hunɔ̀ɔ́ a mɛlɛkaa ndɔa diandaa vaalan a vaalan

Yude 1:14 Referans Kwoze

Tɔŋ miingua 33:2

Mó dimi aa: «Mɛlɛka cɛn Sinai mó hun. O cɛn isisi nda coo Seir, o soli pangeloo cɔnɔnndo o pembei Paran, o tiiya o vanaa ndɔa lo a mɛlɛkaa diandaa taw-taw, a ba ndɔ kɛndɔɔ, mó yɔŋ nda tɔŋndo maa leyin.

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Sakari 14:5

La keinin o ból vanin kon o pembun mun tɛɛn-ndo nin mì la ɲaanun, kani ból kon tiiyanin háá Asal. La ɲaanunnin ɲinkon mɛɛ niaa ɲaanun sindɛ lɛŋnde ɲiiyaalen o paale Osias, va masaa Yuda-o len yɛ. O kon kɔɔli, Mɛlɛka Hala nuu hunnin a mɛlɛkaa ndɔa diandaa kpow.

O Kandɔɔ 5:18

Yerɛd ndóò ciiyo vɔsilan kɛmɛ a belaŋɔmpum a latiɔn, mó vialu Henɔk.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Esai 26:21

Kani la tofa vɔ, Mɛlɛka co fulaa o calta ndɔlan nin le vanaa co o lɛŋnden coo-a soŋɔ̀ɔ́, le dɛnnda vɔɔnnda ndalan. Lɛŋnden le solinin kooma deli lecoo-an ceen vakpa, le vin ndɛnin vanaa nda diw lecoo-a le.

Hebreea 12:22

Kɛ mí la sɔɔnguu o pembei Siɔn a o kobi Hala nɔ yoomoo o ba-o ikɛi, Yerusalɛm co o halataala-o, nɛɛ mɛlɛkaa co sɛ́lɛ́ a cuu cɔm te-a co-a.

Dɛnnda cɔɔmuanndan 5:11

Mí tofa vɛlɛ, mí ca mɛlɛkaa vaalan a vaalan o kpɛŋɛ lemasaa balɔɔ pindo. Ɲaa yoomaa a bɛndua yuuvɛiya bɛɛ va lon.