Yude 1:12 - BII BILA

¹² Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

Yude 1:12 Referans Kwoze

Matie 15:13

Mó muli aa: «Yɔm oo yɔm Fuɲa ni co o halataala-o tol te, ndu sungunnin.

Esekiɛl 34:8

Diom Maalii, o co Mɛlɛka-o dimi-o co hoo ni aa: «Le yoomu nuu, le tùú saa nia siŋnun pungapungaa-o, le tùú saa nia siŋnun balo visia biyaa yondoo nin le vana mandaa n'saa lepɛŋndo-o, le tùú vanaa mandaa n'saa nia a kɛɛ le hɔlla landɔɔ saa nia coo-o, le tùú vanaa mandaa n'saa va nda pila baloo dɔwnɔnndo má kɛɛ le saa baloo dɔvɔɔ-o,

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Talelan 25:14

Vana dimì le vanndo ɲɔɔ keo kɛ o yɔngu ndu loo co ko maa piɔɔ hel mò yɔngu hoeiye kɛ o se loo.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Luke 8:6

Mí n tiŋ mun deli o pow bandíláà coo. Mɛɛ n vil, mí n vesan, kani ɲɛ ɲulu ve lon te.

Esekiɛl 34:10

Maalii, o co Mɛlɛka-o dimi aa: I co vanaa mandaa n'saa tisa kɔɔli. I co saa nia poonda nda o ba, i mel-lɛnin nda le saa nia baloo dɔvɔɔ le, yɔŋii nda pila vanaa mandaa n'saa a va baloo dɔwnɔnndo daama. I solinin saa nia nda o lasondo, a ve lɛnin pungapungaa nda o ba le.»

Esekiɛl 34:2

«Po vanacieo sei, tɛɛngul simlacia Israɛlla diom Hala-o. Tɛɛngul nda ndu mà dimul nda, simlacia kan pɛɛn aa: Nuaa Maalii, o co Mɛlɛka-o dimi ni aa: ‹Dɛnɛ palaa co le simlacia Israɛlla co nda pila baloo dɔwnɔnndo-a. Vɛ̀ɛ̀ vanaa mandaa n'saa bɛnda mà yɛɛ saa ndaa billo dioo le?

Nsaki 5:5

La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen.

1Timote 5:6

Kɛ vanalanɔ pɔnɔ ndɔ vi mò va yeemɛi ndɔɛi ndu pila-e tosaa-o, maa vana vílɛ́i koni ndu co nin ni, hali o va bɛɛ yoomu.

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Luke 12:45

Kɛ te vana baala kon dimi pɛ aa: ‹Vana ni bɛndoo co yala hunɔɔ le›, o kon mò saan vanaa baalaa tɔ̀a lɔɔ, a piaandua a à laandua, mò luɛi dioo a kolɔɔ,

Marke 4:6

Kɛ mɛɛ paalen le fula, mí le lɔaa mun, mí n vesa, kani puundun ve le.

Matie 13:6

Kɛ mɛɛ paalen le fula, mí n ɲɔfɔliaa, mí n vesa, kani puundun ve le.

Osee 6:4

Kɛ mí Mɛlɛka mulul niaa aa: «Yɛɛ ya tosa yɛnin le niaa, niaa polale Efraim-nden? Niaa polale Yuda len yɛ, yɛɛ ya tosa yɛnin le niaa? Kaola niaa nɔ le ya-o, maa mɔ́m idii o co ni, maa makɛm o co ni, o nɛi puusian te.

Esekiɛl 34:18

Vɛ̀ɛ̀ niáà hini kɔl le kɔlan diólan o bil puiyaa kɛndɛ-kɛndɔɔ nin te? Vɛ̀ɛ̀ fɔ mì la nɛw vɛlɛ bil tɔ̀ lo lon-ndo a labɛngu? Vɛ̀ɛ̀ la nɔla manɔlaa kɔllo hinilan le mɛmma tengɛiyan kolɔɔ le, fɔ mì la linda matɔ̀ma lo-an a labɛngu?

Esekiɛl 17:9

Dimul nda aa nuaa Maalii, o co Mɛlɛka-o ɲuna ni aa: «Vɛ̀ɛ̀ rɛsɛn tum kon dɔawnunnin pá fuma? Vɛ̀ɛ̀ kovɛ tasoo sungunin puundun ndɔn mò keenduu kɔmnde ndɔlen haliko mo vesa, mì pei ndɔɛi o soli-e kpede i vesa le? Le ndu sungɔɔ a puundun ndɔn, vana nɔnin kpeku a kpaayaa bɛndu, te kon te a vannda sɛ́lɛ́ bɛndu le.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

2Dɛnnda lemasalan 7:20

i faŋanin niaa o lɛŋnde ya ke niaa len nin, mì kɛɛ Cɛi ya dindi ho le diola nilan biiloo sɔlaa lenin-ndo, o kon mì vannda súúlan kpow a mam Israɛl, mà pɛɛsa ndu.

Condii lisai 37:2

Kani nda keleŋanin ɲɔfɔliaa maa bil, mà simbulun maa bil puiyaa.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

Tɔŋ lasálàá 14:43

Taa cii pɛ tosa lende kpow, mì sɔŋndo muungu vɛlɛ mò fula,

SƐBƐ YƆB-O 8:17

ó tuisi puundun ndɔn lɛŋ di o powtan tɛɛn-ndo pɛɛn. O powta bandílálan tɛɛn pɔ́ puundun ndɔn nan baloo ni.