Yude 1:11 - BII BILA

¹¹ Dɛnɛ palaa co le nda! Kani o nɛi Kaɛn-ndo coo nda co kɔlan ni, maa mɛɛ Balaam luɛi o pɔwlan nin le tɔnɔɔ sɔlaa yɛ koni nda tosaa ni. Má sɔla piɔ́mndo le tùú nda cɛn a nila kalulan maa Koore-o.

Yude 1:11 Referans Kwoze

2Piɛr 2:15

A faŋan o nɛi sandaa coo, má del Balaam po Bosɔr-o kɔɔli, mí ndu fula sala dɛnɛ vɔɔndo hɔlten,

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

Hebreea 11:4

Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Misee 6:5

Vanaa nia sei, la yiyan-ndɔ mɛɛ Balak masaa Moab ndóò tuu le niaa dɛnɛ vɔɔndo tosallo yɛ. La loonun-ndɔ mɛɛ Balaam po Beɔr-o mulul ndu yɛ. O kon kɔɔli, mí ya pila sim niaa laci cɔnɔnndo Sitim háá Kilkal. La co sina o kon maa dɛnɛ sandaa tuŋ ya Mɛlɛka co niaa tosallo ni.›»

Esai 3:11

Dɛnɛ palaa co le vana kɔlvesɛiyo! Sangaa co ndu cum! Kani o sɔlanin tɔnɔ vali bala ndɔlan la co tosaa-o.

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

Tɔŋ miingua 23:4

Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.

Kundalan 31:16

La loonun maa nda Balaam yɔngu silala vɔɔnndan ni ma tosa mí Israɛlla del kasi a Mɛlɛka o dɛnɛ Peɔr-o nin. Nduyɛ kon tosa ni mí nàà halimaa toal kunda Mɛlɛka-o coo.

Sakari 11:17

Dɛnɛ palaa co le diɔm sondo vesɛi mandaa n'saa, o mal saa ndɔa-o! Màá mɔɛi cɔwve sɛɛsiaa ndu congoo, mì i pɛl ndu hɔlte ba kɛndɛlen! Màá congú ndɔɔ vu lekɛ́ndɛi! Màá hɔlte ndɔle ba kɛndɛlen le muungu tɔ́liɔ̀!»

Esekiɛl 13:3

Ɲɛ Maalii Hala dimi-o co hoo ni aa: Dɛnɛ palaa co le vanaa-tɛɛngaa-diom Hala-a pe lebol te-a, a co delɔɔ yiyannda ndalan kɔɔli hali mà ci ɲɛ-ɲɛ le-a.

Yeremi 13:27

I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?

2Masaa 16:16

Mí Uri vana-solia-lasálàá tosa mɛɛ masaa Ahas ndóò dimul ndu yɛ kpafii.