Yude 1:1 - BII BILA

¹ Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Yude 1:1 Referans Kwoze

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Nsaŋ 14:22

Mí Yuda (o co Iskariɔt le) ɲuna ndu aa: «Maalii, le yɛɛ n co yɛ mɛi ceendo cɔmnɔnndo mà cɔmnun naa?»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Nsaŋ 17:15

I co nɔm piɛi mà faŋa nda o ceendo coo le, kɛ mà manda nda le Vana vɔɔndo.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Rɔmnda 8:30

Vanaa o toosiaa kan-nda, mó veelu vɛlɛ nda. A o veelu kan-nda, mó siinguu nda vanaa sandaa. A o siinguu kan vanaa sandaa-a, mó biilu vɛlɛ nda.

Rɔmnda 6:22

Kɛ sunsun, la hɛlun hakio, mì la siŋnun cɛa Hala-a. La tosà niko dɛnndan le dindinndo, o kon mì sɔla yoomu fɛɛn-fɛɛndo.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

2Timote 4:18

Nduyɛ Mɛlɛka ciindiaanin ya o dɛnnda vɔɔnndan kpow nin, mò manda ya le luɛyɔɔ o Masale ndɔlen nin o halataala. Màá o sɔla biilu fɛɛn-fɛɛndo! Amiina!

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

Efɛsea 5:26

Le kunda vanaa laalannda bɛndaa Hala o hɔl, mó dindi ndu a mɛnndan a á sɔɛi.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

1Korɛntea 1:2

N co sɛbɔɔ ho sɛva le vanaa laalaŋaa co Korɛnte-a, le vanaa yɔngun ma va a diandaa o Yeesu Krista nin-nda, a le vanaa co diola Maalii Yeesu Krista lan veeloo nɛɛ-nɛɛ ka-a kpow, o co Maalii ndaa a Maalii naa-o.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Rɔmnda 9:24

Naa n co yɛ kpɛɛnɛn mun ni, o tasoo, naa o veelu fulaa Yuifia tɛɛn-nda, kɛ kɔ bii niko a vanaa fula vanaa-mangalaa-isɔɔa celen tɛɛn-nda.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Luke 6:16

Yuda po Nsaki-o a Yuda Iskariɔt, o mal Yeesu vannda o ba-o.

Dɛnnda kiilaa 20:32

Nihau, i sɔɔ niaa Hala o ba a o kɛndɛi ndɔɛi bɛngu. O nɔ kpaayaa le niaa yoomuan lueiyo, mò tosal niaa dɛnɛ kɛndɔɔ taw, kpaaya o kɛsi teengen le vanaa co le ndu-a kpow-vo.

Dɛnnda kiilaa 1:13

Ndáà muungoo Yerusalɛm, má kɔ luɛi o cɛi-lenin va o cɛi coocoo pum nin-ndo nin, nɛɛ ndáà bɔɔŋian lɔ́ɔ́-lɔ́ɔ̀-a. Nda yɔŋnun haa ni: Piɛr, Nsaŋ, Nsaki, Andre, Filipe, Tomas, Bartelemi, Matie, Nsaki po Alfee-o, Simɔn vana cɔlɔba le lɛŋnde ndɔlen baŋaa-o a Yude po Nsaki-o.

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.

Nsaŋ 17:17

Dindi nda a toɲaa: sɔɛi nɔmnde co toɲaa ni.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Nsaŋ 6:39

Nduyɛ, hɛnan vana vem ya-o co hoo ni, maa vana-vana hialun ya o vanaa o ke ya-a tɛɛn te, kɛ mì tindi nda, mà muungu yoomu o paale mɛɛlaa len.

Marke 3:18

Andre, Filipe, Bartelemi, Matie, Tomas, Nsaki po Alfee-o, Tadee, Simɔn langbanɔ yeema lɛŋnde ndɔlen-ndo,

Matie 10:3

Filipe a Bartelemi. Tomas a Matie vana biyaa muloo. Nsaki po Alfee-o a Tadee.

Matie 13:55

O co macoaa po langbanɔ cuaa layindɔɔ ho le? O co kala ndɔ le co Mari le? O co macoaa pɔmbɔa ndɔa le co Nsaki, Yosɛf, Simɔn a Yude le?

Marke 6:3

O co langbanɔɔ cua hoo yindɔlan-ndo le? O co po Mari-o le, bɛndoo Nsaki, Yosɛf, Yude a Simɔn pɛɛn? O co yemaa ndɔa le co naa haa tɛɛn nanu le?» Mí ken yɔŋnun pow boŋaa le nda.

Rɔmnda 1:6

Niaa bɛɛ, vanaa Yeesu Krista veelu-a niaa co ni.

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

Yude 1:21

La lo o canyɛi Hala-e nin nanu a hunɔɔ Maalii naa Yeesu Krista-o, mò hun ke niaa yoomu fɛɛn-fɛɛndo a kɛndɛi ndɔɛi.