Yosue 9:2 - BII BILA

² mí nda kpow yiinan le Yosue a Israɛlla cɔlɔbaa.

Yosue 9:2 Referans Kwoze

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

Esai 54:15

Te vannda del pɛ nɔm coo, o co ya (Mɛlɛka) o ba le yiyan kon fulanin te. Nduyɛ vanaa-vanaa yiinan pɛ ma del nɔm coo, a delinin nɔm o ba.

Esai 8:12

«Ɲɛ-ɲɛ vannda ha co veeloo aa: ‹Dúmbú yiyaa› niaa la veelu kon aa: ‹Dúmbú yiyaa› le, la yɔŋ siòònde a ɲɛ nda co siòònde yɔŋndo-o le, siòòŋii bii niaa mì la ɲiiya le.

Talelan 11:21

Lekɛ́ndɛi ken co ni, Vana tosaa dɛnɛ vɔɔndo helunnin dɛnɛ palaa le, kɛ vanaa sandaa sɔlanin baŋaa a polama ndan kpow.

Yosue 10:5

O kon mí masaa ŋuɛɛnua Amoriaa kan, hoo Yerusalɛm, hoo Hebrɔn, hoo Yarmut, hoo Lakis a hoo Ɛklɔn a cuungian nɛɛ pilɛ, má kɔa a vanaa ndaa cɔwva kpow, má kɔ kila dɔ́ɔ́ngɔ́ nda cɔwvo Kabaɔn ciee-lekɔɔ, má tiila kobio, má del ndu coo a cɔwvo.

Yosue 11:1

Yabin, masaa Hatsɔr tueyɔɔ maa a nɔla yaamɔaa ndɔa, mó vim Yobab va masaa Madɔn-ndo, masa va Simrɔn-ndo, a o va Aksaf-o kiilaa,

Yosue 11:5

Mí masaa kan kpow a cɛlan, má hun bɔɔŋian o mɛnndan Merɔm kɔngɔ le Israɛlla delɔɔ coo a cɔwvo.

Yosue 24:11

O kon mí la taŋ peo Yurdɛn, mí la tiiya Yeriko, mí Yerikoa, Amoriia, Perisiia, Kanannda, Hitiia, Kirkasiia, Hiviia a Yebusiia kpow a ciŋilan niaa a cɔwvo. Kɛ mí mal nda niaa o ba.